Oily skin: ଏହିପରି କରନ୍ତୁ ଘରୋଇ ଉପଚାର, ଦୂର ହେବ ସମସ୍ୟା

ଅଧିକାଂଶ ଲୋକଙ୍କୁ ତେଲିଆ ଚର୍ମ(oily skin) କାରଣରୁ ବିଭିନ୍ନ ଚର୍ମ ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେବାକୁ ପଡିଥାଏ । ତେବେ କିପରି ଅଏଲି ସ୍କିନ୍‌କୁ ଏଡାଇବେ ଜାଣିବା ପାଇଁ ପଢନ୍ତୁ ଏହି ରିପୋର୍ଟ ।

ହାଇଦ୍ରାବାଦ: ସ୍କିନ୍‌କୁ ସଦା ସୁନ୍ଦର ଓ ଆକର୍ଷଣୀୟ କରିବାକୁ କିଏବା ନ ଚାହେଁ । ମାତ୍ର ସମସ୍ୟା ସୃଷ୍ଟି କରିଥାଏ ତେଲିଆ ଚର୍ମ(oily skin), ଅଧିକାଂଶ ଲୋକଙ୍କୁ ଏହି କାରଣରୁ ଚର୍ମ ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେବାକୁ ପଡିଥାଏ । ତେବେ ଚର୍ମ ତେଲିଆ ହେବାର ମୁଖ୍ୟ କାରଣ, ଚର୍ମର ତଳ ପୃଷ୍ଠରେ ଅବସ୍ଥିତ ସେବିସିୟସ୍ ଗ୍ରନ୍ଥିରୁ ଅତ୍ୟଧିକ ସେବମ୍ ନିର୍ଗତ ହେବା । ସେବମ୍ ଆମ ଚର୍ମକୁ ଆର୍ଦ୍ର ରଖେ, କିନ୍ତୁ ଯଦି ଏହା ଅଧିକ ହୋଇଯାଏ ତେବେ ଚର୍ମ ବହୁତ ତେଲିଆ ହୋଇଯାଏ ।

ତଥାପି, ତେଲିଆ ଚର୍ମକୁ କିପରି ଏଡାଇ ହେବ ସେ ବାବଦରେ ନିମ୍ନରେ ଆଲୋଚନା କରାଯାଇଛି...

ମୁହଁକୁ ଦିନରେ ଦୁଇଥର ସଫାକରନ୍ତୁ:-

ଯଦି ତେଲିଆ ଚର୍ମକୁ ଏଡାଇବାକୁ ଚାହୁଁଛନ୍ତି, ତେବେ ଦିନକୁ ଅତି କମରେ ଦୁଇଥର ମୁହଁକୁ ସଫା କରନ୍ତୁ । ମାତ୍ର ମୁହଁ ଧୋଇବା ବେଳେ ଅଧିକ ସାବୁନ୍ କିମ୍ବା ଫେସ୍ ୱାଶ୍ ବ୍ୟବହାର କରନ୍ତୁ ନାହିଁ । ମୁହଁ ଧୋଇବା ପାଇଁ ଗ୍ଲିସେରିନ ଧାରଣ କରିଥିବା ସାବୁନ ବ୍ୟବହାର କରିବାକୁ ଚେଷ୍ଟା କରନ୍ତୁ ।

ମହୁ ମଧ୍ୟ ଲାଭଦାୟକ:-

ମହୁରେ ଅନେକ ଆଣ୍ଟି-ବ୍ୟାକ୍ଟେରିଆ ଏବଂ ଆଣ୍ଟିସେପ୍ଟିକ୍ ଗୁଣ ରହିଛି, ଯାହା ତେଲିଆ ଚର୍ମରେ ଦେଖାଯାଉଥିବା ପିମ୍ପଲ୍ ସମସ୍ୟାକୁ ନିୟନ୍ତ୍ରଣ କରିଥାଏ । ମହୁ ଚର୍ମକୁ ତେଲିଆ ହେବାରୁ ରୋକିଥାଏ । ଏହା ସହିତ ଏହା ପ୍ରାକୃତିକ ଉପାୟରେ ଚର୍ମରେ ଆର୍ଦ୍ରତା ମଧ୍ୟ ରଖେ ।

ଟମାଟୋ ବ୍ୟବହାର କରନ୍ତୁ:-

ତେଲିଆ ଚର୍ମରୁ ମୁକ୍ତି ପାଇବା ପାଇଁ ଟମାଟୋ ହେଉଛି ସର୍ବୋତ୍ତମ ଉପଚାର । ଟମାଟୋରେ ସୋଲିସିଲିକ୍ ଏସିଡ୍ ଥାଏ, ଯାହା ଚର୍ମରୁ ତେଲ ହ୍ରାସ କରିବାରେ ସାହାଯ୍ୟ କରିଥାଏ । କେବଳ ଏତିକି ନୁହେଁ, ଟମାଟୋରେ ମିଳୁଥିବା ସୋଲିସିଲିକ୍ ଏସିଡ୍ ମଧ୍ୟ ବ୍ରଣ ସମସ୍ୟା ପାଇଁ ଏକ ଉତ୍ତମ ଉପଚାର ।

ତେଲିଆ ଖାଦ୍ୟ ଖାଇବା ଠାରୁ ଦୂରେଇ ରୁହନ୍ତୁ:-

ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ତେଲିଆ ଖାଦ୍ୟ ଖାଇବା ଠାରୁ ଦୂରେଇ ରହିବା ଉଚିତ୍ । ଆମେ ଖାଉଥିବା ଖାଦ୍ୟ ଅନୁଯାୟୀ ଆମ ଶରୀର ତିଆରି ହୁଏ । ସେଥିପାଇଁ ଖାଦ୍ୟରେ ଅଧିକ ତେଲିଆ ଖାଦ୍ୟ ଖାଇବା ଉଚିତ୍ ନୁହେଁ ।

ଘିକୁଆଁରୀ(Aloe vera):-

ଚର୍ମ ସମସ୍ୟା ପାଇଁ ଆଲୋ ଭେରା ଏକ ଉତ୍ପାଦନ ବୋଲି ବିବେଚନା କରାଯାଏ । ବିଶେଷକରି, ଯଦି ଏହାକୁ ତେଲିଆ ଚର୍ମ ପାଇଁ ବ୍ୟବହାର କରାଯାଏ, ତେବେ ଗାଧୋଇବାର 1 ଘଣ୍ଟା ପୂର୍ବରୁ ମୁହଁରେ ଆଲୋ ଭେରା ଜେଲ୍ ଲଗାନ୍ତୁ । ଏହା ପରେ ଏହାକୁ ଧୋଇ ଦିଅନ୍ତୁ । ସେନ୍ସିଟିଭ୍ ସ୍କିନ୍ ଥିବା ଲୋକଙ୍କୁ ଏହାକୁ ବ୍ୟବହାର କରିବା ପୂର୍ବରୁ ପରୀକ୍ଷା କରାଇନେବା ଉଚିତ୍ ।