ଦିବ୍ୟାଙ୍ଗ ପିଲାଙ୍କୁ ସେମାନଙ୍କ ଯୈାନତା ସଂପର୍କରେ ବୁଝାଇବା ବେଳେ ଅନେକ ଆହ୍ବାନର ସମ୍ମୁୀଖୀନ ହେବାକୁ ପଡିଥାଏ । କିନ୍ତୁ ସଠିକ କୌଶଳ ସହ ଏହି ଆହ୍ବାନର ସଫଳ ମୁକାବିଲା ହୋଇପାରିବ । କ୍ଲିନିକାଲ ସାଇକୋଲୋଜିଷ୍ଟ ସମୃଦ୍ଧି ପାଟକରଙ୍କ ମତରେ ଗତ କିଛି ବର୍ଷ ଧରି ଶିଶୁ ଯୌନ ନିର୍ଯାତନା ଖବରର ଶିରୋନାମାରେ ରହୁଛି । ଏ ପରିପ୍ରେକ୍ଷୀରେ ଦିବ୍ୟାଙ୍ଗ ବା ଅଷ୍ଟିକ ଶିଶୁଙ୍କୁ ନେଇ ଉଦବେଗ ପ୍ରକାଶ ପାଉଛି ।
ଏସବୁ ଶିଶୁଙ୍କୁ ସାଧାରଣ ବା ନ୍ୟୁରୋଟିପିକାଲ୍ ଶିଶୁଙ୍କ ଭଳି ସେଫ୍ ଓ ଅନସେଫ ଟଚ୍ ସଂପର୍କରେ ବୁଝାଇବା ସମାନ ଭାବେ ଗୁରୁତ୍yପୂର୍ଣ୍ଣ ହୋଇପଡିଛି । ମନସ୍ତତ୍ୱବିତ ସମୃଦ୍ଧି ପାଟକର ଇଟିଭି ସୁଖୀଭବ ସହ ଆଲୋଚନା କରି ନ୍ୟୁରୋ-ଡାଉଭର୍ସ ଶିଶୁଙ୍କୁ ଯୈାନତା ସଂପର୍କରେ ସରଳଭାବେ ବୁଝାଇବା ପାଇଁ ନିମ୍ନଲିଖିତ କୌଶଳ ଉପରେ ଗୁରୁତ୍ୱାରୋପ କରିଛନ୍ତି ।
୧. ଭିଜୁଆଲର ସହାୟତା ପିଲାଙ୍କୁ ସେମାନଙ୍କ ଯୈାନତା ସଂପର୍କରେ ବୁଝାଇବାରେ ସହାୟକ ହୋଇପାରିବ ବୋଲି ସମୃଦ୍ଧି କହନ୍ତି ।
୨. ରୋଲ୍ ପ୍ଲେ: ରୋଲ୍ ପ୍ଲେ ହେଉଛି ଶିଶୁଙ୍କୁ ବୁଝାଇବାର ଆଉ ଏକ ଦୃଶ୍ୟ ମାଧ୍ୟମ । ଏଠାରେ ଉଭୟ ବାପା ଓ ମା’ ଭୂମିକା ନେଇ ବା ରୋଲ୍ ପ୍ଲେ ଜରିଆରେ ପିଲାଙ୍କୁ ସୁରକ୍ଷିତ ଓ ଅସୁରକ୍ଷିତ ସ୍ପର୍ଶ ସଂପର୍କରେ ବୁଝାଇପାରିବେ । ଏହା ଫଳରେ ପିଲାମାନେ ସୁରକ୍ଷିତ ଓ ଅସୁରକ୍ଷିତ ସ୍ପର୍ଶ ବାବଦରେ ସହଜରେ ବୁଝିପାରିବେ ।
୩. ମାର୍କିଂ ଓ ଲେବେଲିଂ: ମାର୍କିଂ ଓ ଲେବେଲିଂ ଦ୍ବାରା ପିଲାମାନେ ଯେକୌଣସି ପ୍ରଶିକ୍ଷଣକୁ ମନେ ପକାଇପାରିବେ ଓ ବୁଝିପାରିବେ । ବିଭିନ୍ନ ଆଇଟମ, ବାଥରୁମ ଡୋର୍ ଓ ସାନିଟାରୀ ପ୍ୟାଡ୍ର ଲେବେଲିଂ ଦ୍ୱାରା ଦିବ୍ୟାଂଗ ପିଲାମାନେ କୌଣସି ନିର୍ଦ୍ଦିଷ୍ଟ ବିଷୟବସ୍ତୁକୁ ଭଲ ଭାବେ ବୁଝିପାରିବେ । ସେମାନେ ଯେତେବେଳେ ଲେବଲ୍ ପଢିବେ, ସେତେବେଳେ ସେମାନେ ଜଡିତ ଥିବା ସେ ସଂପର୍କିତ ଜ୍ଞାନ ବା କାର୍ଯ୍ୟକଳାପକୁ ମନେ ପକାଇପାରିବେ । ଏହାଛଡା ପିଲାମାନଙ୍କୁ ମାର୍କେଟ୍ ଓ ଷ୍ଟୋର୍ ନେଇ ସେମାନଙ୍କୁ ସାନିଟାରୀ ପ୍ୟାଡ୍ ଭଳି ସାମଗ୍ରୀ ବାଛିବା ପାଇଁ ସୁଯୋଗ ଦେବା ଉଚିତ । ଏପରି କରାଗଲେ ପିଲାମାନଙ୍କ ସେହି ନିର୍ଦ୍ଦିଷ୍ଟ ସାମଗ୍ରୀ ଉପରେ ଭଲ ଧାରଣା ସୃଷ୍ଟି ହେବ ବୋଲି ସମୃଦ୍ଧି ପାଟକର କହନ୍ତି ।
୪. ଭିଡିଓ: ୟୁ ଟ୍ୟୁବରେ ଉପଲବ୍ଧ ବିଭିନ୍ନ ଭିଡିଓ ଓ ଅନେକ ଆପ୍ ରହିଛି । ପିଲାମାନଙ୍କୁ ଯୌନତା ସଂପର୍କରେ କିପରି ବୁଝାଯାଇପାରିବ, ସେନେଇ ଏସବୁ ଭିଡିଓ ଓ ଆପରେ ଦର୍ଶାଯାଇଛି । ମାଆ ବାପାମାନେ ଏଭଳି ଭିଡିଓର ବ୍ୟବହାର କରି ପିଲାମାନଙ୍କୁ ଯୌନତା ବାବଦରେ ଶିକ୍ଷା ଦେଇପାରିବେ । ଆଗରୁ କୁହାଯାଇଛି ଯେ, ଦିବ୍ୟାଙ୍ଗ ଶିଶୁମାନେ ଭିଜୁଆଲ୍ ଦେଖି ଯଲଦି ଶିଖିଥାନ୍ତି ।
୪. ସୋସିଆଲ ଷ୍ଟୋରୀ: ଶିଶୁ ନିର୍ଯାତନା ଓ ଶିଶୁଙ୍କ କୌଣସି କ୍ଷତି ପରିପ୍ରେକ୍ଷୀରେ ବାପା ମା’ମାନେ ପିଲାଙ୍କୁ ସାମାଜିତ ପରିସ୍ଥିତି ବାବଦରେ କାହାଣୀ ଜରିଆରେ ବୁଝାଇବା ଦରକାର । ସେମାନେ ବି କେତେବେଳେ ଯୌନ ଯାତନା ଭଳି ପରିସ୍ଥିତିର ସମ୍ମୁଖୀନ ହୋଇପାରନ୍ତି ବୋଲି ବାପାମାଆମାନେ ପିଲାଙ୍କୁ ବୁଝାଇବା ସହ ସତର୍କ ରହିବାକୁ ପରାମର୍ଶ ଦେବା ଦରକାର । ସେମାନେ ଅପ୍ରୀତିକର ପରିସ୍ଥିତିର ସମ୍ମୁଖୀନ ହୋଇପାରନ୍ତି ବୋଲି ସିଧାସଳଖ କହିଲେ ପିଲାମାନେ ନିଜକୁ ଆଲର୍ଟ ରଖିପାରିବେ ।
୫. ଡାକ୍ତରୀ ଶବ୍ଦର ବ୍ୟବହାର: ମା’ ବାପାମାନେ ପିଲାଙ୍କୁ ସେମାନଙ୍କ ଯୈାନତା ବାବଦରେ ବୁଝାଇଲା ସମୟରେ ଡାକ୍ତରୀ ଶବ୍ଦର ବ୍ୟବହାର କରିବା ଦରକାର । ଶରୀରର ଏକ ଅଙ୍ଗ ବାବଦରେ ବୁଝାଇବା ପାଇଁ କୌଣସି ସଂକେତ ବା କୋଡ୍ ଲାଙ୍ଗୱେଜ୍ ବଦଳରେ ଡାକ୍ତରୀ ଶବ୍ଦ ପ୍ରୟୋଗ କଲେ ଭଲ । ଫଳରେ ପିଲାମାନେ ବି କୌଣସି ଯାତନାର ଶୀକାର ହେଲା ସେମାନେ ବି ସେହି ଡାକ୍ତରୀ ଶବ୍ଦର ବ୍ୟବହାର କରି ବାପା ମା’ଙ୍କୁ ସମ୍ମୁଖୀନ ହୋଇଥିବା ସ୍ଥିତି ସଂପର୍କରେ କହିପାରିବେ ।
ବ୍ୟାପକ ଦୃଷ୍ଟିକୋଣରୁ ଦେଖିବାକୁ ଗଲେ ଦିବ୍ୟାଙ୍ଗ ପିଲାମାନଙ୍କ ସହ ରହୁଥିବା ମା’ ବାପା ବା ଅନ୍ୟ କୌଣସି ସଂପର୍କୀୟ ସେମାନଙ୍କ ସହ ଖାପ ଖୁଆଇବାକୁ ପଡିବ । ସହଜ ମନେ କରିବାକୁ ହେବା । କୌଣସି ସାମାଜିକ କଳଙ୍କର ଚିନ୍ତା ଦୂରେଇବାକୁ ହେବ । ଏସବୁ କଥା ଭୁଲି ଦିବ୍ୟାଙ୍ଗ ପିଲାମାନଙ୍କୁ ସେମାନଙ୍କ ଯୌନତା ସଂପର୍କରେ ଶିକ୍ଷା ଦେବାକୁ ପଡିବ । ତେଣୁ ବାପା ମା’ଙ୍କୁ ହିଁ ପ୍ରଥମେ ପିଲାମାନଙ୍କ ସହ ରହି ଧୈର୍ଯ୍ୟର ସହ ସେମାନଙ୍କୁ ଯୈାନତା ଶିକ୍ଷା ଦେବାକୁ ପଡିବ ବୋଲି ସମୃଦ୍ଧି ପାଟକର ଗୁରୁତ୍ବାରୋପ କରିଛନ୍ତି ।
