ହାଇଦ୍ରାବାଦ: ମାସିକ ଋତୁସ୍ରାବରେ ରକ୍ତସ୍ରାବ ଏକ ସାଧାରଣ ପ୍ରକ୍ରିୟା । ଏହା ସମସ୍ତ ମହିଳାଙ୍କ ଠାରେ ଭିନ୍ନ ଭିନ୍ନ ହୋଇଥାଏ । କେବଳ ରକ୍ତସ୍ରାବ ନୁହେଁ ନିୟମିତତା ଦୃଷ୍ଟିରୁ ମଧ୍ୟ କିଛି ଲୋକଙ୍କ ଋତୁସ୍ରାବର ଅବଧି ମଧ୍ୟ ଭିନ୍ନ ଭିନ୍ନ ହୋଇଥାଏ । କିନ୍ତୁ ପ୍ରାୟ ମହିଳାଙ୍କର 2ରୁ 7 ଦିନ ରକ୍ତସ୍ରାବ ହୋଇଥାଏ । କିଛି ମହିଳା ବା ଯୁବତୀଙ୍କର କମ ରକ୍ତସ୍ରାବ ହେଉଥିବା ବେଳେ ଆଉ କିଛି ଜଣଙ୍କର ଅଧିକ ହୋଇଥାଏ । ଫଳରେ ବାରମ୍ବାର ସାନିଟାରୀ ପ୍ୟାଡ ପରିବର୍ତ୍ତନ କରିବାକୁ ପଡିଥାଏ । ବିଶେଷଜ୍ଞମାନେ ଏହି ଅବସ୍ଥାକୁ ମେନୋରେଜିଆ ବୋଲି କହିଥାନ୍ତି । କିଛି ଆଭ୍ୟନ୍ତରୀଣ ସମସ୍ୟା ହେତୁ ଏହା ହୋଇଥାଏ ।
କଣ ଏହି ମେନୋରେଜିଆ?:ଯଦି ମେନୋରେଜିଆକୁ ବ୍ୟାଖ୍ୟା କରାଯାଏ, ଏହାର ଅର୍ଥ କେବଳ ଅତ୍ୟଧିକ ରକ୍ତସ୍ରାବ ହେବା । ଯୁକ୍ତରାଷ୍ଟ୍ରର ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ର ଅନୁଯାୟୀ, ଯେତେବେଳେ ଜଣେ ମହିଳାଙ୍କର 7 ଦିନରୁ ଅଧିକ ସମୟ ଧରି ଋତୁସ୍ରାବ ହୋଇଥାଏ ଏବଂ ପ୍ରତି 2 ଘଣ୍ଟାରେ ପ୍ୟାଡ ବଦଳାଇବାକୁ ପଡେ, ତେବେ ଏହାକୁ ମେନୋରେଜିଆ ଭାବରେ ବିବେଚନା କରାଯାଏ । ଏହା ଦୈନନ୍ଦିନ ଜୀବନଶୈଳୀକୁ ପ୍ରଭାବିତ କରିଥାଏ ।
ମେନୋରେଜିଆରେ ଏହି ସମସ୍ୟା ହୋଇଥାଏ:
- ଏହା ଦୈନନ୍ଦିନ କାର୍ଯ୍ୟକଳାପକୁ ପ୍ରଭାବିତ କରେ
- ପ୍ରତି ଘଣ୍ଟାରେ ଗୋଟିଏ କିମ୍ବା ଅଧିକ ସାନିଟାରୀ ପ୍ୟାଡ୍ ବଦଳାଇବାକୁ ପଡିଥାଏ
- ରକ୍ତସ୍ରାବ ଏକ ସପ୍ତାହରୁ ଅଧିକ ସମୟ ଧରି ରହିଥାଏ
- ଏହା ହେମୋଗ୍ଲୋବିନରେ ହ୍ରାସ ଘଟାଏ
- ଅବଧି ସମୟରେ ତଳ ପେଟରେ ଲଗାତାର ଯନ୍ତ୍ରଣା ହୁଏ
- କ୍ଳାନ୍ତ ଅନୁଭବ କରିବା ଏବଂ ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହେବା
ଏହା ମଧ୍ୟ ପଢନ୍ତୁ: ଋତୁସ୍ରାବ ସମୟରେ ପେଟବ୍ୟଥା ହେଉଛି କି? କିଭଳି ଶୋଇଲେ କମିବ ଯନ୍ତ୍ରଣା ? ଜାଣନ୍ତୁ
ମେନୋରେଜିଆର କାରଣ?:
- ହରମୋନାଲ ସନ୍ତୁଳନ ନରହିବା, ବିଶେଷତଃ ଇଷ୍ଟ୍ରୋଜେନ୍ ଏବଂ ପ୍ରୋଜେଷ୍ଟେରନ୍ ମଧ୍ୟରେ ଅସନ୍ତୁଳନ ଯୋଗୁଁ ଅତ୍ୟଧିକ କିମ୍ବା ଦୀର୍ଘ ସମୟ ଯାଏଁ ରକ୍ତସ୍ରାବ ହୋଇଥାଏ ।
- ଗର୍ଭାଶୟରେ ନନ କ୍ୟାନ୍ସେରିୟସ ବୃଦ୍ଧି ଏବଂ ୟୁଟେସନର ଚଉଡା ବଡ ହୋଇଯିବା କାରଣରୁ ମଧ୍ୟ ଏହି ସମସ୍ୟା ହୋଇଥାଏ ।
- ଏହି ଅବସ୍ଥା ଯେତେବେଳେ ଗର୍ଭାଶୟର ଆବରଣରୁ ଟିସୁ ଗର୍ଭାଶୟର ମାଂସପେଶୀରେ ବଢିଗଲେ ଅଧିକ କିମ୍ବା ଦୀର୍ଘ ଦିନ ଯାଏଁ ରକ୍ତସ୍ରାବ ହୋଇଥାଏ ।
ଅଧିକ ରକ୍ତସ୍ରାବରୁ ବର୍ତ୍ତିବାର ଉପାୟ:
- ହଳଦି କ୍ଷୀର ପିଇବା ଦ୍ୱାରା ପ୍ରବଳ ରକ୍ତସ୍ରାବ ସମସ୍ୟା ଦୂର ହୋଇଥାଏ । ଏହାସହ ଆପଣ ଚିନାବାଦାମକୁ କ୍ଷୀରରେ ମିଶାଇ ପିଇପାରିବେ ।
- ପ୍ରବଳ ରକ୍ତସ୍ରାବରେ ଭିଟାମିନ୍ ସି, ଭିଟାମିନ୍ ଇ ସହିତ ମ୍ୟାଗ୍ନେସିୟମ୍ ଭରପୂର ଜିନିଷ ଖାଆନ୍ତୁ । ଯେପରିକି କିୱି, ବ୍ରୋକୋଲି, ଟମାଟୋ, ଷ୍ଟ୍ରବେରୀ, ତରଭୁଜ ମଞ୍ଜି ହେଉଛି ଭିଟାମିନ୍ ଏବଂ ମ୍ୟାଗ୍ନେସିୟମ୍ ସମୃଦ୍ଧ ଖାଦ୍ୟ । ଏଗୁଡିକୁ ଖାଇ ମଧ୍ୟ ଉପଶମ ପାଇପାରିବେ ।
- ପାନମଧୁରୀକୁ ଗୁଣ୍ଡ କରି ତାହାକୁ ପାଣିରେ ପକାଇ 5 ମିନିଟ ଯାଏଁ ଫୁଟାନ୍ତୁ । ଏହାପରେ ଉଷୁମ ଉଷୁମ ପିଇବା ଦ୍ବାରା ପେଟ ବ୍ୟଥା ଦୂର ହୋଇଥାଏ ।
- ସୋରିଷକୁ ଆଣି ଏକ ପାଉଡର ପ୍ରସ୍ତୁତ କରନ୍ତୁ । ଯଦି ଋତୁସ୍ରାବ ଅବଧି ମଧ୍ୟରେ ପ୍ରବଳ ରକ୍ତସ୍ରାବ ହୁଏ, ତେବେ ଏକ ଚାମଚ ପାଉଡର ଗରମ କ୍ଷୀର ସହିତ ପିଅନ୍ତୁ ।
- ଯଦି ଅଧିକ ସମସ୍ୟା ହୁଏ ତାହେଲେ ଡାକ୍ତରଙ୍କ ସହ ପରାମର୍ଶ କରିବା ଉଚିତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
