ହୃଦଘାତ ଏବଂ ଟିକା ମଧ୍ୟରେ ଲିଙ୍କ୍‌ ଅଛି କି ? ICMR ରିପୋର୍ଟରେ ଖୋଲିବ ରହସ୍ୟ

କୋଭିଡ ଟିକା ଏବଂ ହୃଦଘାତ ମଧ୍ୟରେ ସଂଯୋଗ ଅଛି କି ? ICMR ଏନେଇ ଅଧ୍ୟୟନ ଜାରି ରଖିଥିବା ବେଳେ ଜୁଲାଇରେ ରିପୋର୍ଟ ପ୍ରକାଶ ପାଇବ । ବିଶେଷଜ୍ଞମାନେ କଣ କହୁଛନ୍ତି ଜାଣନ୍ତୁ

ହାଇଦ୍ରାବାଦ:କରୋନା ଭୁତାଣୁ ରୋକିବା ପାଇଁ ପ୍ରସ୍ତୁତ ହୋଇଥିବା ଟିକା ହୃଦଘାତର ଆଶଙ୍କା ବଢାଇ ଦେଇଛି କି ? ଏହି ପ୍ରଶ୍ନଟି ବର୍ତ୍ତମାନ ସମସ୍ତଙ୍କ ମନରେ ଉଙ୍କି ମାରୁଛି । ଏହା ଏବେ ଅନେକ ଚର୍ଚ୍ଚାର ବିଷୟ ପାଲଟିଛି । ତେବେ ଏହାର ଉତ୍ତର ମଧ୍ୟ ଖୋଜୁଛି ICMR । ଏନେଇ ICMR ପକ୍ଷରୁ ଅଧ୍ୟୟନ ଆରମ୍ଭ କରାଯାଇଥିବା ବେଳେ ଜୁଲାଇ ଆରମ୍ଭରେ ଏହାର ରିପୋର୍ଟ ଆସିପାରେ । ଏହି ଅଧ୍ୟୟନରେ, ଆଇସିଏମଆର କୋଭିଡ -19 ଟିକା ଏବଂ ଦେଶର ଯୁବ ଜନସଂଖ୍ୟାରେ ହୃଦ୍‌ଘାତ ଭିତରେ ଲିଙ୍କ୍‌ ରହିଛି କି ନାହିଁ ସେ ନେଇ ଅନୁସନ୍ଧାନ ଜାରି ରଖିଛି।

କେଉଁ ବିଷୟ ଉପରେ ଗୁରୁତ୍ବ ଦେଉଛି ICMR?:

1. ଟୀକାକରଣ ପରେ ପ୍ରାକୃତିକ କାରଣରୁ ଲୋକମାନଙ୍କ ମୃତ୍ୟୁ ଘଟିଛି କି ?
2. କୋଭିଡ୍ ଟିକା ମୃତ୍ୟୁର କାରଣ ସାଜୁଛି କି ?
3. ଯେଉଁମାନଙ୍କର ମୃତ୍ୟୁ ହୋଇଛି, ସେମାନେ ହଠାତ ମୃତ୍ୟୁବରଣ କରିଥିଲେ ନା କୋଭିଡ ସମସ୍ୟାରେ ମୃତ୍ୟୁ ହୋଇଥିଲା ?

କେଉଁଠୁ ତଥ୍ୟ ଯୋଗାଡ କରୁଛି ICMR: ଏହି ଅଧ୍ୟୟନର ନମୁନା ଆକାରରେ ICMR 40ଟି ଡାକ୍ତରଖାନାକୁ ଅନ୍ତର୍ଭୁକ୍ତ କରିଛି। କ୍ଲିନିକାଲ୍ ପଞ୍ଜୀକରଣ ତଥ୍ୟ ନିଆଯାଇଛି । ଅନେକ ରୋଗୀଙ୍କ ତଥ୍ୟ ମଧ୍ୟ AIIMS ରୁ ନିଆଯାଇଛି । ସୂଚନା ପ୍ରାପ୍ତ ହେଉଛି ଯେ 14,000 ନମୁନା ଆକାରରେ 600 ମୃତ୍ୟୁ ବିଷୟରେ ସୂଚନା ଗ୍ରହଣ କରାଯାଇଛି । କହିରଖୁଛି ଯେ, ମାର୍ଚ୍ଚରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିୟ ମଧ୍ୟ ଏକ ଶିଖର ସମ୍ମିଳନୀରେ ସ୍ୱୀକାର କରିଛନ୍ତି ଯେ, କୋରୋନା ପରେ ହୃଦଘାତ ମାମଲା ବଢିବାରେ ଲାଗିଛି । କେବଳ ସେତେବେଳେ ସେ କହିଥିଲେ ଯେ ଏହା ଉପରେ ଆଲୋଚନା କରାଯାଇଛି ଏବଂ ଆଇସିଏମଆର ମଧ୍ୟ ଏହା ଉପରେ ଅଧ୍ୟୟନ କରୁଛି ।

ରିପୋର୍ଟ ପ୍ରକାଶ କରିବାକୁ ICMRକୁ କେତେ ସମୟ ଲାଗିବ ? ଟୀକାକରଣର ପରିସଂଖ୍ୟାନ ଖୋଜାଯାଉଛି । 3ରୁ 4 ମାସ ହେବ କିଛି ତଥ୍ୟ ଖୋଜାଯାଉଛି । 6ମାସ ଭିତରେ ରିପୋର୍ଟ ଆସିବ ବୋଲି କୁହାଯାଇଥିଲା । କିନ୍ତୁ ବର୍ତ୍ତମାନ କୁହାଯାଉଛି ଯେ ଏହି ରିପୋର୍ଟ ଜୁଲାଇରେ ସାର୍ବଜନୀନ ହେବ। ସ୍ୱାସ୍ଥ୍ୟମନ୍ତ୍ରୀ ମାଣ୍ଡଭିୟ କହିଛନ୍ତି ଯେ, AIIMS ଦିଲ୍ଲୀ ମଧ୍ୟ ହୃଦଘାତ ଯୋଗୁଁ ମୃତ୍ୟୁସଂଖ୍ୟା ଆକଳନ କରୁଛି । କେନ୍ଦ୍ରମନ୍ତ୍ରୀ କହିଥିଲେ ଯେ, କୋଭିଡ ସମୟରେ ଭାରତର ଅବସ୍ଥା ଅତ୍ୟନ୍ତ ବିବ୍ରତ ଥିଲା । ତା’ପରେ ଟୀକାକରଣ ଅଭିଯାନ ଏବଂ ବିଶ୍ୱ ସ୍ତରରେ କୋରୋନା ସମ୍ବନ୍ଧରେ ଭାରତ ନେଇଥିବା ପଦକ୍ଷେପ ସମଗ୍ର ବିଶ୍ୱରେ ପ୍ରଶଂସା କରାଯାଇଥିଲା । ତେବେ ଜୁଲାଇ ପ୍ରଥମ ସପ୍ତାହରେ ରିପୋର୍ଟ ଆସିବ ବୋଲି କୁହାଯାଉଛି ।

ଯୁବପିଢିଙ୍କ ମଧ୍ୟରେ ବୃଦ୍ଧି ପାଇଛି ହୃଦଘାତ ମାମଲା: ଇଣ୍ଡିଆନ୍ ହାର୍ଟ ଆସୋସିଏସନ୍ ଅନୁଯାୟୀ, 50 ବର୍ଷରୁ କମ୍ ବୟସର 50 ପ୍ରତିଶତ ଲୋକ ଏବଂ 40 ବର୍ଷରୁ କମ 25 ପ୍ରତିଶତ ଲୋକଙ୍କ କ୍ଷେତ୍ରରେ ହୃଦ୍‌ଘାତ ହେବାର ଆଶଙ୍କା ଦେଖାଯାଇଛି । ଏହାର ସ୍ପଷ୍ଟ ଅର୍ଥ ହେଉଛି ଯୁବକମାନଙ୍କଠାରେ ହୃଦଘାତର ଆଶଙ୍କା ବୃଦ୍ଧି ପାଇଛି । ମହିଳାଙ୍କ ଅପେକ୍ଷା ଅଧିକ ପୁରୁଷ ହୃଦଘାତର ଶିକାର ହେଉଛନ୍ତି । ରକ୍ତଚାପ, ସୁଗର, ଚାପ, ମେଦବହୁଳତା ଏବଂଜୀବନଶୈଳୀ ମଧ୍ୟ ଏହାର କାରଣ । ଅନେକ ବିଶେଷଜ୍ଞ ଏହା ମଧ୍ୟ ବିଶ୍ବାସ କରନ୍ତି ଯେ କୋଭିଡ ସଂକ୍ରମଣ ପରେ ଶରୀରରେ ରକ୍ତ ଜମାଟ ଦ୍ରୁତ ଗତିରେ ବଢୁଛି ଏବଂ ହୃଦ୍ ରୋଗର ବୃଦ୍ଧି ପଛରେ କୋଭିଡ ସମ୍ପୃକ୍ତି ରହିଛି କି ନାହିଁ ସେ ଉପରେ ଅଧ୍ୟୟନ ଜାରି ରହିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ