ହାଇଦ୍ରାବାଦ:ଆରମ୍ଭ ହୋଇଯାଇଛି ବର୍ଷା ଋତୁ । ମୌସୁମୀ ମଧ୍ୟ ଓଡିଶା ଛୁଇଁ ସାରିଛି । ତେବେ ବର୍ଷା ଋତୁରେ ଖାସ କରି ଚଟପଟା ସୁସ୍ବାଦୁ ଖାଦ୍ୟ ଖାଇବା ପାଇଁ ଭଲ ଲାଗିଥାଏ । କିନ୍ତୁ ଏହାରି ଭିତରେ ଲୋକେ ରୋଗ ପ୍ରତିରୋଧକ ଶକ୍ତି ଏବଂ ସ୍ବାସ୍ଥ୍ୟକୁ ଭୁଲି ଯାଇଥାଆନ୍ତି । ସ୍ବାସ୍ଥ୍ୟ ପ୍ରତି ଅଣଦେଖା କରିବା ଆବଶ୍ୟକ ନୁହେଁ । ବର୍ଷା ଋତୁରେ ସ୍ବାସ୍ଥ୍ୟର କିପରି ଯତ୍ନ ନେବେ ସନେଇ ଡାକ୍ତର ରୋହିଣି ପଟେଲ କିଛି ଟିପ୍ସ ଦେଇଛନ୍ତି ।
ଗରମ ପାନୀୟ ପିଅନ୍ତୁ: ବର୍ଷା ଋତୁରେ ହର୍ବାଲ୍ ଟି, ସୁପ୍ ଏବଂ ଅଦା ଚା' ଭଳି ଗରମ ପାନୀୟକୁ ବାଛନ୍ତୁ । ଏଗୁଡ଼ିକ କେବଳ ଆପଣଙ୍କୁ ଗରମ ଏବଂ ଆରାମଦାୟକ ରଖିବାରେ ସାହାଯ୍ୟ କରେ ନାହିଁ ବରଂ ଅତିରିକ୍ତ ସ୍ୱାସ୍ଥ୍ୟ ସୁବିଧା ମଧ୍ୟ ପ୍ରଦାନ କରେ । ହର୍ବାଲ୍ ଚା, ଯେପରିକି କାମୋମାଇଲ୍ କିମ୍ବା ଗ୍ରୀନ୍ ଟି, ଆଣ୍ଟିଅକ୍ସିଡାଣ୍ଟ ଯୋଗାଇଥାଏ ଏବଂ ରୋଗ ପ୍ରତିରୋଧକ ଶକ୍ତି ବଢାଇବାରେ ମଧ୍ୟ ସାହାଯ୍ୟ କରିଥାଏ । ପନିପରିବା ଭିତ୍ତିକ ସୁପ ଶରୀରରକୁ ଅନେକ ପୋଷକ ତତ୍ତ୍ବ ଯୋଗାଇଥାଏ ।
ଋତୁଭିତ୍ତିକ ଫଳ: ବର୍ଷା ଋତୁରେ ମିଳୁଥିବା ଫଳ ଅଧିକା ଖାଆନ୍ତୁ । ସେଓ, ଡାଳିମ୍ବ, ମୌସମ୍ବୀ(ମିଠା ଲେମ୍ବୁ) ଏବଂ କମଳାରେ ଭିଟାମିନ୍, ମିନେରାଲ୍ସ ଏବଂ ଆଣ୍ଟିଅକ୍ସିଡାଣ୍ଟର ମାତ୍ରା ଭରପୂର ରହିଥାଏ । ଏହି ଫଳଗୁଡ଼ିକ ପ୍ରତିରକ୍ଷା ପ୍ରଣାଳୀକୁ ମଜବୁତ କରିବା, ସଂକ୍ରମଣ ସହିତ ଲଢିବାରେ ଏବଂ ସାମଗ୍ରିକ ସ୍ୱାସ୍ଥ୍ୟରେ ଉନ୍ନତି ଆଣିବାରେ ସାହାଯ୍ୟ କରିଥାଏ । ଏହାକୁ ଖାଦ୍ୟରେ ଅନ୍ତର୍ଭୁକ୍ତ କରିବା ଦ୍ବାରା ଖାଦ୍ୟରେ ପ୍ରାକୃତିକ ମଧୁରତା ଏବଂ ସ୍ବାଦ ମଧ୍ୟ ବଢିଥାଏ ।
ଭିଟାମିନ-C ଯୁକ୍ତ ଖାଦ୍ୟ: ପ୍ରତିରକ୍ଷା ପ୍ରଣାଳୀକୁ ମଜବୁତ କରିବା ପାଇଁ ଖାଦ୍ୟରେ ଭିଟାମିନ୍ ସି ଅନ୍ତର୍ଭୁକ୍ତ କରିବା ଆବଶ୍ୟକ । ସାଇଟ୍ରସ୍ ଫଳ ଯେପରିକି ଲେମ୍ବୁ, କମଳା ଏବଂ ଅଙ୍ଗୁର ଫଳ ଭିଟାମିନ୍ ସିର ଉତ୍କୃଷ୍ଟ ଉତ୍ସ ହୋଇଥାଏ । ଏହାସହ କିୱି, ବେଲପତ୍ର ଏବଂ ବ୍ରୋକୋଲି ମଧ୍ୟ ଏହି ଜରୁରୀ ପୋଷକ ତତ୍ତ୍ୱରେ ଭରପୂର ଅଟେ । ଶ୍ବେତ ରକ୍ତ କଣିକା ଗଠନରେ ଭିଟାମିନ୍ ସି ସାହାଯ୍ୟ କରେ, ଯାହା ସଂକ୍ରମଣ ସହିତ ଲଢିବା ସହ ଶରୀରର ପ୍ରତିରକ୍ଷା ପ୍ରଣାଳୀକୁ ଠିକ ରଖିଥାଏ ।
ହାଇଡ୍ରେସନ:ବର୍ଷା ଋତୁରେ ପର୍ଯ୍ୟାପ୍ତ ପରିମାଣର ପାଣି ପିଇବା ଆବଶ୍ୟକ । ପାଗ ଥଣ୍ଡା ହୋଇଥିଲେ ମଧ୍ୟ ଶରୀରକୁ ହାଇଡ୍ରେସନ୍ ଆବଶ୍ୟକ । ବର୍ଷା ଋତୁରେ ବେଳେବେଳେ ଅତ୍ୟଧିକ ଆର୍ଦ୍ରତା ଯୋଗୁଁ ଅଧିକ ଝାଳ ବାହାରିଥାଏ । ଫଳରେ ଜଳୀୟ ଅଂଶର ମାତ୍ରା କମିଯାଇଥାଏ । ସଠିକ୍ ହାଇଡ୍ରେଟ୍ ରହିବା ପାଇଁ ଦିନକୁ ଅତି କମରେ ଆଠ ଗ୍ଲାସ୍ ପାଣି ପିଇବା ଆବଶ୍ୟକ ।