ହାଇଦ୍ରାବାଦ: କୋରୋନା ପରେ ଅନ୍ଲାଇନ୍ କ୍ଲାସ୍ କାରଣରୁ ଛୋଟ ଛୁଆଙ୍କ କ୍ଷେତ୍ରରେ ସ୍ମାର୍ଟଫୋନ ଏବଂ ଟାବଟେଲର ବ୍ୟବହାର ବୃଦ୍ଧି ପାଇଛି । ସ୍ମାର୍ଟଫୋନ, ଲାପଟପ ଏବଂ ଅନ୍ୟାନ୍ୟ ଗ୍ୟାଜେଟ ଛୋଟ ଛୁଆଙ୍କ ଦୁନିଆ କହିଲେ ମଧ୍ୟ ଅତ୍ୟୁକ୍ତି ହେବ ନାହିଁ । ତେବେ ଛୁଆଙ୍କ ସହିତ ବୟସ୍କଙ୍କ କ୍ଷେତ୍ରରେ ମଧ୍ୟ ଏହା ସମାନ ହୋଇଯାଇଛି । ଘଣ୍ଟା ଘଣ୍ଟା ଧରି ଏହି ଗ୍ୟାଜେଟରେ ସମୟ ବିତାଉଛନ୍ତି ଯୁବପିଢି । ଏଭଳି ଅନେକ ଛୁଆ ରହିଛନ୍ତି ଯେଉଁମାନେ କିଛି ସମୟ ମଧ୍ୟ ଫୋନ ବିନା ରହିପାରନ୍ତି ନାହିଁ । ତେବେ ଛୁଆଙ୍କ କ୍ଷେତ୍ରରେ ଗ୍ୟାଜେଟ ବ୍ୟବହାରକୁ ନେଇ ଏକ ରିପୋର୍ଟ ପ୍ରକାଶ ପାଇଛି ।
ରିପୋର୍ଟରେ କୁହାଯାଇଛି ଯେ, ସ୍ମାର୍ଟଫୋନ ନିଶା ବି ସ୍ମାର୍ଟଫୋନର ବହୁଳ ବ୍ୟବହାର ଦ୍ବାରା ଜଣେ ମାନସିକ ସ୍ତରରେ ଅସୁସ୍ଥ ହୋଇପାରେ । ଏକ ଅଧ୍ୟୟନରୁ ଜଣାପଡିଛି ଯେ, ଯେଉଁମାନେ ଦିନକୁ 4 ଘଣ୍ଟାରୁ ଅଧିକ ସମୟ ଫୋନ ବ୍ୟବହାର କରୁଛନ୍ତି, ସେମାନଙ୍କ ମାନସିକ ସ୍ବାସ୍ଥ୍ୟ ଉପରେ ନକରାତ୍ମକ ପ୍ରଭାବ ପଡିଥାଏ ଏବଂ ସେମାନଙ୍କ ପାଇଁ ମୋବାଇଲ ଏକ ପ୍ରକାର ନିଶା ହୋଇପାରେ । ତେଣୁ ଛୋଟ ଛୁଆଙ୍କୁ ଅଧିକ ସ୍ମାର୍ଟଫୋନ ବ୍ୟବହାର ଠାରୁ ଦୂରେଇ ରଖିବା ଉଚିତ୍ । କୋରିଆର ହନ୍ୟାଙ୍ଗ ୟୁନିଭରସିଟି ମେଡିକାଲ୍ ସେଣ୍ଟରର ଟିମ ଜାଣନ୍ତୁ ସ୍ମାର୍ଟଫୋନର ବ୍ୟବହାର ଦ୍ବାରା ଛୋଟ ଛୁଆଙ୍କ କ୍ଷେତ୍ରରେ କେଉଁ ପ୍ରକାର ପ୍ରଭାବ ପଡେ ।
ଅଧ୍ୟୟନ ଅନୁଯାୟୀ, ଗତ କିଛି ବର୍ଷ ମଧ୍ୟରେ ଯୁବପିଢିମାନଙ୍କ ମଧ୍ୟରେ ବିଶେଷକରି ନାବାଳିକା ଏବଂ କିଶୋରମାନଙ୍କ ମଧ୍ୟରେ ମୋବାଇଲ୍ ଫୋନ୍ ଏକ ପ୍ରକାର କ୍ରେଜ ସୃଷ୍ଟି କରିଛି । ଯାହା ସେମାନଙ୍କର ମାନସିକ ସ୍ବାସ୍ଥ୍ୟ ଉପରେ ସିଧାସଳଖ ପ୍ରଭାବ ପକାଉଛି । ଏହାସହିତ ଅନାନ୍ୟ ସ୍ବାସ୍ଥ୍ୟ ସମସ୍ୟା ମଧ୍ୟ ଦେଖାଯାଉଛି ।