ମହିଳାମାନେ ସାମନା କରୁଥିବା ସାଧାରଣ ସ୍ବାସ୍ଥ୍ୟଗତ ସମସ୍ୟା ଓ ପ୍ରତିକାର

ମହିଳାମାନେ ତାଙ୍କ ଜୀବନକାଳ ମଧ୍ୟରେ ବୟସ ବଢିବା ସହିତ ବିଭିନ୍ନ ପ୍ରକାର ସ୍ବାସ୍ଥ୍ୟଗତ ସମସ୍ୟାର ସାମନା କରିଥାନ୍ତି । ଏହା ସାଧାରଣ ହୋଇଥିବାବେଳେ କିଛି ମହିଳାଙ୍କ କ୍ଷେତ୍ରରେ ବଡ଼ ରୋଗକୁ ସୂଚାଇଥାଏ । ଏହାକୁ ଅଣଦେଖା କରିବା ପରିବର୍ତ୍ତେ ଡାକ୍ତରଙ୍କ ପରାମର୍ଶ ନେବାକୁ କହିଛନ୍ତି ଉତ୍ତରାଖଣ୍ଡର ସ୍ତ୍ରୀ ରୋଗ ବିଶେଷଜ୍ଞ ଡକ୍ଟର ବିଜୟାଲକ୍ଷ୍ମୀ । ଅଧିକ ପଢନ୍ତୁ

ହାଇଦ୍ରାବାଦ:ବିଭିନ୍ନ ପ୍ରକାରର କାର୍ଯ୍ୟ ଏବଂ ପରିବାରର ସମସ୍ତ ଦାୟିତ୍ବରେ ତୁଲାଉଥିବା ମହିଳାମାନେ ସେମାନଙ୍କ ସ୍ବାସ୍ଥ୍ୟ ପ୍ରତି ଅଧିକ ଧ୍ୟାନ ଦିଅନ୍ତି ନାହିଁ । ଏହି ଅସାବଧାନତା ସ୍ବାସ୍ଥ୍ୟଗତ ପ୍ରତିକୂଳ ପରିସ୍ଥିତିକୁ ଆହୁରି ଆଗକୁ ନେଇପାରେ । କେବଳ ସେମାନଙ୍କର ମଧ୍ୟମ ଜୀବନରେ ନୁହେଁ, ମହିଳାମାନେ ଯୁବାବସ୍ଥାରୁ ସେମାନଙ୍କର ସ୍ବାସ୍ଥ୍ୟ ପ୍ରତି ସତର୍କ ରହିବା ଆବଶ୍ୟକ । ମହିଳାମାନେ ସେମାନଙ୍କ ଜୀବନରେ କିଛି ସାଧାରଣ ସମସ୍ୟା ସାମ୍ନା କରନ୍ତି, ଯାହାକୁ ଠିକ୍ ସମୟରେ ଚିକିତ୍ସା କରାଯିବା ଆବଶ୍ୟକ ।

ମହିଳାମାନେ ସାମନା କରୁଥିବା ସାଧାରଣ ସ୍ବାସ୍ଥ୍ୟଗତ ସମସ୍ୟା:-

ଜଣେ ମହିଳାଙ୍କ ଶରୀରରେ ତାଙ୍କ ଜୀବନସାରା ଅନେକ ପରିବର୍ତ୍ତନ ହୋଇଥାଏ । ଶରୀରରେ ହେଉଥିବା ପରିବର୍ତ୍ତନ ବୃଦ୍ଧି କିମ୍ବା ବିକାଶକୁ ସୂଚାଇପାରେ, ଅନ୍ୟମାନେ ହୁଏତ ଏକ ଗୁରୁତର ସ୍ବାସ୍ଥ୍ୟ ଅବସ୍ଥାକୁ ସୂଚାଇଥାନ୍ତି । ଏହି କାରଣରୁ ମହିଳାମାନେ ନିଜ ସ୍ବାସ୍ଥ୍ୟ ପ୍ରତି ଅଧିକ ସତର୍କ ହେବା ଆବଶ୍ୟକ । ଉତ୍ତରାଖଣ୍ଡର ସ୍ତ୍ରୀ ରୋଗ ବିଶେଷଜ୍ଞ ଡକ୍ଟର ବିଜୟାଲକ୍ଷ୍ମୀ ମହିଳାମାନେ ସାମନା କରୁଥିବା ସ୍ବାସ୍ଥ୍ୟଗତ ସମସ୍ୟା ସମ୍ପର୍କରେ ଆଲୋଚନା କରିଛନ୍ତି ।

ବୟସ ବଢିବା ପରେ ମହିଳା ଋତୁସ୍ରାବ ଓ ପ୍ରଜନନ ସମ୍ବନ୍ଧୀୟ ସମସ୍ୟାର ସାମନା କରିଥାନ୍ତି । ସେମାନେ ଯୌନ ଯନ୍ତ୍ରଣା(Vaginal Pain), କୁଣ୍ଡିଆ(Itching), ମୂତ୍ରାଶୟ ସଂକ୍ରମଣ (UTIs), ଋତୁସ୍ରାବରେ ଅନିୟମିତା, ଅସାଧାରଣ ଯୌନ ନିଷ୍କାସନ(Unusual Vaginal Discharge) ଇତ୍ୟାଦି ଅନୁଭବ କରିପାରନ୍ତି । ଯଦି ଏହି ସମସ୍ୟାଗୁଡିକୁ ଉପେକ୍ଷା କରାଯାଏ, ତେବେ ପରବର୍ତ୍ତୀ ସମୟରେ ଏହା ଆହୁରି ଖରାପ ହୋଇପାରେ । ଡକ୍ଟର ବିଜୟାଲକ୍ଷ୍ମୀଙ୍କ ଏଠାରେ ବ୍ୟାଖ୍ୟା କରାଯାଇଥିବା ମହିଳାଙ୍କ କିଛି ସାଧାରଣ ସମସ୍ୟା:-

ଋତୁସ୍ରାବରେ ଅନିୟମିତତା(Irregular Menstrual Cycle):-

କୌଣସି ଝିଅ କିମ୍ବା ମହିଳାଙ୍କ ପାଇଁ ଋତୁସ୍ରାବରେ ଅନିୟମିତତା ହେବା ସ୍ବାଭାବିକ ନୁହେଁ । ଅନିୟମିତା, ଦୁଇଟି ଚକ୍ର ମଧ୍ୟରେ ଦୀର୍ଘ ବ୍ୟବଧାନ, ଜମାଟ ବାନ୍ଧିବା, ପ୍ରବଳ ରକ୍ତସ୍ରାବ, ଦୀର୍ଘ ରକ୍ତସ୍ରାବ, ଦାଗ ଇତ୍ୟାଦି ସମସ୍ୟା ଦେଖାଯାଇଥାଏ । ତେବେ ଯେପର୍ଯ୍ୟନ୍ତ ସେମାନଙ୍କ ସ୍ବାସ୍ଥ୍ୟ ଉପରେ ଏହାର ଗଭୀର ପ୍ରଭାବ ନ ପଡ଼ିଥାଏ ସେପର୍ଯ୍ୟନ୍ତ ମହିଳାମାନେ ଏହାକୁ ଅଣଦେଖା କରିଥାନ୍ତି । ସାଧାରଣତଃ ଏପରି ସମସ୍ତ ସମସ୍ୟା ପଲିସିଷ୍ଟିକ୍ ଓଭାରି ସିଣ୍ଡ୍ରୋମ(PCOS)ର ଲକ୍ଷଣ ହୋଇପାରେ । ଯାହା ଏକ ହରମୋନାଲ ବ୍ୟାଧି(Hormonal Disorder) ଅଟେ ଏବଂ ଏହା ପ୍ରଜନନ କ୍ଷମତା ହ୍ରାସ କରିଥାଏ ।

ଋତୁସ୍ରାବ ବିନା ରକ୍ତସ୍ରାବ(Bleeding Despite Menstruation):-

ଋତୁସ୍ରାବର ପ୍ରକ୍ରିୟା ଜାରି ହୋଇନଥିବାବେଳେ କିଛି ମହିଳାଙ୍କ ରକ୍ତସ୍ରାବ ହୁଏ, ଏହା ସ୍ବାଭାବିକ ନୁହେଁ । ଡକ୍ଟର ବିଜୟାଲକ୍ଷ୍ମୀ ବ୍ୟାଖ୍ୟା କରି କହିଛନ୍ତି ଯେ ବେଳେ ବେଳେ ଯୌନାଙ୍ଗରେ ଭୟଙ୍କର ସଂକ୍ରମଣ ପାଇଁ କିମ୍ବା ଗର୍ଭାଶୟ କିମ୍ବା ଅନ୍ୟାନ୍ୟ ପ୍ରଜନନ ଅଙ୍ଗ ସହିତ ଜଡିତ କିଛି ସମସ୍ୟା ହେତୁ ରକ୍ତସ୍ରାବ ହୋଇପାରେ । ଏହି କ୍ଷେତ୍ରରେ, ଡାକ୍ତରୀ ସାହାଯ୍ୟ କିମ୍ବା ପରୀକ୍ଷା କରିନେବା ଆବଶ୍ୟକ । କାରଣ ଏହା ଗର୍ଭାଶୟ କିମ୍ବା ଗର୍ଭାଶୟ କର୍କଟ(Uterine Cancer) ଭଳି ଏକ ଗୁରୁତର ଅବସ୍ଥାକୁ ସୂଚାଇପାରେ ।

ତଳି ପେଟ ଯନ୍ତ୍ରଣା(Lower Abdominal Pain):-

ମହିଳାମାନଙ୍କଠାରେ ଏହି ସମସ୍ୟା ଅତି ସାଧାରଣ ହୋଇଥାଏ । ଡକ୍ଟର ବିଜୟାଲକ୍ଷ୍ମୀ କହିଛନ୍ତି ଯେ ଆମ ପେଟର ତଳ ଅଂଶ ଅନ୍ତନଳୀ, ବ୍ଲାଡର, ଗର୍ଭାଶୟ ଏବଂ ଡିମ୍ବାଣୁ ପରି ଅଙ୍ଗକୁ ନେଇ ଗଠିତ । ଏହି ଅଙ୍ଗଗୁଡ଼ିକରେ କୌଣସି ସଂକ୍ରମଣ କିମ୍ବା ସମସ୍ୟା ହେଲେ, ତଳି ପେଟରେ ସାମାନ୍ୟ ଯନ୍ତ୍ରଣା ଅନୁଭବ କରିବାର ସମ୍ଭାବନା ଥାଏ । ତେବେ ଏହା ସାଧାରଣତଃ ପ୍ରଥମ ଲକ୍ଷଣ ହୋଇଥାଏ । ସାଧାରଣତଃ ମହିଳାମାନେ ଋତୁସ୍ରାବ ସମୟରେ ଏହି କ୍ଷେତ୍ରରେ ଯନ୍ତ୍ରଣା ଅନୁଭବ କରନ୍ତି, ଯାହା ଏକ ସାଧାରଣ କଥା । କିନ୍ତୁ ବେଳେ ବେଳେ, ଏହି ଯନ୍ତ୍ରଣା ଡିମ୍ବାଣୁ କିମ୍ବା ଗର୍ଭାଶୟରେ ଥିବା ସମସ୍ୟାକୁ ମଧ୍ୟ ସୂଚାଇପାରେ । କ୍ରମାଗତ ଯନ୍ତ୍ରଣା ମଧ୍ୟ ଏଣ୍ଡୋମେଟ୍ରିଓସିସ୍(Endometriosis)ର ଲକ୍ଷଣ ହୋଇପାରେ । ତେଣୁ ଯଦି ଋତୁସ୍ରାବ ବ୍ୟତୀତ ତଳି ପେଟରେ ଯନ୍ତ୍ରଣା ଅନୁଭବ କରନ୍ତି, ତୁରନ୍ତ ଡାକ୍ତରଙ୍କ ସହିତ ପରାମର୍ଶ କରନ୍ତୁ ।

ଯୌନ ନିଷ୍କାସନ(Vaginal Discharge):-

ଡକ୍ଟର ବିଜୟାଲକ୍ଷ୍ମୀ କହିଛନ୍ତି ଯେ ମହିଳାମାନଙ୍କଠାରେ ଯୌନାଙ୍ଗରୁ କିଛି ନିର୍ଗତ ହେବା ସ୍ବାଭାବିକ ଏବଂ ଏହା ଏକ ପ୍ରକ୍ରିୟା ଯାହା ଦ୍ବାରା ଯୌନାଙ୍ଗ ନିଜକୁ ସଫା କରିଥାଏ । ବେଳେ ବେଳେ ଡିସଚାର୍ଜ ଅସ୍ବାଭାବିକ ଭାବରେ ଅଧିକ ହେଉଥାଏ ବା ଏହା ଦୁର୍ଗନ୍ଧଯୁକ୍ତ ଏବଂ ରଙ୍ଗରେ ଅସାଧାରଣ ହୋଇଥାଏ । ଏପରି ହେଲେ ଏହା ଏକ ଜୀବାଣୁ ସଂକ୍ରମଣ ଓ Yeast ସଂକ୍ରମଣ କିମ୍ବା ଯୌନ ସଂକ୍ରମଣ (STI) ର ସଙ୍କେତ ହୋଇପାରେ । ତେଣୁ ଏହି କ୍ଷେତ୍ରରେ ତୁରନ୍ତ ଡାକ୍ତରଙ୍କ ସହ ଯୋଗାଯୋଗ କରିବା ଅତ୍ୟନ୍ତ ଗୁରୁତ୍ବପୂର୍ଣ୍ଣ ।