ହାଇଦ୍ରାବାଦ: ଅଭିନେତା/ଅଭିନେତ୍ରୀମାନଙ୍କ ଜୀବନଶୈଳୀକୁ ଫ୍ୟାନ୍ସ ହୁଅନ୍ତୁ ଅବା ସମର୍ଥକ ଖୁବ୍ ଅନୁସରଣ କରିଥାନ୍ତି । ପ୍ରିୟର କଳାକାରଙ୍କ ଗୋଟିଏ ଗୋଟିଏ ପୋଷ୍ଟକୁ ବେଶ୍ ଉତ୍ସାହର ସହ ଚାହିଁ ରହନ୍ତି ଫ୍ୟାନ୍ସ । ସେମିତି ମଧ୍ୟ ସାଉଥ୍ର ପ୍ରସିଦ୍ଧ ଅଭିନେତ୍ରୀ ମମତା ମୋହନଦାସଙ୍କ ପୋଷ୍ଟକୁ ଅପେକ୍ଷା କରିଥିବେ ତାଙ୍କ ଫ୍ୟାନ୍ସ, ଆଉ ମମତା ମଧ୍ୟ ନିକଟରେ ସୋସିଆଲ୍ ମିଡିଆରେ କିଛି ଫଟୋ ପୋଷ୍ଟ୍ କରିଛନ୍ତି । ମାତ୍ର ସେ ଏଥର କରିଥିବା ପୋଷ୍ଟ କେବଳ ଫ୍ୟାନ୍ସ କାହିଁକି ପ୍ରତିଟି ବ୍ୟକ୍ତିଙ୍କୁ ଭାବପ୍ରବଣ କରିଦେଉଛି । କାରଣ ଫଟୋ ପୋଷ୍ଟରେ ଅଭିନେତ୍ରୀ ଜଣକ ଲେଖିଥିବା କ୍ୟାପ୍ସନ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ବାସ୍ତବରେ ମମତା ଏପରି ଏକ ରୋଗର ସାମ୍ନା କରୁଛନ୍ତି, ଯାହାକୁ ନେଇ ଚର୍ଚ୍ଚା ହେବା ସ୍ବାଭାବିକ । ତେବେ ମମତା ସମ୍ମୁଖୀନ କରୁଥିବା ରୋଗ କଣ, ଜାଣନ୍ତୁ...
ଖବର ମୁତାବକ, ନିକଟରେ ମମତା ଇନଷ୍ଟାଗ୍ରାମରେ କିଛି ଫଟୋ ପୋଷ୍ଟ କରି ତାଙ୍କୁ ଅଟୋୟୁମ୍ୟୁନ ରୋଗ ଭିଟିଲିଗୋ ରୋଗ ହୋଇଥିବା ଜଣାଇଛନ୍ତି । ମମତା ଏହା ମଧ୍ୟ କହିଛନ୍ତି ଯେ, ତାଙ୍କ 'ରଙ୍ଗ ଉଡୁଛି' । ଅର୍ଥାତ୍ ସେ ଏପରି ଏକ ରୋଗରେ ପୀଡିତ ହୋଇଛନ୍ତି, ଯେଉଁ କାରଣରୁ ତାଙ୍କ ତ୍ବଚାର ରଙ୍ଗ ବଦଳି ଯାଉଛି । ଧୀରେ ଧୀରେ ତାଙ୍କ ରଙ୍ଗ କଳା ପଡିଯିବା ସହ ଏହା ବୃଦ୍ଧି ପାଇବାରେ ମଧ୍ୟ ଲାଗୁଛି ।
ସବୁଠୁ ବଡ କଥା ହେଉଛି କି, ମମତା ଲେଖିଥିବା କ୍ୟାପ୍ସନ ପ୍ରତିଟି ବ୍ୟକ୍ତିଙ୍କୁ ଭାବପ୍ରବଣ କରିଦେଇଛି, ସେ କ୍ୟାପ୍ସନରେ ଲେଖିଛନ୍ତି ଯେ, 'ପ୍ରିୟର ସୂର୍ଯ୍ୟ, ମୁଁ ଏବେ ତୁମକୁ ଆଲିଙ୍ଗନ କରୁଛି, ଯେପରି ପୂର୍ବରୁ କେବେ କରିନଥିଲି । ତେଣୁ ଏତେ ଦାଗଯୁକ୍ତ ଯେ, ମୁଁ ରଙ୍ଗ ହରାଉଛି... କୁହୁଡି ମାଧ୍ୟମରେ ତୁମର ପ୍ରଥମ କିରଣ ଦେଖିବା ପାଇଁ ମୁଁ ପ୍ରତିଦିନ ସକାଳେ ଉଠେ । ମୋତେ ସେସବୁ ଦେଇଦିଅ, ଯାହା ତୁମ ପାଖେ ଅଛି, ମୁଁ ତୁମ ନିକଟରେ କୃତଜ୍ଞ ରହିବି । ଆଜିଠାରୁ ସବୁଦିନ ପାଇଁ...।" ତେବେ ଏହି ରୋଗ କଣ, ସେ ବାବଦରେ ଜାଣନ୍ତୁ...
ଭିଟିଲିଗୋ ରୋଗ କଣ ଏବଂ ଏହା ଏହା କାହିଁକି ହୁଏ:-