ହାଇଦ୍ରାବାଦ:ଆଜି କାଲି ଯୁବପିଢି ମୋବାଇଲ ନିଶାରେ ଶୋଇବା ସମୟକୁ କମ କରିଦିଅନ୍ତି । ଅନ୍ୟ କିଛି ଜଣଙ୍କୁ ସ୍ବପ୍ନ ଦୋଷ ସହ ଅନ୍ୟାନ୍ୟ ସମସ୍ୟା ରହିଥିବାରୁ ଭଲ ଭାବେ ନିଦ ହୋଇନଥାଏ । ହେଲେ ଏଭଳି ସମସ୍ୟା ଥିଲେ ଏହାକୁ ହାଲୁକା ଭାବେ ନିଅନ୍ତୁ ନାହିଁ । ହୋଇପାରେ ବଡ ସମସ୍ୟା । ଏହି କାରଣରୁ କେବଳ ମାନସିକ ରୋଗ ନୁହେଁ ବରଂ ଷ୍ଟ୍ରୋକ ଏବଂ ଆଲଜାଇମର ରୋଗ ହେବାର ସମ୍ଭାବନା ରହିଛି । ଏନେଇ ଏକ ଅଧ୍ୟୟନରୁ ଜଣାପଡିଛି । ତେବେ ମସ୍ତିଷ୍କ ପାଇଁ ନିଦ୍ରା ସମସ୍ୟା ଦେଖାଯାଉଛି ନା ନିଦ୍ରାହୀନତା ପାଇଁ ମସ୍ତିଷ୍କ ରୋଗ ଦେଖାଯାଉଛି ସେନେଇ କିନ୍ତୁ ଅଧ୍ୟୟନରେ ଏହା ସ୍ପଷ୍ଟ ହୋଇନାହିଁ । କିନ୍ତୁ ଏହି ଦୁଇ କ୍ଷେତ୍ର ମଧ୍ୟରେ ସମ୍ବନ୍ଧ ରହିଛି ବୋଲି ସ୍ପଷ୍ଟ ହୋଇଛି ।
ମାୟୋ କ୍ଲିନିକ୍ ଅନୁସନ୍ଧାନକାରୀମାନେ ଜାଣିବାକୁ ପାଇଲେ, କମ ନିଦ୍ରା ଯୋଗୁଁ ହ୍ବାଇଟ ମେଟର ହାଇପରଣ୍ଟେନ୍ସିଟିର ମାତ୍ରା ବୃଦ୍ଧି ହୋଇଥାଏ । ଯାହା ଫଳରେ ମସ୍ତିଷ୍କରେ ଛୋଟ ଘା ହୋଇଥାଏ । ଏହା ସହ ସ୍ନାୟୁ ସମସ୍ୟା ମଧ୍ୟ ସୃଷ୍ଟି ହୋଇଥାଏ । ଯାହା କି ବୟସକୁ 3 ବର୍ଷ ବୃଦ୍ଧି ହେଲା ଭଳି କାର୍ଯ୍ୟ କରେ ।
କମ ସମୟ ଶୋଉଥିବା ବ୍ୟକ୍ତିଙ୍କ ସମସ୍ୟା ଅଧିକ ଦେଖାଯାଇଥାଏ । ଏମାନଙ୍କ କ୍ଷେତ୍ରରେ ହାଇପରଣ୍ଟେନ୍ସିଟିର ମାତ୍ରା ବୃଦ୍ଧି ହୋଇଥାଏ। ଗବେଷକମାନେ ବୟସ, ଲିଙ୍ଗ ଏବଂ ପରିସ୍ଥିତିକୁ ଉଚ୍ଚ ରକ୍ତଚାପ ଏବଂ ଉଚ୍ଚ କୋଲେଷ୍ଟ୍ରଲ ଭଳି ସମସ୍ୟା ସହ ମସ୍ତିଷ୍କରେ ପରିବର୍ତ୍ତନ ହେବାର ଆଶଙ୍କା କରିଥିଲେ । ଏହି ତଥ୍ୟ ମେଡିକାଲ ଜର୍ନାଲ୍ ନ୍ୟୁରୋଲୋଜିରେ ପ୍ରକାଶିତ ହୋଇଛି । ଏନେଇ ଆମେରିକୀୟ ଏକାଡେମୀ ଅଫ୍ ନ୍ୟୁରୋଲୋଜି ଏବଂ ମିନେସୋଟା ସ୍ଥିତ ମାୟୋ କ୍ଲିନିକର ସଦସ୍ୟ ଡିଏଗୋ ଜେ କାରଭାଲହୋ କହିଛନ୍ତି, ଏହି ବାୟୋ ମାର୍କର ଗୁଡିକର ପରିବର୍ତ୍ତନ ପ୍ରାରମ୍ଭିକ ମସ୍ତିଷ୍କ ରୋଗର ସମ୍ବେଦନଶୀଳ ସୂଚକ ଅଟେ । ଏହା ଅଳ୍ପ ଶୋଉଥିବା ଲୋକଙ୍କ ଉପରେ ଅଧିକ ପ୍ରଭାବ ପକାଉଥାଏ । ମସ୍ତିଷ୍କରେ ହେଉଥିବା ସମସ୍ୟାକୁ ନେଇ କୌଣସି ଚିକିତ୍ସା ବାହାରି ନାହିଁ । ତେଣୁ ଏଭଳି ସ୍ଥଳରେ ଆବଶ୍ୟକ ଅନୁସାରେ ଶୋଇବା ଆବଶ୍ୟକ।