ହାଇଦ୍ରାବାଦ :ଆମ ଶରୀର 206 ଖଣ୍ଡ ହାଡ଼କୁ ନେଇ ଗଠିତ। ବୟସ ଅଧିକ ହେଲେ ସାଧାରଣତଃ ଆଥ୍ରାଇଟିସ ବା ଗଣ୍ଠିବାତ ରୋଗ ଲୋକଙ୍କ ମଧ୍ୟରେ ଦେଖାଯାଏ। ହେଲେ କମ ବୟସ୍କଙ୍କ ମଧ୍ୟରେ ଏହି ରୋଗ ଦେଖାଯିବା ଏବେ ଏକ ସାଧାରଣ ଘଟଣା ହୋଇଯାଇଛି । ଆର୍ଥ୍ରାଇଟିସ୍ ବା ଗଣ୍ଠିବାତ ରୋଗ ହେଲେ ଆଣ୍ଠୁ ଭଳି ଗଣ୍ଠି ସ୍ଥାନରେ ଯନ୍ତ୍ରଣା ହୋଇଥାଏ । ତେବେ ଗଣ୍ଠିବାତର ଲକ୍ଷଣ, କାରଣ, ପ୍ରତିଷେଧକ ବ୍ୟବସ୍ଥା ଏବଂ ଆର୍ଥ୍ରାଇଟିସର ଅନ୍ୟାନ୍ୟ ଦିଗ ବିଷୟରେ ସଚେତନତା ସୃଷ୍ଟି କରିବା ପାଇଁ ପ୍ରତିବର୍ଷ ଅକ୍ଟୋବର 12 ତାରିଖରେ ବିଶ୍ବ ଗଣ୍ଠିବାତ ଦିବସ ପାଳନ କରାଯାଏ। ତେବେ ଗଣ୍ଠିବାତକୁ ମେଡିକାଲ ଟର୍ମରେ ରୁମାଟିକ୍ ଏବଂ ମସ୍କୁଲୋସ୍କେଲେଟାଲ୍ ରୋଗ- RMD କୁହାଯାଏ । RMD ଦ୍ୱାରା ପ୍ରଭାବିତ ଲୋକଙ୍କୁ ସାହାଯ୍ୟ କରିତା ସହିତ ଚିକିତ୍ସା ପାଇଁ ପ୍ରୋତ୍ସାହିତ କରିବା ଦିବାସ ପାଳନର ଲକ୍ଷ୍ୟ ଅଟେ ।
ତେବେ ପ୍ରତ୍ୟେକ ବର୍ଷ ଗଣ୍ଠିବାତ ଦିବସ ପାଳନ ଏକ ଥିମ୍ ଉପରେ କରାଯାଇଥାଏ । ସେହି କ୍ରମରେ ଚଳିତ ବର୍ଷର ଥିମ ରହିଛି ଜଏଣ୍ଟ ହେଲ୍ଥ୍ ଫର ଅଲ(Joint Health for All) । ଏହାର ଅର୍ଥ ଗଣ୍ଠିବାତ ସମ୍ବନ୍ଧିତ ରୋଗରୁ ବର୍ତ୍ତିବା ଏବଂ ଉତ୍ତମ ଚିକିତ୍ସା ପାଇବା ଆବଶ୍ୟକ ।
ବିଶ୍ବ ଗଣ୍ଠିବାତ ଦିବସର ଇତିହାସ:ଆଜିକା ସମୟରେ ଲକ୍ଷ ଲକ୍ଷ ଲୋକ ଆର୍ଥ୍ରାଇଟିସ୍ ସମସ୍ୟାରେ ପୀଡ଼ିତ ହେଉଛନ୍ତି । ଏହି ସମସ୍ୟା ବିଷୟରେ ଲୋକଙ୍କ ମଧ୍ୟରେ ସଚେତନତା ବୃଦ୍ଧି ଲକ୍ଷ୍ୟରେ ପ୍ରତିବର୍ଷ ବିଶ୍ୱ ଆର୍ଥ୍ରାଇଟିସ୍ ଦିବସ ପାଳନ କରାଯାଏ । ଆର୍ଥ୍ରାଇଟିସ୍ ସମ୍ବନ୍ଧରେ ବିଶ୍ୱସ୍ତରୀୟ ଅଭିଯାନ 1996 ମସିହାରେ ଆର୍ଥ୍ରାଇଟିସ୍ ରୋଗୀଙ୍କ ସହ ଜଡିତ ଏକ ସଂଗଠନ ଆର୍ଥ୍ରାଇଟିସ୍ ଏବଂ ରିଉମାଟିଜିମ୍ ଇଣ୍ଟରନ୍ୟାସନାଲ୍ (ARI) ଦ୍ୱାରା ଆରମ୍ଭ ହୋଇଥିଲା । ସେବେଠାରୁ ପ୍ରତ୍ୟେକ ବିଶ୍ୱ ଅକ୍ଚୋବର 12 ତାରିଖକୁ ବିଶ୍ବ ଗଣ୍ଠିବାତ ଦିବସ ଭାବେ ପାଳନ କରାଯାଏ ।