ହାଇଦ୍ରାବାଦ:ଦେଶର ଅନେକ ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିଛି । ଏହି ଉତ୍ତାପ ଯୋଗୁଁ ଲୋକେ ଡହଳ ବିକଳ ହେଉଛନ୍ତି । ପ୍ରତିଦିନ ପାରଦ ବଢିବାରେ ଲାଗିଛି । ଏହାସହ ଗରମରୁ ହେଉଥିବା ରୋଗ ମଧ୍ୟ ବୃଦ୍ଧି ପାଇବାରେ ଲାଗିଛି । ମେ ଏବଂ ଜୁନ୍ ମାସରେ, ଉତ୍ତାପ ଶିଖରରେ ପହଞ୍ଚେ ଏବଂ ଉତ୍ତାପ ତରଙ୍ଗରୁ ରକ୍ଷା ପାଇବା କଷ୍ଟକର ହୋଇଯାଏ । ଗ୍ରୀଷ୍ମ ଋତୁରେ ସୂର୍ଯ୍ୟ ଏବଂ ଉତ୍ତାପ ବ୍ୟତୀତ ଅନେକ ଲୋକ ଅସ୍ବାସ୍ଥ୍ୟକର ଖାଇବା ଅଭ୍ୟାସ ହେତୁ ମଧ୍ୟ ଅସୁସ୍ଥ ହୋଇପଡନ୍ତି । ସନଷ୍ଟ୍ରୋକ କିମ୍ବା ହିଟ୍ ଷ୍ଟ୍ରୋକ୍ ଏପରି ଅବସ୍ଥା, ଯଦି ତୁରନ୍ତ ଚିକିତ୍ସା କରା ନଯାଏ ତେବେ ବ୍ୟକ୍ତିଙ୍କର ମୃତ୍ୟୁ ମଧ୍ୟ ହୋଇଥାଏ । ତେବେ ସତର୍କତା ଆପଣାଇ ଏଥିରୁ ଆପଣ ମୁକ୍ତି ପାଇପାରିବେ ।
1. ଦୀର୍ଘ ସମୟ ଧରି ଖରାରେ ରୁହନ୍ତୁ ନାହିଁ: ଦେଶରେ ଚାଲିଥିବା ଉତ୍ତାପ ତରଙ୍ଗକୁ ଏଡାଇବା ପାଇଁ ସୂର୍ଯ୍ୟଙ୍କ ଉତ୍ତାପରୁ ଦୂରେଇ ରୁହନ୍ତୁ । ମଧ୍ୟାହ୍ନ 12 ଟାରୁ 3 ଟା ମଧ୍ୟରେ ଘରୁ ବାହାରକୁ ନ ଯିବାକୁ ଚେଷ୍ଟା କରନ୍ତୁ ।
2.ଖରାରେ ବାହାରକୁ ଯାଆନ୍ତୁ ନାହିଁ: ପ୍ରଥମେ ସୂର୍ଯ୍ୟକିରଣକୁ ଯିବା ଠାରୁ ଦୂରେଇ ରୁହନ୍ତୁ, କିନ୍ତୁ ଯଦି ଦିନରେ ବାହାରକୁ ଯିବା ଆବଶ୍ୟକ ହୁଏ, ତେବେ ସନସ୍କ୍ରିନ ବ୍ୟବହାର କରନ୍ତୁ । ଟ୍ୟାନିଂ ଏବଂ ସୂର୍ଯ୍ୟକିରଣକୁ ଏଡାଇବା ପାଇଁ ଏକ ଛତା, କ୍ୟାପ୍ ଏବଂ ଥଣ୍ଡା ପାଣି ସାଙ୍ଗରେ ନିଅନ୍ତୁ ।
3. ଖାଦ୍ୟରେ ସ୍ବଚ୍ଛତା ବଜାୟୀ ରଖନ୍ତୁ: ବାହାରେ ଭଜା ଖାଦ୍ୟ ବା ଚିପସ ଏବଂ ଖୋଲା ସ୍ଥାନରେ ପ୍ରସ୍ତୁତ ଖାଦ୍ୟରୁ ଦୂରେଇ ରୁହନ୍ତୁ । କାରଣ ଏହି ଋତୁରେ ପରିଷ୍କାର ପରିଚ୍ଛନ୍ନତା ଉପରେ ବହୁତ ଧ୍ୟାନ ଆବଶ୍ୟକ । ଏଭଳି ପାଗରେ ଦୂଷିତ ଖାଦ୍ୟ ଏବଂ ପାନୀୟରୁ ଦୂରେଇ ରହିବା ଉଚିତ ।
4.ଅଧିକ ପାନୀୟ ଜାତିୟ ଖାଦ୍ୟ ଖାଆନ୍ତୁ: ଯଥାସମ୍ଭବ ତରଳ ଖାଦ୍ୟ ବ୍ୟବହାର କରନ୍ତୁ । ଯେପରି ଲେମ୍ବୁ, ଆଖୁ ରସ ଇତ୍ୟାଦି । କିନ୍ତୁ ଥଣ୍ଡା ଜାତୀୟ ପାନୀୟରୁ ଦୂରେଇ ରୁହନ୍ତୁ । ବରଫଯୁକ୍ତ ପାନୀୟ ପିଅନ୍ତୁ ନାହିଁ । ନଚେତ ସ୍ବାସ୍ଥ୍ୟ ସମସ୍ୟା ହୋଇପାରେ । ଏହି ଗ୍ରୀଷ୍ମ ଋତୁରେ ତରଭୁଜ, ଆମ୍ବ, କାକୁଡି ପରି ଫଳ ଖାଇବା ଜରୁରୀ ।
5. ଗୋଟିଏ ଥରେ ଅଧିକ ଖାଦ୍ୟ ଖାଆନ୍ତୁ ନାହିଁ: ଗ୍ରୀଷ୍ମ ଋତୁରେ ଅଧିକ ଖାଦ୍ୟ ଖାଇବା ଠାରୁ ଦୂରେଇ ରୁହନ୍ତୁ । ଏହାଠାରୁ ଭଲ, ଆପଣ ମିଠା ଏବଂ ରସାତ୍ମକ ଫଳ ସହିତ ଦିନ ଆରମ୍ଭ କରିପାରିବେ । ଯେଉଁଥିରେ ସେପଟା, ତରଭୁଜ ଏବଂ କମଳା ଏକ ଭଲ ବିକଳ୍ପ ଅଟେ । ସାଲାଡ ଭାବରେ ପିଆଜ ଏବଂ କାକୁଡି ଖାଆନ୍ତୁ କାରଣ ଏଥିରେ ପର୍ଯ୍ୟାପ୍ତ ପରିମାଣର ଜଳ ମିଳିଥାଏ, ଯାହା ଶରୀରର ତାପମାତ୍ରାକୁ ନିୟନ୍ତ୍ରଣ କରିଥାଏ ।
6. ଆରାମଦାୟକ ବସ୍ତ୍ର ପିନ୍ଧନ୍ତୁ: ଯଦି ଆପଣ ଗ୍ରୀଷ୍ମ ଋତୁରେ ବାହାରକୁ ଯାଆନ୍ତି, ତେବେ ଅଧିକ ଗାଢ ରଙ୍ଗର ଏବଂ ଟାଇଟ୍ ପୋଷାକ ପିନ୍ଧନ୍ତୁ ନାହିଁ । ଏହା ଦ୍ବାରା ସୂର୍ଯ୍ୟ ରଶ୍ମି ଅଧିକ ଅବଶୋଷିତ କରିଥାଏ । ଫଳରେ ଗରମ ସହ ଝାଳ ବାହାରିଥାଏ । ଏପରିସ୍ଥଳେ ସୂତା ଏବଂ ଢିଲା ପୋଷାକ ପିନ୍ଧିବା ଭଲ । ନୀଳ, ଧଳା, ହଳଦିଆ, ହାଲୁକା ଗୋଲାପୀ ଇତ୍ୟାଦି ରଙ୍ଗ ଆଜିକାଲି ପିନ୍ଧିବା ଭଲ ହେବ । କାରଣ ଏହି ରଙ୍ଗ ଅଧିକ ଉତ୍ତାପ ଅବଶୋଷଣ କରିପାରେ ନାହିଁ ।
7. ମସଲାଯୁକ୍ତ ଖାଦ୍ୟରୁ ବର୍ତ୍ତି ରୁହନ୍ତୁ: ଗ୍ରୀଷ୍ମ ଋତୁରେ ଅଧିକ ତେଲିଆ ଏବଂ ମସଲାଯୁକ୍ତ ଖାଦ୍ୟ ଖାଇବା ଠାରୁ ଦୂରେଇ ରୁହନ୍ତୁ । ଆହୁରି ମଧ୍ୟ, ରାସ୍ତାର କାର୍ଟରେ ଉପଲବ୍ଧ ଖାଦ୍ୟ ସାମଗ୍ରୀ ଖାଆନ୍ତୁ ନାହିଁ । କାରଣ ଏହା ଖାଦ୍ୟ ବିଷାକ୍ତ ହୋଇପାରେ । ମସଲାଯୁକ୍ତ ଖାଦ୍ୟ ଖାଇବା ଦ୍ବାରା ଶୀଘ୍ର ହଜମ ହୋଇନଥାଏ । ଫଳରେ ପେଟ ସମ୍ବନ୍ଧୀୟ ସମସ୍ୟା ହୋଇପାରେ । ତେଣୁ ମସଲାଯୁକ୍ତ ଖାଦ୍ୟ ଖାଇବା ବଦଳରେ ଆପଣ ସିଝା କିମ୍ବା ଭଜା ଖାଇପାରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
