ହାଇଦ୍ରାବାଦ: ଲୋକମାନେ ଟମାଟୋ କେଚଅପ୍କୁ(Tomato Ketchup) ବହୁତ ପସନ୍ଦ କରିଥାନ୍ତି । ସମୋସା, ପାକୋଡା କିମ୍ବା ସାଣ୍ଡୱିଚ୍ ଏସବୁ ସ୍ବାଦିଷ୍ଟ ଖାଦ୍ୟରେ ଟମାଟୋ କେଚଅପ୍ ଖାଇବାକୁ ପସନ୍ଦ କରିଥାନ୍ତି ଲୋକେ । ଟେଷ୍ଟ ସାଙ୍ଗକୁ ଏଥିରେ ମଧ୍ୟ ଅନେକ ରୋଗ ନିରାକରଣ ଶକ୍ତି ଅଛି, ଯାହା ଅଧିକାଂଶ ଲୋକେ ଜାଣିନଥିବେ । କର୍କଟ ରୋଗ ରୋକିବାରେ ଟମାଟୋ କେଚଅପ୍ ଅତ୍ୟନ୍ତ ପ୍ରଭାବଶାଳୀ ବୋଲି ଏକ ଅଧ୍ୟୟନରୁ ଜଣାପଡିଛି ।
ନ୍ୟାସନାଲ ବଟାନିକାଲ୍ ରିସର୍ଚ୍ଚ ଇନଷ୍ଟିଚ୍ୟୁଟ୍(NBRI) ସିନିୟର ପ୍ରିନ୍ସିପାଲ୍ ସାଇଣ୍ଟିଷ୍ଟ୍ ଡକ୍ଟର ମହେଶ ପାଲ୍ କହିଛନ୍ତି ଯେ, "ଟମାଟୋ କେଚଅପରେ ଲାଇକୋପିନ୍ ଥାଏ, ଯାହା ଅତ୍ୟନ୍ତ ଲାଭଦାୟକ ।" ସେ କହିଛନ୍ତି ଯେ, "ଏକ ଅନୁସନ୍ଧାନ ଅନୁଯାୟୀ ଏଥିରେ ଥିବା ଲାଇକୋପିନ ଏବଂ କାରୋଟିନଏଡ ପ୍ରୋଷ୍ଟେଟ କର୍କଟକୁ ରୋକିବାରେ ସହାୟକ ହୋଇଥାଏ ।"
ଲାଇକୋପିନ୍ କ’ଣ:- ବୈଜ୍ଞାନିକ ଡ. ମହେଶ ପାଲ କହିଛନ୍ତି, ଲାଇକୋପିନ୍ ହେଉଛି ଏକ କଲର୍, ଯାହା ଟମାଟୋରୁ ତିଆରି ସମସ୍ତ ଜିନିଷରେ ଥାଏ । ଏହା ଶରୀରରେ ମୁକ୍ତ ରେଡିକାଲ ସହିତ ଲଢି ଏକ ଆଣ୍ଟିଅକ୍ସିଡାଣ୍ଟର ଭୂମିକା ଗ୍ରହଣ କରିଥାଏ । ଏହାର ଆଣ୍ଟିଅକ୍ସିଡାଣ୍ଟ ଗୁଣ ଯୋଗୁଁ କର୍କଟ ଏବଂ ହୃଦରୋଗର ଆଶଙ୍କା ହ୍ରାସ କରିଥାଏ ।
ଟମାଟୋ କେଚଅପ୍ରେ ସୋଡିୟମ୍ ବେଞ୍ଜୋଏଟ୍ର ଭୂମିକା:-
ଟମାଟୋ କେଚଅପ୍ ତିଆରି କରିବାରେ ଟମାଟୋ ସବୁଠାରୁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ ବୋଲି ଡକ୍ଟର ମହେଶ ପାଲ କହିଛନ୍ତି । ସସ୍ ତିଆରିରେ ସର୍ବାଧିକ ପରିମାଣର ତାଜା ଲାଲ୍ ଟମାଟୋ ବ୍ୟବହୃତ ହୁଏ । ଏହା ବ୍ୟତୀତ ସୋଡିୟମ୍ ବେନଜୋଏଟ୍ ଏହାକୁ ନଷ୍ଟ ନହେବା ପାଇଁ ଯୋଗ କରାଯାଇଥାଏ, ଯାହା ଦ୍ବାରା ଫଙ୍ଗସ୍ ଏଡାଯାଇପାରିବ । ଭିନେଗାର, ଚିନି, ଶୁଖିଲା ଅଦା ପାଉଡର, ଅଦା ପାଉଡର, ନାଲି ଚିଲି ପାଉଡର ଏବଂ କଳା ଲୁଣ ଇତ୍ୟାଦି ମିଶାଇ ଟମାଟୋ କେଚପ୍ ପ୍ରସ୍ତୁତ କରାଯାଏ ।
ଟମାଟୋ କେଚପ୍ର ଉପକାରିତା:-
ଡକ୍ଟର ମହେଶ ପାଲ କହିଛନ୍ତି ଯେ, "ଟମାଟୋ କେଚପ୍ ଆମ ଶରୀରରୁ 'ଖରାପ କୋଲେଷ୍ଟ୍ରଲ' ଦୂର କରିବାରେ ସାହାଯ୍ୟ କରିଥାଏ । ଟମାଟୋର ଲାଲ୍ ରଙ୍ଗ ଏଥିରେ ଥିବା ଏକ ସ୍ୱତନ୍ତ୍ର ପିଗମେଣ୍ଟ ଯୋଗୁଁ ହୋଇଥାଏ । ଏହି ପିଗମେଣ୍ଟ ହେଉଛି ଲାଇକୋପିନ୍ । ଏହା ଏକ ଆଣ୍ଟି-ଅକ୍ସିଡାଣ୍ଟ ଯାହା ହୃଦରୋଗ ଏବଂ କୋଷ ନଷ୍ଟକୁ ରୋକିଥାଏ ।"
ଟମାଟୋ କେଚଅପ୍ର ଅପକାର:-
ଡକ୍ଟର ମହେଶ ପାଲଙ୍କ ଅନୁଯାୟୀ, ଟମାଟୋ କେଚଅପ୍ରେ ଉପକାର ସାଙ୍ଗକୁ ଅପକାର ମଧ୍ୟ ରହିଛି । ଟମାଟୋ କେଚପ୍ ତିଆରିରେ ବହୁ ଲୁଣ ଏବଂ ଚିନି ବ୍ୟବହୃତ ହୁଏ । ଏତେ ପରିମାଣର ଲୁଣ ଖାଇବା ଦ୍ୱାରା ଆପଣଙ୍କ ଶରୀରରେ ସୋଡିୟମର ମାତ୍ରା ଅଧିକ ହୋଇଥାଏ, ଫଳରେ ରକ୍ତଚାପ ବୃଦ୍ଧି ହେବାର ଆଶଙ୍କା ଥାଏ । ସେହିଭଳି ଚିନି ଅତ୍ୟଧିକ ଥିବାରୁ ମଧୁମେହ ରୋଗୀଙ୍କ ରକ୍ତରେ ଚିନି ପରିମାଣ ବୃଦ୍ଧି ପାଇବା ସାଙ୍ଗକୁ ସୁସ୍ଥ ଲୋକଙ୍କ ଶରୀରରେ ମଧ୍ୟ ଚିନି ପରିମାଣ ବହୁଗୁଣିତ ହୋଇଥାଏ ।
