ପ୍ୟାରେଟିଂ ରେ କର୍ଡ ବ୍ଲଡ୍ ସଂରକ୍ଷଣର ଆବଶ୍ୟକତା ବହୁ ଆହ୍ବାନମୂଳକ ହୋଇଥାଏ । ଏଥିପାଇଁ କେତେ ଗୁଡିଏ ନିଷ୍ପତି ନେବାକୁ ପଡିଥାଏ । ଏଥି ମଧ୍ୟରୁ ଗୋଟିଏ ହେଲା ନିଜ ଛୁଆର ଭବିଷ୍ୟତ ସ୍ବାସ୍ଥ୍ୟ ପାଇଁ ଗର୍ଭନଳା ବା ଅମ୍ବିଲିକାଲ୍ କର୍ଡର ରକ୍ତ ସଂରକ୍ଷଣ । ଅମ୍ବିଲିକାଲ କର୍ଡ ମାଆ ସହ ଗର୍ଭସ୍ଥ ଶିଶୁକୁ ସଂଯୋଗ କରିଥାଏ । ଯଦି ଭବିଷ୍ୟତରେ ଆପଣଙ୍କ ଶିଶୁ ବ୍ଲଡ କ୍ୟାନସର, ଆପଲାଷ୍ଟିକ୍ ଆନେମିଆ ବା ଥାଲାସେମିଆ ଭଳି ବିଭିନ୍ନ ରକ୍ତଜନିତ ରୋଗରେ ପୀଡିତ ହୁଏ, ତାହା ହେଲେ ସଂରକ୍ଷିତ ଗର୍ଭନଳା ରକ୍ତ ଚିକିତ୍ସାରେ ବେଶ୍ ସହାୟକ ହେବ ।
କର୍ଡ ବ୍ଲଡ୍ କାହିଁକି ଆବଶ୍ୟକ ?
ପ୍ରତିବର୍ଷ ଜୁଲାଇ ମାସ ରକ୍ତ ସଚେତନତା ମାସ ଭାବେ ପାଳନ କରାଯାଏ । ଆଜି ଆମେ କର୍ଡ ବ୍ଲଡ୍ ବା ଗର୍ଭନଳାର ଗୁରୁତ୍ବ ଓ ଆବଶ୍ୟକତା ଉପରେ ଆଲୋଚନା କରିବା । ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ ଡକ୍ଟର ରେଣୁକା ଗୁପ୍ତା କହନ୍ତି ଯେ, ଛୁଆ ଜନ୍ମ ହେଲା ପରେ ଶିଶୁର ଅମ୍ବିଲିକାଲ୍ କର୍ଡ ବା ଗର୍ଭନଳାରେ ଜମା ଥିବା ରକ୍ତରେ ସ୍ପେଶାଲ ଷ୍ଟେମ ସେଲ୍ ରହିଥାଏ । ସମୟକ୍ରମେ ଏହି ଷ୍ଟେମ ସେଲଗୁଡିକ ରକ୍ତ କୋଷିକାରେ ବିକଶିତ ହୁଏ । ରକ୍ତ କୋଷିକାଗୁଡିକ ଶରୀରରେ ସଂକ୍ରମଣର ମୁକାବିଲା ସହ ରକ୍ତ ଜମାଟ ଆକାରରେ ଶରୀରକୁ ଅକ୍ସିଜେନ୍ ପରିବହନ କରିବାରେ ସାହାଯ୍ୟ କରନ୍ତି ।
ଗର୍ଭନଳା ରକ୍ତ ବା କର୍ଡ ବ୍ଲଡ୍ ସଂରକ୍ଷଣ ବାବଦରେ ଅନେକ ଅବଗତ ନାହାନ୍ତି । ଡକ୍ଟର ରେଣୁକାଙ୍କ ମତରେ, ମାତ୍ର ଅଳ୍ପ କିଛି ମାମଲାରେ ହିଁ ସଂରକ୍ଷିତ କର୍ଡ ବ୍ଲଡ୍ ବିଭିନ୍ନ ରକ୍ତଜନିତ ରୋଗ ଓ ଷ୍ଟେମ ସେଲ୍ ପ୍ରତିରୋପଣରେ ବ୍ୟବହାର ହୋଇଛି । ଏଥିପାଇଁ ଦୁଇଟି କାରଣକୁ ଦାୟୀ କରାଯାଇପାରେ । ଲୋକଙ୍କ ମଧ୍ୟରେ ସଚେତନତାର ଅଭାବ ଓ ସଂରକ୍ଷଣ କେନ୍ଦ୍ରରୁ ରକ୍ତ କୋଷିକା ବାହାର କରି ଚିକିତ୍ସା ପାଇଁ ଆଣିବା ମଧ୍ୟରେ ରହୁଥିବା ଖୁବ୍ କମ ସମୟକୁ ଦାୟୀ କରନ୍ତି ଡକ୍ଟର ରେଣୁକା ।