ହାଇଦ୍ରାବାଦ: ଯେଉଁମାନେ ସମାଜରେ ଭିନ୍ନକ୍ଷମ ସେମାନଙ୍କ ପାଖରେ ଥାଏ ଭିନ୍ନ ଏକ କ୍ଷମତାର ପରିଚୟ । ସେଥିପାଇଁ ସେମାନଙ୍କର ଆଉ ଏକ ନାମ ଦିବ୍ୟାଙ୍ଗ । ନିଶ୍ଚିତ ରୂପେ ଏମାନେ ଦିବ୍ୟ ଅଙ୍ଗରେ ଗଠିତ । କାରଣ ସମାଜରେ ଅଧିକାଂଶ ଦିବ୍ୟାଙ୍ଗ ବ୍ୟକ୍ତି ବହୁ ଗୁରୁତ୍ବପୂର୍ଣ୍ଣ କାର୍ଯ୍ୟରେ ନିୟୋଜିତ ଅଛନ୍ତି । ସେମାନେ ନାଚ, ଗୀତ ଠାରୁ ଆରମ୍ଭ କରି ପ୍ରଶାସନିକ ଦାୟିତ୍ବ ମଧ୍ୟ ତୁଲାଉଛନ୍ତି । ତେଣୁ ଭିନ୍ନକ୍ଷମ କହି ଏହି ବ୍ୟକ୍ତିମାନଙ୍କୁ ତୁଚ୍ଛ କରିଦେବା ଭୁଲ୍ ବୋଲି ସାରା ଦୁନିଆକୁ ସଚେତନ କରିବା ଉଦ୍ଦେଶ୍ୟରେ ପ୍ରତିବର୍ଷ ଡିସେମ୍ବର 3 ରେ ପାଳନ ହେଉଛି ଅନ୍ତର୍ଜାତୀୟ ଭିନ୍ନକ୍ଷମ ଦିବସ(International Day of Persons with Disabilities 2021) ।
ସାମାଜିକ, ରାଜନୈତାକ, ସାଂସ୍କୃତିକ ଏବଂ ଆର୍ଥିକ କ୍ଷେତ୍ରରେ ଭିନ୍ନକ୍ଷମଙ୍କ ସ୍ଥିତି ସମ୍ପର୍କରେ ଏହି ଦିବସ ସଚେତନତା ସୃଷ୍ଟି କରେ । ପ୍ରତିବର୍ଷ ଏହି ଦିବସ ପାଳନ ପାଇଁ ବିଶ୍ବ ସ୍ବାସ୍ଥ୍ୟ ସଂଗଠନ ଓ ଜାତିସଙ୍ଘ ମିଳିତ ଭାବେ କାମ କରିଥାନ୍ତି । କିଭଳି ଭିନ୍ନକ୍ଷମ ବ୍ୟକ୍ତିମାନେ ସମାଜରେ ଅନ୍ୟମାନଙ୍କ ପରି ସେମାନଙ୍କ ଅଧିକାରଗୁଡିକୁ ପାଇପାରିବେ ତା ଉପରେ ଗୁରୁତ୍ବ ଦିଏ । ବିଶ୍ବ ସ୍ବାସ୍ଥ୍ୟ ସଂଗଠନ ପ୍ରତିବର୍ଷ ଏହି ଦିବସର ବିଷୟ ରଖିଥାଏ । ଚଳିତ ବର୍ଷ 'ଏକ ସମ୍ମିଳିତ, ସୁଗମ ଓ ସ୍ଥାୟୀ କୋଭିଡ-19 ପରବର୍ତ୍ତୀ ବିଶ୍ବ ପ୍ରତି ଭିନ୍ନକ୍ଷମ ବ୍ୟକ୍ତିଙ୍କ ନେତୃତ୍ବ ଓ ଅଂଶଗ୍ରହଣ' ବିଷୟ ରଖିଛି ।
ତଥ୍ୟ ଅନୁଯାୟୀ ବର୍ତ୍ତମାନ ବିଶ୍ବର ଜନସଂଖ୍ୟା ପ୍ରାୟ 700 କୋଟି । ଏଥିମଧ୍ୟରୁ ପ୍ରାୟ 100 କୋଟି ବା 15 ପ୍ରତିଶତ ଲୋକ ବିଭିନ୍ନ ପ୍ରକାର ଅକ୍ଷମତାର ପୀଡିତ ଅଛନ୍ତି । ଏମାନଙ୍କ ମଧ୍ୟରୁ 80 ପ୍ରତିଶତ ବ୍ୟକ୍ତି ବିକାଶଶୀଳ ଦେଶଗୁଡିକରେ ବାସ କରନ୍ତି ।
ଏହା ଦୁର୍ଭାଗ୍ୟଜନକ ଯେ, ଆଜି ବି ଆମ ସମାଜର ଲୋକମାନେ ତଥାପି ଭିନ୍ନକ୍ଷମଙ୍କ ପ୍ରତି ଭେଦଭାବ କରନ୍ତି, ସେମାନଙ୍କୁ ନିଚ୍ଚ ଦୃଷ୍ଟିରେ ଦେଖନ୍ତି ଏବଂ ସେମାନଙ୍କୁ ପରିହାସ କରନ୍ତି । କିନ୍ତୁ ସେମାନେ ଯେ ଆମ ସମାଜର ଏକ ଅଂଶ ଏବଂ ସେମାନଙ୍କୁ ସମାନ ବ୍ୟବହାର କରାଯିବା ଉଚିତ୍ ବୋଲି କେତେକ ଭୁଲି ଯାଆନ୍ତି । ପୃଥିବୀର ବିଭିନ୍ନ ସ୍ଥାନରୁ ଭିନ୍ନକ୍ଷମମାନଙ୍କର ଅନେକ ଉଦାହରଣ ଅଛି, ଯେଉଁମାନେ ସେମାନଙ୍କର କଠିନ ପରିଶ୍ରମ ଏବଂ ପ୍ରତିଭା ହେତୁ ନିଜ ଜୀବନରେ ଅନେକ ମାନ୍ୟତା ହାସଲ କରିଛନ୍ତି । ସ୍ବତନ୍ତ୍ର ଦକ୍ଷ ବ୍ୟକ୍ତିମାନେ ଅନ୍ୟମାନଙ୍କ ଉପରେ ନିର୍ଭରଶୀଳ ହୋଇନପାରନ୍ତି । ପ୍ରାରମ୍ଭରେ ସେମାନେ ସାହାଯ୍ୟ ଆବଶ୍ୟକ କରନ୍ତି, କିନ୍ତୁ ଧୀରେ ଧୀରେ, ସେମାନେ ନିଜ ନିଜର ଦୈନନ୍ଦିନ କାର୍ଯ୍ୟକଳାପକୁ ନିଜେ ଶିଖିଯାଇଥାନ୍ତି । ସେମାନଙ୍କୁ ଅନ୍ୟମାନଙ୍କ ଉପରେ ନିର୍ଭର କରିବାକୁ ପଡେନାହିଁ ।
ତେବେ ଅକ୍ଷମତା କଣ ଆସନ୍ତୁ ଜାଣିବା:-
ରୋଗ ନିୟନ୍ତ୍ରଣ ଏବଂ ପ୍ରତିରୋଧ କେନ୍ଦ୍ର (CDC) ଅନୁଯାୟୀ, ଅକ୍ଷମତା ଶରୀର କିମ୍ବା ମନର ଯେକୌଣସି ଅବସ୍ଥା ବା ଦୁର୍ବଳତା । ଯାହାକି କୌଣସି ଏକ ବ୍ୟକ୍ତିକୁ କିଛି କାର୍ଯ୍ୟକଳାପ କରିବା କିମ୍ବା ଅନ୍ୟମାନଙ୍କ ସହ ଯୋଗାଯୋଗ କରିବାରେ ବାଧକ ସୃଷ୍ଟି କରିଥାଏ । ସେଗୁଡିକ ପ୍ରତିବନ୍ଧକ କୁହାଯାଏ ।
ଅନେକ ପ୍ରକାରର ଅକ୍ଷମତା ଅଛି, ଯେପରିକି:-
ଦେଖିବା
ଚାଲିବା
ଚିନ୍ତା କରିବା
ମନେରଖିବା