ଆକାଶରେ ଉଡିବା ପାଇଁ ପ୍ରସ୍ତୁତ ନୌସେନାର ପ୍ରଥମ ବ୍ୟାଚ୍ ମହିଳା ପାଇଲଟ
କୋଚି: ଭାରତୀୟ ପ୍ରତିରକ୍ଷା କ୍ଷେତ୍ରରେ ବୀରାଙ୍ଗନାଙ୍କ ପାରଦର୍ଶିତାର ଅନେକ କାହାଣୀ ରହିଛି । ଅନେକ ଥର ଦୁସାହସ ଏବଂ ବୀରତ୍ବ ପାଇଁ ଇତିହାସ ରଚିଛନ୍ତି ବୀରାଙ୍ଗନା । ତେବେ ଆକାଶମାର୍ଗରେ ଶତ୍ରୃ ଦେଖିବ ଭାରତର ନାରୀଶକ୍ତିର ପରାକାଷ୍ଠା । କୋଚିର ଦକ୍ଷିଣ ନାଭାଲ କମାଣ୍ଡ ପକ୍ଷରୁ ଡର୍ନିଅର ଏୟାରକ୍ରାଫ୍ଟରେ ନୌସେନାର ପ୍ରଥମ ବ୍ୟାଚ୍ ମହିଳା ପାଇଲଟଙ୍କ ପ୍ରଶିକ୍ଷଣ ଶେଷ ହୋଇଛି । ତେବେ ଯେଉଁ ମହିଳା ପାଇଲଟମାନେ ଏବେ ଯୁଦ୍ଧ ବିମାନ ଉଡାଉବାକୁ ପ୍ରସ୍ତୁତ, ସେମାନେ ହେଉଛନ୍ତି ନୂଆଦିଲ୍ଲୀ ମାଲଭିୟନଗରର ଲେଫ୍ଟନାଣ୍ଟ ଦିବ୍ୟା ଶର୍ମା, ଉତ୍ତରପ୍ରଦେଶ ତିଲହାରର ଲେଫ୍ଟନାଣ୍ଟ ଶୁଭାଙ୍ଗୀ ସ୍ବରୂପ ଏବଂ ବିହାର ମୁଜାଫରପୁରର ଲେଫ୍ଟନାଣ୍ଟ ଶିବାଙ୍ଗୀ ।