ପ୍ରସବ ପରେ ଛୁଆର ସ୍ତନ୍ୟପାନ ସହ ମାଆ ପାଇଁ ଆରମ୍ଭ ହୋଇଥାଏ ଏକ ନୂଆ ରୁଟିନ୍ । ସେହି ନୂଆ ରୁଟିନ ସହ ଖାପ ଖୁଆଇବା ପାଇଁ ଚେଷ୍ଟା କରନ୍ତି ମାଆମାନେ । କିନ୍ତୁ ବେଳେ ବେଳେ ରୁଟିନ ବେଶ୍ ଆହ୍ୱାନମୂଳକ ହୋଇଥାଏ । ମାଆମାନେ କିଭଳି ଏହାର ସମ୍ମୁଖୀନ ହେବେ ? ଏଭଳି ସ୍ଥିତିରେ ପରିବାରର ବୟସ୍କମାନେ ସହାୟକ ହୋଇପାରିବେ । କିନ୍ତୁ ଆଜିକାଲି ନ୍ୟୁକ୍ଲିୟର ଫ୍ୟାମିଲି ବା ଏକକ ପରିବାରର ଧାରା ବଢୁଥିବାରୁ ମହିଳାମାନେ ଛୁଆ ଜନ୍ମ ପରବର୍ତୀ ସ୍ଥିତିର ସାମନା କରିବା ପାଇଁ ପେଷାଦାର ସହାୟତା ଆବଶ୍ୟକ କରିଥାନ୍ତି । ଏ ପ୍ରସଙ୍ଗରେ ଇଟିଭି ଭାରତ ସୁଖୀଭବ ସାଇକୋଲୋଜିଷ୍ଟ ଓ ପ୍ଲେ ଥେରାପିଷ୍ଟ କାଜଲ ଡଭେଙ୍କୁ ସହ ଆଲୋଚନା କରିଥିଲା । ସେ ମାଆମାନଙ୍କ ପାଇଁ କିଛି ମୂଲ୍ୟବାନ ଟିପ୍ସ ଦେଇଛନ୍ତି ।
ଛୁଆ ଜନ୍ମ କରି ମାଆ ହେଲା ପରେ ମାଆବାପାମାନେ ସ୍ୱାଭାବିକ ଭାବେ ଖୁସି ହୋଇଥାନ୍ତି । ସେମାନଙ୍କର ଆନନ୍ଦର ସୀମା ନ ଥାଏ । କିନ୍ତୁ ପ୍ରସବ ସହ ସେମାନଙ୍କ ପାଇଁ ସୃଷ୍ଟି ହୋଇଥାଏ ନୂଆ ନୂଆଆହ୍ୱାନ । ଛୁଆ ଜନ୍ମ ସହ ସେମାନଙ୍କର ରୁଟିନ ବଦଳିଯାଇଥାଏ । ଛୁଆ ଉପରେ ହିଁ ମାଆବାପାଙ୍କ ଖାଇବା, ପିଇବା , ଶୋଇବା ନିର୍ଭର କରିଥାଏ । ଛୁଆର ଅଭିବୃଦ୍ଧି କେମିତି ହେବ, ସେ ଦିଗରେ ଧ୍ୟାନ ଦେଇଥାନ୍ତି ମାଆବାପା । ବିଶେଷ କରି ଛୁଆର ଲାଳନପାଳନ ପାଇଁ ମାଆମାନଙ୍କର ଦାୟିତ୍ୱ ବଢିଯାଇଥାଏ । ମାଆମାନଙ୍କ ସ୍ଲିପ୍ ପାଟର୍ନ ବଦଳିଯାଏ । କାରଣ ଛୁଆର ନ୍ୟାପି ଚେଂଜ୍ ପାଇଁ ସେମାନଙ୍କୁ ଅସମୟରେ ଉଠିବାକୁ ପଡିଥାଏ । ନିୟମିତ ବ୍ୟବଧାମରେ ନିଦରୁ ଉଠି ଛୁଆକୁ ବାରମ୍ବାର ସ୍ତନ୍ୟପାନ କରାଇବା ଦ୍ୱାରା ମାଆର ନିଦ୍ରାରେ ବ୍ୟାଘାତ ହୁଏ । କିନ୍ତୁ ମାଆକୁ ଏଭଳି ସ୍ଥିତି ଓ ନୂଆ ରୁଟିନ ସହ ଖାପ ଖୁଆଇବାକୁ ତ ପଡିବ । ଛୁଆର ଲାଳନପାଳନ ମାଆପାଇଁ ବଡ ଚ୍ୟାଲେଂଜ ହୋଇଥିଲା ବେଳେ ବେଳେ ବେଳେ ପରିବାର ପ୍ରତି ନିଜର ଦାୟିତ୍ୱବୋଧ ନେଇ ତା ମନରେ ପ୍ରଶ୍ନ ଉଙ୍କିମାରେ । ଏ ସବୁ ନିଜର ଯତ୍ନ ନେବାକୁ ଭୁଲିଯାଇଥାନ୍ତି ମହିଳାମାନେ । ସେମାନଙ୍କ ପାଇଁ ଗୁଡାଏ ଭାବନାତ୍ମକ ଆହ୍ୱାନ ସୃଷ୍ଟି ହୁଏ । ଏସବୁ ଭାବନା ମାଆର ମନକୁ ଆନ୍ଦୋଳିତ କରୁଥିବା ବେଳେ ହରମୋନ ବି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ସନ୍ତାନ ପ୍ରସବ ପରେ ମୁଡ୍ ହରମୋନ ସ୍ତର ହ୍ରାସ ହୁଏ । ଫଳରେ ଏହା ବ୍ୟଗ୍ରତା ଓ ଉତ୍କଣ୍ଠା ଭଳି ସ୍ଥିତି ସୃଷ୍ଟି କରିଥାଏ । ଅବସାଦ ଓ ଚିଡଚିଡା ଭାବ ବି ସୃଷ୍ଟି ହୁଏ । କିନ୍ତୁ ସକାରାତ୍ମକ କଥା ହେଲା ଯେ, ଏହି ହରମୋନ ମାଆ କ୍ଷୀର ସୃଷ୍ଟି କରିବାରେ ସହାୟକ ହୁଏ ।
ଟିପ୍ସ :
୧. ଛୁଆଙ୍କ ଲାଳନପାଳନ ବାବଦରେ କୌଣସି ମାନୁଏଲ ନଥାଏ ବୋଲି ସାଧାରଣତଃ କୁହାଯାଇଥାଏ । କିନ୍ତୁ ଆମକୁ ମନେ ରଖିବାକୁ ହେବ ଯେ, ଛୁଆ ଜନ୍ମର ପ୍ରଥମ ଦିନରୁ ହିଁ ପ୍ୟାରେଂଟିର ଏକ ସୁନ୍ଦର ଯାତ୍ରାଆରମ୍ଭ ହୋଇଥାଏ । ତେଣୁ ପ୍ରଥମ ଦିନରୁ ହିଁ ‘ପରଫେକ୍ଟ ପ୍ୟାରେଂଟ୍’ର ଭାବନା ପରିତ୍ୟାଗ କରନ୍ତୁ । ଏଭଳି ଭାବିବା କିଛି ଭୁଲ ନୁହେଁ । କାରଣ ଏହାସହ ଖାପ ଖୁଆଇବା ପାଇଁ ଆପଣଙ୍କ ଭିତରେ ଓ ଆଖପାଖରେ ମେକାନିଜିମ୍ ରହିଛି ।