ଲୁଗା ଦୋକାନୀଙ୍କ ଉପରେ ଆଖିବୁଜା ଆକ୍ରମଣ, ପୂର୍ବ ଶତ୍ରୁତା ସନ୍ଦେହ

ବାଲେଶ୍ବର: ସହରରେ ବିଗିଡିବାକୁ ଲାଗିଛି ଆଇନ ଶୃଙ୍ଖଳା ବ୍ୟବସ୍ଥା । ଜଣେ ବ୍ୟବସାୟୀଙ୍କୁ କରାଯାଇଛି ମରଣାନ୍ତକ ଆକ୍ରମଣ । ଜିଲ୍ଲା ଆଜିମାବାଦ ଅଞ୍ଚଳରେ ଚାଞ୍ଚଲ୍ୟ । ଜଣେ ଲୁଗା ଦୋକାନୀଙ୍କୁ ମରଣାନ୍ତ୍ରକ ଆକ୍ରମଣ କରିଛନ୍ତି ଦୁର୍ବୃତ୍ତ । ୩ ଜଣ ଦୁର୍ବୃତ୍ତ ଆସି ଖଣ୍ଡା ଭୁଜାଲିରେ ଦୋକାନୀ ଜଣଙ୍କୁ ଆକ୍ରମଣ କରି ଚାଲିଥିଲେ । ଗୁରୁତର ଲୁଗା ବ୍ୟବସାୟୀଙ୍କୁ ବାଲେଶ୍ବର ମେଡିକାଲରେ ଭର୍ତ୍ତି କରାଯାଇଛି। ଲୁଗା ବ୍ୟବସାୟୀ ଶେଖ ସାହବାଜ ଖାନଙ୍କ ଆଜିମାବାଦରେ ଏକ ଲୁଗା ଦୋକାନ ଥିବା ବେଳେ କଲିକତାରୁ ମାର୍କେଟିଂ କରି ଦୋକାନରେ ପହଞ୍ଚିଥିଲେ। ଦୋକାନ ଭିତରକୁ ପଶିବା ବେଳେ ଦୁର୍ବୃତ୍ତ ତାଙ୍କ ଉପରକୁ ମାରଣାସ୍ତ୍ରରେ ଆକ୍ରମଣ କରିଥିଲେ। ଆକ୍ରମଣ ପଛରେ ପୂର୍ବ ଶତ୍ରୁତା ସନ୍ଦେହ କରାଯାଉଥିବା ବେଳେ ଘଟଣାରେ ସହଦେଵଖୁଣ୍ଟା ଥାନା ପୋଲିସ ଅଧିକ ତଦନ୍ତ ଆରମ୍ଭ କରିଛି। ବାଲେଶ୍ବରରୁ ଜୀବନ ଜ୍ୟୋତି ନାୟକ,ଇଟିିଭି ଭାରତ