Municipal Election: ବିକାଶ ଧାରା ମୁଦ୍ଦା କରୁଛି BJD, ପ୍ରାର୍ଥୀଙ୍କ ପାଇଁ ଭୋଟ ମାଗିଲେ ହେଭିୱେଟ୍ - ବାଲେଶ୍ବର ପୌର ନିର୍ବାଚନ 2022

ବାଲେଶ୍ଵର : ପୌର ନିର୍ବାଚନ ପାଇଁ ସାରା ରାଜ୍ୟରେ ନିର୍ବାଚନୀ ମାହୋଲ ସରଗରମ । ବାଲେଶ୍ବର ପୌର ନିର୍ବାଚନରେ ମଧ୍ୟ ଧୀରେ ଧୀରେ ତାତି ବଢ଼ିବାରେ ଲାଗିଛି। ପ୍ରାର୍ଥୀମାନେ ସେମାନଙ୍କ ପ୍ରଚାର ଜୋରସୋରରେ ଚଳାଇଛନ୍ତି। ନିଜ ସପକ୍ଷରେ ଭୋଟ ମାଗିବା ପାଇଁ ପ୍ରାର୍ଥୀମାନେ ଲୋକଙ୍କ ଘରକୁ ଘର ଯାଉଛନ୍ତି । ବିଶେଷ କରି ଶାସକ ଦଳର ପ୍ରାର୍ଥୀମାନେ ବିକାଶର ଧାରାକୁ ନେଇ ଭୋଟରମାନଙ୍କ ପାଖକୁ ଯାଉଛନ୍ତି। ସହରର ବିକାଶ ହୋଇଛି ଏବଂ ଆହୁରି ହେବ ବୋଲି ଲୋକଙ୍କୁ ପ୍ରତିଶୃତି ଦିଆଯାଉଛି। ତେବେ ପ୍ରାର୍ଥୀଙ୍କ ସପକ୍ଷରେ ଭୋଟ ମାଗିବା ପାଇଁ 13 ନଂ ୱାର୍ଡ କାଉନସିଲର ପ୍ରାର୍ଥୀଙ୍କ ସହ ବିଧାୟକ ସ୍ୱରୂପ ଦାସ, ମହିଳା ନେତ୍ରୀ ସୁବାସିନୀ ଜେନା ପ୍ରମୁଖ ପ୍ରଚାରରେ ସାମିଲ ହୋଇଥିଲେ। 13 ନଂ ୱାର୍ଡର ପୂର୍ବତନ କାଉନସିଲର ତଥା ପୌରାଧ୍ୟକ୍ଷ ଅନେକ ବିକାଶ କରିଛନ୍ତି ସେଥିପାଇଁ ଲୋକଙ୍କ ବହୁମତ ସାଵସ୍ତ୍ୟ ହେବ ବୋଲି ଆଶା ପ୍ରକଟ କରାଯାଇଛି । ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ