ହାଇଦ୍ରାବାଦ: ନିକୋଟିନ୍ ଏବଂ ସିଆନାଇଡ୍ ପରି ସିଗାରେଟରେ ଥିବା ଅନେକ ରାସାୟନିକ ପଦାର୍ଥ ହେଉଛି ବିଷ ସଦୃଶ । ଏପରିକି ଏଗୁଡିକ ମଧ୍ୟ ଜୀବନ ନେଇପାରନ୍ତି । ଧୂମପାନର ଭୟାବହତା ବାବଦରେ ଅନେକ ଲୋକ ଜାଣିଥାନ୍ତି, ମାତ୍ର ଏହା ଏପରି ଏକ ନିଶା, ଯାହା ଥରେ ଘାରିବା ପରେ ଆଉ ଛାଡିନଥାଏ । ଯଦି ଏହି ଅଭ୍ୟାସକୁ ଛାଡିବାକୁ ଚାହୁଁଛନ୍ତି, ତେବେ ନିମ୍ନରେ ଦିଆଯାଇଥିବା କେତେକ ଟିପ୍ସ ଅନୁସରଣ କରିପାରିବେ...
1. ଧୂମପାନ ରୋକିବା ପାଇଁ ତାରିଖ ଏବଂ ସମୟ ସେଟ୍ କରି ରଖନ୍ତୁ:-
ଧୂମପାନ ରୋକିବାକୁ ଚାହୁଁଥିଲେ, ପ୍ରଥମେ ଏହି ଅଭ୍ୟାସକୁ ସ୍ବାଭାବିକ କରନ୍ତୁ । ଏଥିପାଇଁ ଏକ ନିର୍ଦ୍ଦିଷ୍ଟ ତାରିଖ ଏବଂ ସମୟ ସ୍ଥିର କରନ୍ତୁ । ଏହିସବୁ ସମୟରେ କିମ୍ବା ତାରିଖରେ ଧୂମପାନ କରିବି ନାହିଁ ବୋଲି ଏକ ପ୍ରତିଜ୍ଞା ନିଅନ୍ତୁ । ଏପରି କରିବା ଦ୍ବାରା ଧୀରେ ଧୀରେ ଏହି ଅଭ୍ୟାସ ହ୍ରାସ ପାଇପାରେ ।
2. ଆଗକୁ ଦେଖନ୍ତୁ:-
ମନେରଖନ୍ତୁ- ସିଗାରେଟ୍ ଆପଣଙ୍କ ଶରୀରର କୌଣସି ଭଲ କାର୍ଯ୍ୟରେ ଆସୁନାହିଁ, ତଥାପି ଆପଣ ଏହାର ନିଶାର ବାହାରି ପାରୁନାହାନ୍ତି । ଏହାର ଅର୍ଥ ସବୁକିଛି ନିକୋଟିନର ପାଦୁର୍ଭାବ କାରଣରୁ ଚାଲୁଛି, ଯାହା ଅତ୍ୟନ୍ତ ସ୍ବାସ୍ଥ୍ୟ ହାନୀକାରକ । ତେଣୁ ଏହା ଭାବନ୍ତୁ ଯେ, ଆପଣ କୌଣସି ମୂଲ୍ୟବାନ ଜିନିଷକୁ ଛାଡୁ ନାହାନ୍ତି, ବରଂ ଏକ କୁଅଭ୍ୟାସଠୁ ଦୂରେଇବାର ପ୍ରୟାସରେ ଅଛନ୍ତି । ତେଣୁ ଆଗକୁ ବଢନ୍ତୁ, ପଛରେ ଥିବା ଯତିକାରକ ନିଶାକୁ ଦୂରେଇବାକୁ ଚେଷ୍ଟା କରନ୍ତୁ ।
3. ଗୋଟିଏ ଶେଷ ସିଗାରେଟ୍ ରଖନ୍ତୁ:-
ବାସ୍ତବରେ, ଏଥିରେ ଆତ୍ମସମର୍ପଣ କରିବାର କିଛି ନାହିଁ, ବରଂ ଆପଣ ଏକ କୁଅଭ୍ୟାସର ବିଲୋପ କରିବାକୁ ଯାଉଛନ୍ତି ବୋଲି ଭାବନ୍ତୁ । ଏକ ନିର୍ଦ୍ଦିଷ୍ଟ ସିଗାରେଟ୍ ରଖନ୍ତୁ ଏବଂ ଏହା ଶେଷ ବୋଲି ଭାବନ୍ତୁ । ଏହି ସିଗାରେଟ୍ ପରେ କୌଣସି ସିଗାରେଟ୍ କିଣିବେ ନାହିଁ କିମ୍ବା ବ୍ୟବହାର କରିବେ ନାହିଁ ବୋଲି ମନସ୍ତ କରନ୍ତୁ । ଏହିପରି ଅଭ୍ୟାସ ନିଶ୍ଚିତ ରୂପେ ସିଗାରେଟର ନିଶାରୁ ମୁକୁଳାଇ ପାରିବ ।
5. ପ୍ରତିଦିନ ସାମାଜିକ ହୁଅନ୍ତୁ:-
ଆପଣ ସିଗାରେଟ୍ ଛାଡିବାକୁ ଚାହୁଁଛନ୍ତି, ତେଣୁ ଧୂମପାନ କରୁଥିବା ଲୋକଙ୍କଠାରୁ ଦୂରେଇ ରହିବା ଯେ, ନିହାତି ଆବଶ୍ୟକ ସେପରି ନୁହେଁ । ସାମାଜିକ ହୁଅନ୍ତୁ, ଅନ୍ୟମାନଙ୍କ ସହ ମିଳାମିଶା କରନ୍ତୁ, ନିଜକୁ ପ୍ରତିବନ୍ଧକ ଲଗାଇବା ଭଳି କୌଣସି ଭାବନା ଆଣିବାକ ଆବଶ୍ୟକ ନାହିଁ । ସାମାଜିକ କାର୍ଯ୍ୟକଳାପରେ ଯୋଗଦାନ କରନ୍ତୁ କିନ୍ତୁ ଧୂମପାନ କରୁଥିବା ଲୋକଙ୍କୁ ଈର୍ଷା କରନ୍ତୁ ନାହିଁ । ବରଂ ଏହା ହୃଦୟଙ୍ଗମ କରନ୍ତୁ ଯେ, ସେମାନେ ଆପଣଙ୍କୁ ଈର୍ଷା କରୁଛନ୍ତି । ଏହିପରି କେତେକ ସକରାତ୍ମକ ଭାବନା ଏବଂ ପଦକ୍ଷେପ ବଳରେ ନିଶ୍ଚିତ ରୂପେ ଧୂମପାନଠୁ ଦୂରେଇ ପାରିବେ ।
