ହାଇଦ୍ରାବାଦ: ବାର୍ଦ୍ଧକ୍ୟ ଏକ ପ୍ରାକୃତିକ ପ୍ରକ୍ରିୟା, ଯାହାକୁ ନା କେବେ ନିୟନ୍ତ୍ରଣ କରାଯାଇପାରିବ ନା ଏଡାଇ ଦିଆଯାଇ ପାରିବ । କିନ୍ତୁ ବୟସ ପୂର୍ବରୁ ଏହି ଅବସ୍ଥାକୁ ରୋକିବାର କ୍ଷମତା ଆପଣଙ୍କ ପାଖରେ ନିଶ୍ଚୟ ଅଛି । ଅର୍ଥାତ୍ ଯଦି ତ୍ବଚାରେ ବୃଦ୍ଧାବସ୍ଥା ପୂର୍ବରୁ ବାର୍ଦ୍ଧକ୍ୟ ମାଡିବସେ ତେବେ ଏହାକୁ ରୋକାଯାଇ ପାରିବ । ଏହାର ମୁଖ୍ୟ ଉପାୟ ହେଉଛି, ଖାଦ୍ୟରେ ପରିବର୍ତ୍ତନ । ଏପରି କେତେକ ଖାଦ୍ୟ ଅଛି, ଯାହା ଆପଣଙ୍କୁ ସୁସ୍ଥ ରଖିବା ସହ ଶରୀରକୁ ଆଣ୍ଟି-ଏଜିଂରୁ ରକ୍ଷା କରିବାରେ ସହାୟକ ହୋଇଥାଏ ।
କୋବି: ଏହା ଏକ ଶକ୍ତିଶାଳୀ ଆଣ୍ଟିଅକ୍ସିଡାଣ୍ଟ, ଯାହା ଚର୍ମ କୋଷଗୁଡ଼ିକୁ ନଷ୍ଟ ହେବାକୁ ରୋକିଥାଏ ଏବଂ ଆମକୁ ସୂର୍ଯ୍ୟର କ୍ଷତିକାରକ ଅତିବାଇଗଣୀ ରଶ୍ମିରୁ ରକ୍ଷା କରିଥାଏ । ବନ୍ଧା କୋବିରୁ ଅଧିକ ଲାଭ ପାଇବା ପାଇଁ ଏହାକୁ କଞ୍ଚା, କିମ୍ବା ହାଲୁକା ରନ୍ଧା ଯାଇଥିଲେ ଲାଭଦାୟକ ।
ଗାଜର: ବିଟା କାରୋଟିନ୍ ଏବଂ କମଳା ରଙ୍ଗର ପିଗମେଣ୍ଟରେ ପ୍ୟାକ୍ ହୋଇଥିବା ଗାଜର ରକ୍ତରେ କୋଲେଷ୍ଟ୍ରୋଲ୍ ହ୍ରାସ କରିବାରେ ସାହାଯ୍ୟ କରିଥାଏ ଏବଂ ରୋଗ ପ୍ରତିରୋଧ ଶକ୍ତି ବଢାଇଥାଏ । ଦିନକୁ ଗୋଟିଏ କପ୍ ଗାଜର ଜୁସ୍ ପିଇବା ଦ୍ବାରା ଦୃଷ୍ଟିଶକ୍ତିରେ ଉନ୍ନତି ଆସେ ଏବଂ ଧୂମପାନକାରୀଙ୍କ ମଧ୍ୟରେ ଫୁସଫୁସ କର୍କଟ ହେବାର ଆଶଙ୍କା ମଧ୍ୟ ହ୍ରାସ ପାଇଥାଏ ।
ଅଙ୍ଗୁର: ରିସଭେରାଟ୍ରୋଲ୍ ଏବଂ ଭିଟାମିନ୍-ସିରେ ଭରପୂର ଥିବା ଅଙ୍ଗୁରରେ ଆଣ୍ଟି-ଏଜିଙ୍ଗ୍ ଗୁଣ ଥାଏ । ଏହା ଚର୍ମ କୋଷଗୁଡ଼ିକର ଅବକ୍ଷୟକୁ ରୋକିଥାଏ । ଦୈନିକ ଏକ ଗ୍ଲାସ୍ ପର୍ପଲ୍ ଅଙ୍ଗୁର ଜୁସ୍ ପିଇବା ଦ୍ବାରା ଧମନୀରେ ରକ୍ତ ଜମାଟ ବାନ୍ଧି ନଥାଏ ।