ହାଇଦ୍ରାବାଦ:ସାରା ଦେଶରେ ଜାରି ରହିଛି ଗ୍ରୀଷ୍ମପ୍ରବାହ । କିଛି ସ୍ଥାନରେ ପାରଦ 45 ଡିଗ୍ରୀ ଟପିଲାଣି । ଲୋକେ ଖରାକୁ ନେଇ ତ୍ରାହି ତ୍ରାହି ଡାକୁଛନ୍ତି । ଏଭଳି ପରିସ୍ଥିତିରେ ଧନୀକ ଶ୍ରେଣୀର ଲୋକେ ଏସି ଏବଂ କୁଲର ଉପରେ ନିର୍ଭର କରୁଥିବା ବେଳେ ଆଉ କେତେକ ଗରୀବ ଶ୍ରେଣୀର ଲୋକେ ବାରମ୍ବାର ଗାଧୋଇ ଶରୀରକୁ ଥଣ୍ଡା କରିଥାଆନ୍ତି ।
ଗ୍ରୀଷ୍ମ ଋତୁରେ ବାରମ୍ବାର ଗାଧୋଇବା ବା ସ୍ନାନ କରିବା ଦ୍ୱାରା ଅନେକ ଆରାମ ମିଳିଥାଏ ବୋଲି କହିବା ଭୁଲ୍ ହେବ ନାହିଁ । ସ୍ନାନ କରିବା ଦ୍ବାରା କିଛି ସମୟ ପାଇଁ ବି ହେଉ ଶାନ୍ତି ମିଳିଥାଏ । ଏପରି ପରିସ୍ଥିତିରେ ଲୋକମାନେ ଶୋଇବା ପୂର୍ବରୁ ଅପରାହ୍ନ, ସନ୍ଧ୍ୟା, ମଧ୍ୟରାତ୍ରିରେ ଗାଧୋଇବାକୁ ପସନ୍ଦ କରନ୍ତି । ତେବେ ଏହି ଅଭ୍ୟାସ ଶରୀର ପାଇଁ କ୍ଷତିକାରକ ବୋଲି ଆପଣ ଜାଣିଛନ୍ତି କି ? ଏହା ଦ୍ବାରା ଶରୀରକୁ ଆରାମ ମିଳୁଥିଲେ ହେଁ ଅନେକ ପ୍ରକାର କ୍ଷତି ପହଞ୍ଚାଇଥାଏ ।
ବାରମ୍ବାର ସ୍ନାନ କରିବା ଦ୍ବାରା ହୋଇପାରେ କ୍ଷତି:
1.ଯଦି ଆପଣ ଗ୍ରୀଷ୍ମ ଋତୁରେ ବାରମ୍ବାର ସ୍ନାନ କରୁଛନ୍ତି, ତେବେ ଏହା ଚର୍ମ ସମସ୍ୟା ସୃଷ୍ଟି କରିପାରେ । ଚର୍ମରେ ରହିଥିବା ପ୍ରାକୃତିକ ତେଲ ଅଂଶ କ୍ଷୟ ହୋଇଥାଏ । ଏହି କାରଣରୁ, ଚର୍ମରେ କୁଣ୍ଡେଇ ହେବା, ଜଳିବା, ଶୁଷ୍କତା ଭଳି ସମସ୍ୟା ହୋଇପାରେ ।
2. ଚର୍ମକୁ ସୁସ୍ଥ ରଖିବା ପାଇଁ ଆମ ଚର୍ମରେ କିଛି ଭଲ ଜୀବାଣୁ ଉପସ୍ଥିତ ରହିଛି। ଏପରି ପରିସ୍ଥିତିରେ, ଯଦି ବାରମ୍ବାର ସ୍ନାନ କରିଯାଏ, ତେବେ ଏହି ଭଲ ଜୀବାଣୁ ଗୁଡିକ ମରିଯାଇ ଥାଆନ୍ତି । ଭଳରେ ସମସ୍ୟା ସୃଷ୍ଟି ହେବାର ସମ୍ଭାବନା ଅଧିକ ରହିଥାଏ।