ହାଇଦ୍ରାବାଦ: ଏଥର ସମଗ୍ର ଦେଶରେ ଗ୍ରୀଷ୍ମ ପ୍ରବାହ ଅଧିକ ହୋଇପାରେ ବୋଲି ଆକଳନ କରାଯାଉଛି । କାରଣ ଗ୍ରୀଷ୍ମଋତୁ ନଆସୁଣୁ ଅଧିକାଂଶ ରାଜ୍ୟରେ ଉତ୍ତପ୍ତ ହେଲାଣି ସହର । ଏହି ସମୟରେ କେବଳ ଡିହାଇଡ୍ରେସନ୍ ସମସ୍ୟା ନୁହେଁ ଚର୍ମରେ ଦାଗ, ଜ୍ୱର, ଏବଂ ଫୁଡ୍ ପଏଜନ ଭଳି ସମସ୍ୟା ମଧ୍ୟ ଦେଖାଦେଇଥାଏ । ଉତ୍ତାପକୁ ମୁକାବିଲା କରି ଫିଟ୍ ରହିବା ପାଇଁ ସ୍ବାସ୍ଥ୍ୟର ଯତ୍ନ ନେବାର ଆବଶ୍ୟକତା ରହିଛି । କେମିତି ଗ୍ରୀଷ୍ମଋତୁରେ ସ୍ବାସ୍ଥ୍ୟର ଯତ୍ନ ନେବେ, ଜାଣନ୍ତୁ...
ପ୍ରଚୁର ପାଣି ପିଅନ୍ତୁ: ଏହି ସମୟରେ ଝାଳ ବୋହିବା କାରଣରୁ ଶରୀର ଡିହାଇଡ୍ରେଟ୍(ଶୁଷ୍କ) ହୋଇପାରେ, ଫଳସ୍ୱରୂପ ଜ୍ୱର ଏବଂ ଥଣ୍ଡା ଭଳି ସ୍ୱାସ୍ଥ୍ୟଗତ ସମସ୍ୟା ଦେଖାଦିଏ । ଶରୀରକୁ ହାଇଡ୍ରେଟ୍(ଜଳୀୟ ଅଂଶ) ବଜାୟ ରଖିବା ପାଇଁ ପ୍ରତିଦିନ ଅତି କମରେ 2 ରୁ 3 ଲିଟର ପାଣି ପିଅନ୍ତୁ ।
ସତର୍କତା ଅବଲମ୍ବନ କରନ୍ତୁ: ଗ୍ରୀଷ୍ମ ମାସରେ ବୟସ୍କମାନେ ସମ୍ମୁଖୀନ ହେଉଥିବା ଅନ୍ୟ ଏକ ପ୍ରମୁଖ ସମସ୍ୟା ହେଉଛି ସନ୍ ଷ୍ଟ୍ରୋକ୍ (ଅଂଶୁଘାତ) । ବୟସ୍କମାନଙ୍କୁ ଅଧିକ ଷ୍ଟ୍ରୋକ୍ ହେବାର ମୁଖ୍ୟ କାରଣ ସେମାନଙ୍କ ଶରୀର ଋତୁ ପରିବର୍ତ୍ତନ ସହିତ ଶୀଘ୍ର ଖାପ ଖାଇପାରେ ନାହିଁ । ଅଧିକ ଜ୍ୱର, ବାନ୍ତି, ମୁଣ୍ଡବିନ୍ଧା ଏବଂ ମୁଣ୍ଡ ବୁଲାଇବା ହେଉଛି ଷ୍ଟ୍ରୋକର ସାଧାରଣ ଲକ୍ଷଣ । ଏହି ସବୁ ଲକ୍ଷଣ ଗ୍ରୀଷ୍ମଦିନରେ ଅଧିକ ଦେଖାଯାଏ ।
ହାଲୁକା ଏବଂ ସୁହାଇଲା ଭଳି ପୋଷାକ ପିନ୍ଧନ୍ତୁ: ଗ୍ରୀଷ୍ମଋତୁରେ ସବୁଠୁ ଗୁରୁତ୍ବପୂର୍ଣ୍ଣ ହେଉଛି କି ହାଲୁକା ଏବଂ ସୁହାଇଲା ଭଳି ପୋଷାକ ପିନ୍ଧିବା, ଯାହାଦ୍ବାରା ନିଶ୍ବାସ-ପ୍ରଶ୍ବାସ ନେବାରେ ସହଜ ହୋଇଥାଏ । ଏହା ଦ୍ବାରା ଶରୀରର ଉତ୍ତାପ ବାଲାନ୍ସ(ସନ୍ତୁଳିତ) ରହିଥାଏ । ଏହି ସମୟରେ ପ୍ରାକୃତିକ କପଡା, ଯେପରିକି କଟନ ଏବଂ ଲାଇନେନ କପଡା ପୋଷାକ ପିନ୍ଧନ୍ତୁ ।