ପ୍ରତିଦିନ ଅଣ୍ଡା ଖାଇବାର ଫାଇଦା, ହୃଦ ସ୍ବାସ୍ଥ୍ୟରେ ଆଣେ ଉନ୍ନତି

ପ୍ରତିଦିନ ଅଣ୍ଡା ଖାଇବା ଦ୍ବାରା ଶରୀର ଉପରେ କଣ ପ୍ରଭାବ ରହିଥାଏ ତାହାକୁ ନେଇ ଗବେଷଣା କରିଥିଲେ କିଛି ଗବେଷକ । ଯାହାର ନିଷ୍କର୍ସ ସମ୍ପ୍ରତି ବେଶ ଲାଭଦାୟକ । ଏବେ ଅଧିକାଂଶ ରୋଗ ହୃଦଘାତର ଶିକାର ହେଉଥିବା ବେଳେ ସେମାନଙ୍କ ପକ୍ଷେ ପ୍ରତିଦିନ ଅଣ୍ଡା ଖାଇବା ନିହାତି ଆବଶ୍ୟକ । ଅଧିକ ପଢନ୍ତୁ

ହାଇଦ୍ରାବାଦ:ସାଧାରଣତଃ ପ୍ରୋଟିନ କଥା ଆସିଲେ ସ୍ବାସ୍ଥ୍ୟ ବିଶେଷଜ୍ଞ ଅଣ୍ଡା ଖାଇବାକୁ ପରାମର୍ଶ ଦିଅନ୍ତି । ପ୍ରତିଦିନ ସିଝା ଅଣ୍ଡା ଖାଇବା ସ୍ବାସ୍ଥ୍ୟ ପକ୍ଷେ ଉପଯୋଗୀ ହୋଇଥାଏ । ତେବେ ଆପଣ କଣ ଜାଣନ୍ତି କି ଅଣ୍ଡା ଖାଇବା ଦ୍ବାରା ଏହା ହୃଦ ସ୍ବାସ୍ଥ୍ୟ ପାଇଁ ଫଳପ୍ରଦ ହୋଇଥାଏ । ଅଣ୍ଡା ହୃଦ ସ୍ବାସ୍ଥ୍ୟକୁ ବଜାୟ ରଖିବାରେ ସାହାଯ୍ୟ କରେ । ପ୍ରତିଦିନ ମାତ୍ର ଗୋଟିଏ ଅଣ୍ଡା ଖାଇଲେ ଏହା ହୃଦଜନିତ ରୋଗ ଜନିତ ସମସ୍ୟା(cardiovascular disease)ରୁ ମୁକ୍ତି ଦେଇଥାଏ ।

ଅଣ୍ଡା ଡାଏଟାରୀ କୋଲେଷ୍ଟ୍ରଲର ଏକ ସମୃଦ୍ଧ ଉତ୍ସ, କିନ୍ତୁ ସେଗୁଡ଼ିକରେ ବିଭିନ୍ନ ପ୍ରକାରର ପୋଷକ ତତ୍ତ୍ବ ମଧ୍ୟ ରହିଥାଏ । ପ୍ରତିଦିନ ଅଣ୍ଡା ଖାଇବା ହୃଦ ସ୍ବାସ୍ଥ୍ୟ ପାଇଁ ଲାଭଦାୟକ କି କ୍ଷତିକାରକ ତାହା ଉପରେ ଦ୍ବନ୍ଦ୍ବପୂର୍ଣ୍ଣ ପ୍ରମାଣ ରହିଛି । ୨୦୧୮ରେ ପ୍ରକାଶିତ ଏକ ପତ୍ରିକା(Heart)ରେ ଉଲ୍ଲେଖ ରହିଥିଲା ଯେ ଚୀନରେ ପ୍ରାୟ ଅଢେଇ ଲକ୍ଷ ବ୍ୟକ୍ତି ପ୍ରତିଦିନ ଅଣ୍ଡା ଖାଇଥାନ୍ତି । ଯେଉଁମାନେ ଦୈନିକ ଅଣ୍ଡା ଖାଉଥିଲେ (ପ୍ରତିଦିନ ଗୋଟିଏ ଅଣ୍ଡା)ସେମାନଙ୍କ ଅପେକ୍ଷା ଅଣ୍ଡା ଖାଉନଥିବା ଲୋକଙ୍କ ହୃଦଘାତ ଏବଂ ଷ୍ଟ୍ରୋକ୍ ହେବାର ଆଶଙ୍କା ଅଧିକ ରହିଥିଲା ।

ତେବେ ହୃଦ ସ୍ବାସ୍ଥ୍ୟ ସହିତ ଅଣ୍ଡାର ସମ୍ପର୍କକୁ ନେଇ ଗବେଷକମାନେ କିଛି ଲୋକଙ୍କୁ ଏଥିରେ ସାମିଲ କରିଛନ୍ତି । ସେମାନେ ବିଶେଷ ଭାବରେ ଅଣ୍ଡା ଖାଇବା ଦ୍ବାରା ହୃଦ ସ୍ବାସ୍ଥ୍ୟ କିପରି ରହିଥାଏ ଏହା ଉପରେ ଅଧ୍ୟୟନ କରୁଛନ୍ତି । ଏହି ଅଧ୍ୟୟନରୁ ଜଣାପଡ଼ିଛି ଯେ ପ୍ଲାଜମା କୋଲେଷ୍ଟ୍ରଲ ମେଟାବୋଲିଜମ(plasma cholesterol metabolism) ଏକ ପ୍ରମୁଖ ଭୂମିକା ଗ୍ରହଣ କରୁଛି । ଯେଉଁମାନେ ମଧ୍ୟମ ଧରଣର ଅଣ୍ଡା ଖାଇଥାନ୍ତି ସେମାନଙ୍କ ରକ୍ତରେ ପ୍ରୋଟିନର ପରିମାଣ ଅଧିକ ରହିଥାଏ । ଯାହାକୁ ଆପୋଲିପୋପ୍ରୋଟିନ ଏ ୱାନ(apolipoprotein A1) କୁହାଯାଏ ।

ଏହି ପ୍ରୋଟିନ ଶରୀର ଗଠନରେ ସହାୟକ ହୋଇଥାଏ । ଏହାକୁ ଉତ୍ତମ ଲିପୋପ୍ରୋଟିନ(good lipoprotein) ମଧ୍ୟ କୁହାଯାଏ । ଏହା ରକ୍ତରେ କୋଲେଷ୍ଟ୍ରଲର ପରିମାଣକୁ ହ୍ରାସ କରିବାରେ ସହାୟକହେବା ସହ ରକ୍ତ ପ୍ରବାହିତ ହେଉଥିବା ନଳୀରେ ଜମାଟ(Blockage) ବାନ୍ଧିବାରୁ ମୁକ୍ତି ଦେଇଥାଏ । ଏହି କୋଲେଷ୍ଟ୍ରଲ ଜମାଟ ବାନ୍ଧିବା ଦ୍ବାରା ହୃଦଘାତ ଓ ଷ୍ଟ୍ରୋକ ହୋଇଥାଏ । ତେବେ ମଧ୍ୟମ ଧରଣର ଅଣ୍ଡା ଖାଇବା ସ୍ବାସ୍ଥ୍ୟ ପକ୍ଷେ ଉପଯୋଗୀ ବୋଲି ଗବେଷକମାନେ ମତ ପ୍ରକାଶ କରିଛନ୍ତି ।