ହାଇଦ୍ରାବାଦ: ଋତୁ ଅନୁଯାୟୀ ଆମ ସ୍ବାସ୍ଥ୍ୟରେ ବିଭିନ୍ନ ପରିବର୍ତ୍ତନ ଦେଖାଯାଏ । ବର୍ଷା ଓ ଶୀତ ଋତୁରେ ଅଧିକ ଦିନ ଥଣ୍ଡା କାଶ ଲାଗି ରହିଥିବା ବେଳେ ଗ୍ରୀଷ୍ମରେ ପାକସ୍ତଳୀ ଏବଂ ଚର୍ମ ସମ୍ବନ୍ଧୀୟ ସମସ୍ୟା ଅଧିକ ଦେଖାଯାଏ । ସେଥିମଧ୍ୟରୁ ଘିମିରି ଅନ୍ୟତମ । ଖରାଦିନରେ ଅଧିକାଂଶ ଲୋକଙ୍କର ଘିମିରି ହୁଏ । ସେନ୍ସିଟିଭ୍ ବା ସମ୍ବେଦନଶୀଳ ଚର୍ମ ଥିବା ବ୍ୟକ୍ତି ବିଶେଷଙ୍କ ପାଇଁ ଏହି ସମସ୍ୟା ଗମ୍ଭୀର ହୋଇଯାଏ । ତେବେ ଘିମିରି କଣ, ଏହା କାହିଁକି ହୁଏ ଏବଂ ଗ୍ରୀଷ୍ମରେ କିପରି ଏହାର ସମାଧାନ କରିବେ, ଜାଣନ୍ତୁ...
କାହିଁକି ଖରାଦିନେ ହୁଏ ଘିମିରି, ଜାଣନ୍ତୁ କେମିତି କରିବେ ସମସ୍ୟାର ସମାଧାନ
ଖରା ଦିନରେ ଘିମିରି ଏବଂ ଅନ୍ୟାନ୍ୟ ଚର୍ମ ସମସ୍ୟା ଅଧିକ ଦେଖାଯାଏ । ଏହାର କାରଣ ଓ ନିରାକରଣ କିପରି କରିବେ, ଜାଣନ୍ତୁ...
Etv Bharat
ସ୍ବାସ୍ଥ୍ୟ ବିଶେଷଜ୍ଞଙ୍କ କହିବା ଅନୁସାରେ, ଗ୍ରୀଷ୍ଣଋତୁରେ ପ୍ରବଳ ଝାଳ ବୋହିବା ଏବଂ ସେଗୁଡିକ ଚର୍ମରେ ଲାଗି ରହିବା କାରଣରୁ ଘିମିରି ହୋଇଥାଏ । ସାଧାରଣତଃ ପଛ ବେକ, ହାତ ଏବଂ ଛାତିରେ ଛୋଟ ଲାଲ ରଙ୍ଗର ଦାଗ ଦେଖାଯାଏ । ଯେଉଁଥିରେ ଅଧିକ କୁଞ୍ଚନ, ଜ୍ବଳନ ହୋଇଥାଏ । ଖରାଦିନରେ ଶରୀରରୁ ଅଧିକ ଝାଳ ବାହାରିଥାଏ । ପ୍ରଦୂଷଣ, ଧୂଳି-ମାଟି, ମଇଳା, ମୃତ ଚର୍ମ କୋଷ କିମ୍ବା କୌଣସି ଜୀବାଣୁ ପ୍ରଭାବରେ ଝାଳ ଗ୍ରନ୍ଥିଗୁଡ଼ିକର ମୁଖ ବନ୍ଦ ହୋଇଯାଏ । ଯେଉଁଥିପାଇଁ ଝାଳ ଚର୍ମର ଉପରିଭାଗରେ ପହଞ୍ଚେ ନାହିଁ, ଫଳରେ ଚର୍ମରେ ଛୋଟ ଲାଲ୍ ଦାଗ ବାହାରିବା ଆରମ୍ଭ କରେ । ଯଦିଓ ଏହା ଏକ ଗମ୍ଭୀର ସମସ୍ୟା ନୁହେଁ, କିନ୍ତୁ ଏହି ସମସ୍ୟାରେ ଯନ୍ତ୍ରଣା ଏବଂ ଜଳ୍ବନ ଜଣେ ବ୍ୟକ୍ତିଙ୍କୁ ଯନ୍ତ୍ରଣା ଦେବା ସହ ଚିଡିଚିଡା କରିଦିଏ । ଏହି ସମସ୍ୟା ଛୋଟ ପିଲାମାନଙ୍କ କ୍ଷେତ୍ରରେ ମଧ୍ୟ ଦେଖାଯାଏ ।
ଏହା ମଧ୍ୟ ପଢନ୍ତୁ:-ପ୍ରତି ଅଧ ଘଣ୍ଟାରେ 3 ମିନିଟ୍ ଚାଲିଲେ ହ୍ରାସ ପାଇବ ଟାଇପ୍-1 ମଧୁମେହ ବିପଦ
- ଏହାକୁ ଏଡାଇବା ପାଇଁ ଗ୍ରୀଷ୍ମଋତୁରେ ଢିଲା, କଟନ୍ ଏବଂ ହାଲୁକା ରଙ୍ଗ(ଲାଇଟ୍ କଲର୍)ର ପୋଷାକ ପିନ୍ଧିବା ଉଚିତ୍ ।
- ନିମ୍ବ ପାଣିରେ ସ୍ନାନ କରିବା ଗରମ କିମ୍ବା ଘା' ଭଳି ସମସ୍ୟାରୁ ରକ୍ଷା କରିବା ପାଇଁ ସର୍ବୋତ୍ତମ ।
- ଘିମିରି ମଧ୍ୟ ଏକ ପ୍ରକାର ସଂକ୍ରମଣ, ଯାହା ସ୍ୱଚ୍ଛତା ଅଭାବରୁ ହୋଇପାରେ । ତେଣୁ ଗ୍ରୀଷ୍ମଋତୁରେ ସ୍ବଚ୍ଛତା ପ୍ରତି ଅଧିକ ଧ୍ୟାନ ଦିଅନ୍ତୁ ।
- ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବା ଅନୁସାରେ, ଗ୍ରୀଷ୍ମଋତୁରେ ଆମ୍ବ ଖାଇବା ଦ୍ବାରା ମଧ୍ୟ ଘା' ହୋଇପାରେ । ଏହାର ଅର୍ଥ ଅତ୍ୟଧିକ ଆମ୍ବ କିମ୍ବା ଏଥିରୁ ପ୍ରସ୍ତୁତ ଜିନିଷ ସ୍ବଳ୍ପ ପରିମାଣରେ ସେବନ କରନ୍ତୁ ।
- ପ୍ରବଳ ଗରମରୁ ମୁକ୍ତି ପାଇବା ପାଇଁ ଚର୍ମକୁ ବରଫ କିମ୍ବା ଥଣ୍ଡା ପାଣିରେ ଧୋଇବା ଅଭ୍ୟାସ କରନ୍ତୁ । ମନେ ରଖନ୍ତୁ, ଗରମ ଦିନ ହେଲେ ମଧ୍ୟ ଥଣ୍ଡା ଚିକିତ୍ସା ପାଇଁ ପ୍ରଥମେ ଡାକ୍ତରଙ୍କ ପରାମର୍ଶ ଗ୍ରହଣ କରନ୍ତୁ ।