କୋଲେଷ୍ଟ୍ରଲ ସ୍ତରକୁ ନିୟନ୍ତ୍ରଣ କରିବାକୁ ଚାହୁଁଛନ୍ତି କି ? ଖାଆନ୍ତୁ ଏସବୁ ଖାଦ୍ୟ

ଆମ ରକ୍ତରେ ଦୁଇ ପ୍ରକାରର କୋଲେଷ୍ଟ୍ରଲ, ଭଲ କୋଲେଷ୍ଟ୍ରଲ ଏବଂ ଖରାପ କୋଲେଷ୍ଟ୍ରଲ ମିଳିଥାଏ । ଖରାପ କୋଲେଷ୍ଟ୍ରଲ ଶରୀର ପାଇଁ ଅତ୍ୟନ୍ତ ବିପଦଜ୍ଜନକ ବୋଲି କୁହାଯାଏ । ତେବେ ଉଚ୍ଚ କୋଲେଷ୍ଟ୍ରଲ ସ୍ତର ହ୍ରାସ କରିବା ପାଇଁ ସୁସ୍ଥ ଖାଦ୍ୟ ଏବଂ ଉତ୍ତମ ଜୀବନଶୈଳୀ ଜରୁରୀ ହୋଇଥାଏ । କେଉଁ ଖାଦ୍ୟ ଖାଇବା ଦ୍ବାରା ଏହାକୁ ନିୟନ୍ତ୍ରଣ କରିହେବ ଜାଣନ୍ତୁ ,

ହାଇଦ୍ରାବାଦ:ପ୍ରାୟତଃ ଲୋକମାନେ ସକାଳ ଜଳଖିଆ ବିଷୟରେ ବହୁତ ଦ୍ୱନ୍ଦ୍ୱରେ ରୁହନ୍ତି । ଅନେକ ଲୋକ ଅଛନ୍ତି ଯେଉଁମାନେ ସକାଳୁ ଉଠିବା ମାତ୍ରେ କୁକିଜ୍, ମଫିନ୍, ବଟର ଟୋଷ୍ଟ ଖାଇବାକୁ ପସନ୍ଦ କରନ୍ତି । ସେହିପରି ଅନ୍ୟ କିଛି ଲୋକ ଅଛନ୍ତି ଯେଉଁମାନେ ଛୋଲେ-ଭଟୁରେ, ପୁରା ତରକାରୀ, ଆଳୁ ପରଠା ଇତ୍ୟାଦି ଜଳଖିଆରେ ଉଚ୍ଚ କ୍ୟାଲୋରୀଯୁକ୍ତ ଜିନିଷ ଖାଇବାକୁ ଭଲପାଆନ୍ତି । ଏହି ପ୍ରକାର ଜଳଖିଆ ସ୍ୱାସ୍ଥ୍ୟ ପାଇଁ ଆଦୌ ସୁସ୍ଥ ନୁହେଁ । ଏହି ସବୁ ଜିନିଷରେ ଚିନିର ପରିମାଣ ବହୁତ ଅଧିକ, ଯେଉଁ କାରଣରୁ ଶରୀରରେ କୋଲେଷ୍ଟ୍ରଲ ବଢିବା ସହ ଅଣ୍ଟାର ଆକାର ମଧ୍ୟ ବଢିବାକୁ ଲାଗେ ।

ଯେଉଁ ବ୍ୟକ୍ତିଙ୍କ ଫ୍ୟାଟି ଲିଭର, ମଧୁମେହ, ଉଚ୍ଚ କୋଲେଷ୍ଟ୍ରଲ ଏବଂ ରକ୍ତଚାପ ଭଳି ସମସ୍ୟା ଅଛି, ସେମାନେ ଏହି ସବୁ ଖାଦ୍ୟ ଠାରୁ ଦୂରରେ ରହିବା ଉଚିତ୍‌ । ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଆମେ ସକାଳେ ଯାହା ଖାଉ ତାହା କେବଳ ଆମ ଶରୀରକୁ ଶକ୍ତି ପ୍ରଦାନ କରେ ନାହିଁ, ବରଂ ଆମଙ୍କୁ ଦିନସାରା ପୂର୍ଣ୍ଣ ରଖେ । ଏଭଳି ପରିସ୍ଥିତିରେ, ଜଳଖିଆରେ ଉଚ୍ଚ ପ୍ରୋଟିନ୍, ହାଇ ଫାଇବର, ସୁସ୍ଥ ଚର୍ବି ଏବଂ କିଛି କାର୍ବସ୍ ସାମିଲ କରିବା ଜରୁରୀ ଅଟେ । ଯାହା ଦ୍ବାରା ଶରୀରରେ କୋଲେଷ୍ଟ୍ରଲ୍ ସ୍ତର ନିୟନ୍ତ୍ରଣରେ ରହିବ ।

ଏଥିସହ ହାର୍ଟକୁ ସୁସ୍ଥ ରଖିବା ପାଇଁ, କୋଲେଷ୍ଟ୍ରଲ ସ୍ତରକୁ ନିୟନ୍ତ୍ରଣରେ ରଖିବା ଅତ୍ୟନ୍ତ ଜରୁରୀ । କୋଲେଷ୍ଟ୍ରଲ ଆମ ରକ୍ତରେ ଥିବା ମହମ ପରି ପଦାର୍ଥ । କୋଲେଷ୍ଟ୍ରଲ ସ୍ତର 200 ମିଲିଗ୍ରାମ / dL ରୁ ଅଧିକ ହେଲେ ଉଚ୍ଚ କୋଲେଷ୍ଟ୍ରଲ ସମସ୍ୟାର ସମ୍ମୁଖୀନ ହେବାକୁ ପଡିବ । ଆମ ରକ୍ତରେ ଦୁଇ ପ୍ରକାରର କୋଲେଷ୍ଟ୍ରଲ ଅଛି, ଭଲ କୋଲେଷ୍ଟ୍ରଲ (ହାଇ ଡେନସିଟି ଲିପୋପ୍ରୋଟେନ୍) ଏବଂ ଖରାପ କୋଲେଷ୍ଟ୍ରଲ (ଲୋ ଡେନସିଟି ଲିପୋପ୍ରୋଟେନ୍) । ଖରାପ କୋଲେଷ୍ଟ୍ରଲ ଅତ୍ୟନ୍ତ ବିପଦଜ୍ଜନକ ବୋଲି ବିବେଚନା କରାଯାଏ । ଧମନୀରେ ଖରାପ କୋଲେଷ୍ଟ୍ରଲ ପରିମାଣ ବୃଦ୍ଧି ହେତୁ ରକ୍ତ ସଠିକ୍ ପରିମାଣରେ ହାର୍ଟରେ ପହଞ୍ଚେ ନାହିଁ, ଯେଉଁ କାରଣରୁ ହୃଦଘାତ ଏବଂ ଷ୍ଟ୍ରୋକ ଇତ୍ୟାଦି ହେବାର ଆଶଙ୍କା ବଢିଯାଏ ।

ତେବେ ଏହି ସବୁ ସମସ୍ୟାରୁ ଦୂରରେ ରହିବା ପାଇଁ ପ୍ରତିଦିନ ସକାଳେ ସୁସ୍ଥ ଖାଦ୍ୟ ଖାଇବା ଦରକାର । ଯାହାକୁ ଖାଇବା ଦ୍ୱାରା କୋଲେଷ୍ଟ୍ରୋଲ ସ୍ତର ନିୟନ୍ତ୍ରଣରେ ରହିବ ଏବଂ ସ୍ୱାସ୍ଥ୍ୟ ଭଲ ରହିବ । ଜାଣନ୍ତୁ କେଉଁ ଖାଦ୍ୟ ଜଳଖିଆରେ ଖାଇବେ,

ଦଲିଆ: ଜଳଖିଆରେ ଓଟ୍ସ ବା ଦଲିଆ ଖାଇବା ସ୍ୱାସ୍ଥ୍ୟ ପାଇଁ ବହୁତ ଭଲ ବୋଲି ବିବେଚନା କରାଯାଏ । ଏଥିରେ ଅନେକ ଫଳ ରହିଥାଏ। ଯାହା ହଜମ ପ୍ରକ୍ରିୟାକୁ ଠିକ୍ ରଖେ ଏବଂ ଦୀର୍ଘ ସମୟ ପର୍ଯ୍ୟନ୍ତ ପୂର୍ତ୍ତି ଅନୁଭବ କରାଇଥାଏ । ଏଥିରେ ଥିବା ହାଇ ଫାଇବର ଖରାପ କୋଲେଷ୍ଟ୍ରଲ ହ୍ରାସ କରିବାରେ ସାହାଯ୍ୟ କରିଥାଏ ।

ଅଣ୍ଡା:ପ୍ରୋଟିନ୍ ଏବଂ ସୁସ୍ଥ ଚର୍ବି ଅଣ୍ଡାରେ ମିଳିଥାଏ । ଏଥିରେ ଥିବା ଉଚ୍ଚ ପ୍ରୋଟିନ୍ ଏବଂ ସୁସ୍ଥ ଚର୍ବି କୋଲେଷ୍ଟ୍ରଲ୍ ସ୍ତରକୁ ବଜାୟ ରଖିବାରେ ସାହାଯ୍ୟ କରେ । କିନ୍ତୁ ଏହାକୁ ଖାଇବା ସମୟରେ ଅଣ୍ଡା ଭିତରେ ହଳଦିଆ ଅଂଶ ଅଧିକ ନ ଖାଇବା ଭଲ ।

ମାଛ: ମାଛରେ ଓମେଗା 3 ଫ୍ୟାଟି ଏସିଡ୍ ଭରପୁର ରହିଛି । ଯାହା ରକ୍ତ ସଞ୍ଚାଳନରେ ଟ୍ରାଇଗ୍ଲାଇସରାଇଡ୍ ହ୍ରାସ କରିବାରେ ସାହାଯ୍ୟ କରେ । ଖରାପ କୋଲେଷ୍ଟ୍ରଲ ପରିମାଣକୁ ମଧ୍ୟ ହ୍ରାସ କରିଥାଏ ।

କୋଳି:କୋଳିରେ ଆଣ୍ଟିଅକ୍ସିଡାଣ୍ଟ ଫାଇବର ଭରପୁର ରହିଥାଏ । ଯାହା କୋଲେଷ୍ଟ୍ରଲ ସ୍ତର ହ୍ରାସ କରିବାରେ ସାହାଯ୍ୟ କରିଥାଏ।

ଗ୍ରୀକ୍ ୟଗୋର୍ଟ: ପ୍ରୋଟିନ୍ ଏବଂ ପ୍ରୋବାୟୋଟିକ୍ସରେ ଭରପୁର ଗ୍ରୀକ୍ ୟଗୋର୍ଟ କେବଳ ପେଟ ପାଇଁ ଭଲ ବିବେଚନା କରାଯାଏ ନାହିଁ, ଏହା କୋଲେଷ୍ଟ୍ରଲ୍ ସ୍ତରକୁ ହ୍ରାସ କରିବାରେ ମଧ୍ୟ ସାହାଯ୍ୟ କରେ।