ମେଲବୋର୍ଣ୍ଣ: ଭଏସ୍ ରେକର୍ଡିଂରୁ କୋଭିଡ୍ର ପତ୍ତା ଲଗାଇବ ଆପ୍(APP can detect covid symptoms using voice recording) ! ନିକଟରେ ଏପରି ଏକ ଆପ୍ର ଉଦ୍ଭାବନ ହୋଇଛି(Researchers New Development), ଯାହା ଭଏସ୍ ଟେଷ୍ଟରୁ କହିଦେବ ଆପଣଙ୍କୁ କୋଭିଡ ହୋଇଛି କି ନାହିଁ । ସେହିପରି ଏହି ଆପ୍ ମାଧ୍ୟମରେ ମଧ୍ୟ ପାର୍କିନ୍ସନ୍(Parkinson's), ଯାହା ଏକ ସ୍ନାୟୁଗତ ସମସ୍ୟା, ତା'ର ମଧ୍ୟ ଚିହ୍ନଟ କରିପାରିବ ଆପ୍ ।
କୃତ୍ରିମ ଜ୍ଞାନକୌଶଳ(Artificial Intelligence, AI)ରେ ପ୍ରସ୍ତୁତ୍ ଏହି ଆପ୍, ଜଣେ ବ୍ୟକ୍ତିଙ୍କ ସ୍ୱରକୁ ରେକର୍ଡ କରିଥାଏ ଏବଂ ପାର୍କିନ୍ସନ୍ ରୋଗରେ ଆକ୍ରାନ୍ତ ହୋଇଛି କି ନାହିଁ, ତାହା 10 ସେକେଣ୍ଡ ମଧ୍ୟରେ ଜଣାଇଥାଏ ଏବଂ ସ୍ନାୟୁବିଜ୍ଞାନୀଙ୍କ ପରାମର୍ଶ କରାଇବାକୁ ନିର୍ଦ୍ଦେଶ ଦେଇଥାଏ ।
RMIT(Royal Melbourne Institute of Technology) ବିଶ୍ୱବିଦ୍ୟାଳୟର ଅଧ୍ୟୟନର ମୁଖ୍ୟ ଗବେଷକ ଦୀନେଶ କୁମାର କହିଛନ୍ତି, "ଶୀଘ୍ର ଚିହ୍ନଟ, ନିଦାନ ଏବଂ ଚିକିତ୍ସା ଏହି ରୋଗଗୁଡ଼ିକୁ ପରିଚାଳନା କରିବାରେ ସାହାଯ୍ୟ କରିଥାଏ, ତେଣୁ ସ୍କ୍ରିନିଂକୁ ଶୀଘ୍ର ଏବଂ ଅଧିକ ସୁଗମ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି ଅନୁସନ୍ଧାନ ଏକ ଅଣ-ଯୋଗାଯୋଗ, ବ୍ୟବହାର-ସହଜ ଏବଂ ସ୍ୱଳ୍ପ ମୂଲ୍ୟର ପରୀକ୍ଷାକୁ ଅନୁମତି ଦେବ ଯାହା ନିୟମିତ ଭାବରେ ବିଶ୍ବର ଯେକୌଣସି ସ୍ଥାନରେ କରାଯାଇପାରିବ, ଯେଉଁଠାରେ ଡାକ୍ତରମାନେ ସେମାନଙ୍କ ରୋଗୀଙ୍କୁ ଦୂରରୁ ଥାଇ ମଧ୍ୟ ଚିକିତ୍ସା କରିପାରିବେ ।"
ଅନୁସନ୍ଧାନର ଫଳାଫଳ IEEE ଜର୍ନାଲ୍ ଅଫ୍ ଟ୍ରାନ୍ସଲେସନାଲ୍ ଇଞ୍ଜିନିୟରିଂ ଇନ୍ ହେଲ୍ଥ ଆଣ୍ଡ ମେଡିସିନ୍, IEEE ଆକ୍ସେସ୍ ଆଣ୍ଡ କମ୍ପ୍ୟୁଟର ଇନ୍ ବାୟୋଲୋଜି ଆଣ୍ଡ ମେଡିସିନରେ ପ୍ରକାଶ ପାଇଛି । ତିନୋଟି ଲକ୍ଷଣର ମିଶ୍ରଣ ହେତୁ ପାର୍କିନ୍ସନ୍ ରୋଗରେ ଆକ୍ରାନ୍ତ ଲୋକଙ୍କ ସ୍ୱର ବଦଳିଯାଏ, ସେଗୁଡିକ ହେଲା ଦୃଢତା, କମ୍ପନ ଏବଂ ମନ୍ଥରତା । କ୍ଲିନିକାଲ ବିଶେଷଜ୍ଞମାନେ ଏହି ଲକ୍ଷଣ ଗୁଡିକ ଚିହ୍ନଟ କରିପାରିବେ, କିନ୍ତୁ ଲୋକଙ୍କ ସ୍ୱରରେ ବୃହତ ପ୍ରାକୃତିକ ପାର୍ଥକ୍ୟ ହେତୁ ଏହି ମୂଲ୍ୟାଙ୍କନ ଚ୍ୟାଲେଞ୍ଜ ହୋଇପାରେ । ଦୀନେଶ କୁମାର କହିଛନ୍ତି ଯେ, ଲୋକଙ୍କ ସ୍ୱରରେ ଏହି ଗୁରୁତ୍ୱପୂର୍ଣ୍ଣ ପାର୍ଥକ୍ୟ ଯୋଗୁଁ ପାର୍କିନ୍ସନ୍ ଚିହ୍ନଟ କରିବା ପାଇଁ ଏକ କମ୍ପ୍ୟୁଟରାଇଜଡ୍ ଭଏସ୍ ମୂଲ୍ୟାଙ୍କନ ବିକାଶ ପାଇଁ ପୂର୍ବ ପ୍ରୟାସ ବିଫଳ ହୋଇଥିଲା ।
ଅନୁସନ୍ଧାନକାରୀମାନେ ପାର୍କିନ୍ସନ୍ ଏବଂ ତଥାକଥିତ ସୁସ୍ଥ ଲୋକମାନଙ୍କର ଏକ ନିୟନ୍ତ୍ରିତ ଗୋଷ୍ଠୀ ସହିତ ଭଏସ୍ ରେକର୍ଡିଂ ବ୍ୟବହାର କରିଥିଲେ, ତିନୋଟି ଧ୍ୱନି A, O ଏବଂ M । ସେ କହିଛନ୍ତି ଯେ, COVID-19 ରୁ ଫୁସଫୁସ ରୋଗର ଲକ୍ଷଣ ଥିବା ରୋଗୀମାନଙ୍କଠାରେ ଫୁସଫୁସ ସଂକ୍ରମଣ ହେତୁ ସ୍ୱରରେ ମଧ୍ୟ ପରିବର୍ତ୍ତନ ଆସିଥାଏ । ଲୋକଙ୍କ ସ୍ୱରରେ ବିଶେଷ ପାର୍ଥକ୍ୟ ହେତୁ ଫୁସଫୁସ ରୋଗକୁ ପ୍ରାଥମିକ ଅବସ୍ଥାରେ ଚିହ୍ନିବା କଷ୍ଟକର । ସେହି ତିନୋଟି ଧ୍ୱନି ଏବଂ ଅନୁସନ୍ଧାନକାରୀମାନେ ବିକଶିତ ବିଶ୍ଳେଷଣର AI(ଆର୍ଟିଫିସିଆଲ ଇଣ୍ଟେଲିଜେନ୍ସ) ପଦ୍ଧତି ସହିତ ଏହି ସୀମିତତାକୁ ଦୂର କରାଯାଇପାରିବ । ଆପ୍ର ବ୍ୟବହାର ପୂର୍ବରୁ ରୋଗକୁ ଚିହ୍ନିବା ପାଇଁ ସିଷ୍ଟମ ଉପରେ ତାଲିମ ପ୍ରଦାନ କରାଯିବ ।
RMIT ସ୍କୁଲ ଅଫ୍ ଇଞ୍ଜିନିୟରିଂର ସହ-ଗବେଷକ କ୍ୱୋକ କ୍ୟୁଙ୍ଗ ନାଗୋ କହିଛନ୍ତି ଯେ, ପାର୍କିନ୍ସନ୍ ରୋଗରେ ଆକ୍ରାନ୍ତ ବ୍ୟକ୍ତି ଏବଂ COVID-19ରେ ଆକ୍ରାନ୍ତ ହୋଇ ଡାକ୍ତରଖାନାରେ ଭର୍ତ୍ତି ହେବାର ଆଶଙ୍କା ଥିବା ବ୍ୟକ୍ତିଙ୍କ ସ୍ୱର କିପରି ସୁସ୍ଥ ଲୋକଙ୍କଠାରୁ ଭିନ୍ନ ସେ ଉପରେ ଆମର ସ୍କ୍ରିନିଂ ଟେଷ୍ଟ୍ ଆପ୍ ଅତି ସଠିକତା ସହିତ ଆକଳନ କରିପାରିବ । ତେବେ ପାର୍କିନ୍ସନ୍ ହେଉଛି ଏକ ଅବକ୍ଷୟକାରୀ ମସ୍ତିଷ୍କ ଅବସ୍ଥା ଯାହା ରୋଗ ନିର୍ଣ୍ଣୟ କରିବା ଚ୍ୟାଲେଞ୍ଜ ହୋଇପାରେ କାରଣ ଲୋକଙ୍କ ମଧ୍ୟରେ ଲକ୍ଷଣ ଭିନ୍ନ ହୋଇଥାଏ । ସମ୍ପ୍ରତି, ସ୍ନାୟୁବିଜ୍ଞାନୀଙ୍କ ମାଧ୍ୟମରେ ଏହି ରୋଗ ନିର୍ଣ୍ଣୟ କରାଯାଏ ଯାହା 90 ମିନିଟ୍ରୁ ଅଧିକ ସମୟ ନେଇପାରେ ।
