ହାଇଦ୍ରାବାଦ:ଏକବିଂଶ ଶତାବ୍ଦୀରେ ସ୍ୱାସ୍ଥ୍ୟସେବା କ୍ଷେତ୍ରରେ ନିରନ୍ତର ବିକାଶ ହେଉଛି । ଏହି ଶିଳ୍ପ ନୂତନ ଟେକ୍ନୋଲୋଜି ଏବଂ ଡିଜିଟାଲାଇଜେସନ୍ କରୁଥିବା ଦେଖିବାକୁ ମିଳୁଛି । ଯାହା ପୂର୍ବରୁ କେବେ ହୋଇନଥିଲା । ଉଦ୍ଭାବନ ଦ୍ବାରା ସ୍ବାସ୍ଥ୍ୟ ସେବାରେ ବୈପ୍ଲବିକ ପରିବର୍ତ୍ତନ ହେଉଛି । ଯଦିଓ କୋରୋନା ମହାମାରୀ ହେତୁ ସ୍ୱାସ୍ଥ୍ୟ ସେବା ଶିଳ୍ପକୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡୁଥିଲା, ତେବେ ବର୍ତ୍ତମାନର ସମୟରେ ଅନେକ ପରିବର୍ତ୍ତନ ଦେଖିବାକୁ ମିଳିଛି । ତେବେ ଭବିଷ୍ୟତରେ କେଉଁ କ୍ଷେତ୍ରରେ ଆମେ କେଉଁ ଟେକ୍ନୋଲୋଜି ଦେଖିବାକୁ ପାଇବା ସେ ବିଷୟରେ ଜାଣନ୍ତୁ
ସ୍ବାସ୍ଥ୍ୟ ବିଭାଗର ଭବିଷ୍ୟତ ଟେକ୍ନୋଲୋଜି:
1. ଆର୍ଟିଫିସିଆଲ ଇଣ୍ଟେଲିଜେନ୍ସ: ଆଜିକାଲି, ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଅର୍ଥାତ୍ ଏଆଇ ବିଷୟରେ ଅନେକ ଚର୍ଚ୍ଚା ହେଉଛି । ସ୍ବାସ୍ଥ୍ୟ କ୍ଷେତ୍ର ମଧ୍ୟ ଏଥିରୁ ବାଦ ପଡି ନାହିଁ । ଏହି ଟେକ୍ନୋଲୋଜି ଅନେକ ଚାଲେଞ୍ଜକୁ ସାମ୍ନା କରିଛି । ଅନେକ ଜଟିଳ କାମକୁ ସାଧାରଣ ଭାବେ କରିବା ସହ ସମୟ ମଧ୍ୟ ବଞ୍ଚୁଛି । ଯଦି AI ହସ୍ପିଟାଲର ପ୍ରଶାସନିକ କାର୍ଯ୍ୟ ପୂରଣ କରିବ, ତେବେ ସ୍ୱାସ୍ଥ୍ୟ ସେବା କର୍ମଚାରୀମାନେ ରୋଗୀଙ୍କ ସେବା ପ୍ରତି ଅଧିକ ଧ୍ୟାନ ଦେବେ । ଏହି ଶିଳ୍ପରେ ବ୍ୟକ୍ତିଗତକରଣକୁ ମଧ୍ୟ ଉନ୍ନତ କରାଯାଇଛି, ଆର୍ଟିଫିସିଆଲ ଇଣ୍ଟେଲିଜେନ୍ସ ମାଧ୍ୟମରେ ଅତ୍ୟାଧୁନିକ ତଥ୍ୟକୁ ବ୍ୟବହାର କରାଯାଇପାରିବ, ଯାହା ଫଳରେ କି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାରେ ସହଜ ହେବ । ଫଳସ୍ୱରୂପ, ରୋଗୀମାନେ ଏକ ଭଲ ଉପାୟରେ ଚିକିତ୍ସିତ ହେବେ।
2. ଟେଲିହେଲଥ:ଟେଲିହେଲଥ୍ ଏକ ସମ୍ପୂର୍ଣ୍ଣ ନୂତନ ଧାରଣା ହୋଇନପାରେ, କିନ୍ତୁ ଏହା ବର୍ତ୍ତମାନ ସ୍ୱାସ୍ଥ୍ୟସେବାର ଏକ ଅତ୍ୟାବଶ୍ୟକ ଅଂଶ ହୋଇପାରିଛି । ସ୍ୱାସ୍ଥ୍ୟସେବା କ୍ଷେତ୍ରରେ ଡିଜିଟାଲାଇଲେଜସ ହେତୁ ଏହି କ୍ଷେତ୍ର ସହିତ ଜଡିତ ଅଧିକାଂଶ ଲୋକଙ୍କ ସହ ଯୋଗାଯୋଗ କରିବା ସହଜ ହୋଇଯାଇଛି । ଆଜିର ସମୟରେ ଡାକ୍ତର ଏବଂ ନର୍ସିଂ କର୍ମଚାରୀମାନେ ଏହା ମାଧ୍ୟମରେ ସେମାନଙ୍କ କାର୍ଯ୍ୟ ସହଜରେ କରିବାକୁ ସକ୍ଷମ ଅଟନ୍ତି । ଏହି କାରଣରୁ, ସମୟ ସଞ୍ଚୟ ହେଉଛି ଏବଂ ରୋଗୀମାନେ ମଧ୍ୟ ଅନେକ ସୁବିଧା ପାଇଛନ୍ତି । ଅନେକ ଡାକ୍ତର ନିଜ ଘରେ ଉପସ୍ଥିତ ରୋଗୀଙ୍କୁ ଭର୍ଚୁଆଲ୍ ପରାମର୍ଶ ଦେବାରେ ସକ୍ଷମ ହେଉଛନ୍ତି ।
3. ରୋବୋଟିକ୍ସ: ରୋବୋଟିକ୍ସ ବିଷୟରେ ସାଧାରଣ ଲୋକଙ୍କ ମଧ୍ୟରେ ଅନେକ ଦ୍ୱନ୍ଦ୍ୱ ରହିଛି, ବାସ୍ତବରେ ରୋବଟ ଗୁଡିକର କାର୍ଯ୍ୟ ମଣିଷକୁ ବଦଳାଇବା ନୁହେଁ, ଏହାର ଅର୍ଥ ହେଉଛି ସ୍ବାସ୍ଥ୍ୟ ବିଭାଗର ତ୍ରୁଟିକୁ ସମ୍ଭାଳିବା । ରୋବୋଟିକ ଟେକ୍ନୋଲୋଜି ଦ୍ବାରା ସ୍ୱାସ୍ଥ୍ୟସେବା କର୍ମଚାରୀଙ୍କ କାର୍ଯ୍ୟ ସହଜ ହେବ । ଯାହା ଦ୍ବାରା ସେମାନେ ରୋଗୀଙ୍କ ଯତ୍ନ ଉପରେ ଅଧିକ ଧ୍ୟାନ ଦେବେ । ମ୍ୟାକ୍ସ ସୁପର ସ୍ପେସିଆଲିଟି ହସ୍ପିଟାଲର ଅର୍ଥୋପେଡିକ୍ ସର୍ଜନ କହିଛନ୍ତି, ରୋବୋଟିକ୍ସ ସର୍ଜରୀରରେ ସାହାଯ୍ୟ କରିବା ସହ ସର୍ଜନମାନଙ୍କ ଅଭ୍ୟାସକୁ ସୁଦୃଢ କରିବାର ସମ୍ଭାବନା ଅଛି । ସେ କହିଛନ୍ତି, ଅର୍ଥୋପେଡିକ୍ ସର୍ଜରୀରେ ରୋବୋଟିକ୍ସର ଏକୀକରଣ ଏହି କ୍ଷେତ୍ରରେ ଏକ ବୈପ୍ଳବିକ ପରିବର୍ତ୍ତନ ଆଣିଛି । କୁଶଳୀ ସର୍ଜନମାନଙ୍କ ପାରଦର୍ଶିତାକୁ ରୋବୋଟିକ୍ ଆହୁରି ସହଜ କରିଥାଏ ।
4. ବ୍ଲକଚେନ: ବ୍ଲକ୍ ଚେନ୍ ସାଧାରଣତଃ ଅର୍ଥ କ୍ଷେତ୍ରରେ ବିବେଚନା କରାଯାଏ, କିନ୍ତୁ ସ୍ୱାସ୍ଥ୍ୟସେବା କ୍ଷେତ୍ରରେ ମଧ୍ୟ ଏହାର ଉପସ୍ଥିତି ଦେଖାଯାଉଛି । ଏହାର ମୁଖ୍ୟ ଉଦ୍ଦେଶ୍ୟ ହେଉଛି ସାଇବର ଅପରାଧୀଙ୍କ ଟାର୍ଗେଟରେ ଥିବା ରୋଗୀଙ୍କ ସମ୍ବେଦନଶୀଳ ତଥ୍ୟର ସୁରକ୍ଷା କରିବା । ସ୍ୱାସ୍ଥ୍ୟସେବା କ୍ଷେତ୍ରରେ ତଥ୍ୟ ଚୋରି ଘଟଣାରେ ମଧ୍ୟ କ୍ରମାଗତ ବୃଦ୍ଧି ଘଟିଛି । ତେଣୁ, ରୋଗୀ ଚିହ୍ନଟ, ଯୋଗାଣ ଶୃଙ୍ଖଳା କ୍ଷମତା ସହିତ ଡାଟା ସୁରକ୍ଷା ପାଇଁ ବହୁତ ଆବଶ୍ୟକତା ଅଛି । ଆଗାମୀ ସମୟରେ ଏହି ଟେକ୍ନୋଲୋଜିର ଆବଶ୍ୟକତା ବୃଦ୍ଧି ପାଇବ । ଏହା ମାଧ୍ୟମରେ ସମସ୍ତ ସମସ୍ୟା ଦୂର ହୋଇପାରିବ ।
କଣ ଭବିଷ୍ୟତରେ ଡାକ୍ତରଙ୍କ ସ୍ଥାନ ନେଇପାରିବ କି ଏହି ଟେକନିକ?
ଏହି ସମସ୍ତ ବୈଷୟିକ ବିକାଶ ପ୍ରମାଣ କରେ ଯେ ସ୍ୱାସ୍ଥ୍ୟସେବା ଇକୋସିଷ୍ଟମକୁ ଅଧିକ ସୁଗମ, ଦକ୍ଷ, ସୁଲଭ ଏବଂ ରୋଗୀ କେନ୍ଦ୍ରିକ କରାଯାଉଛି । ଯଦିଓ ଏହି ଟେକ୍ନୋଲୋଜିର ସାହାଯ୍ୟରେ ରୋଗୀ ସେବା ଏକ ଉନ୍ନତ ଉପାୟରେ କରାଯାଉଛି, କିନ୍ତୁ ମାନବ ଉଦ୍ୟମ ଏବଂ ଉଦ୍ଭାବନ ମଧ୍ୟରେ ସନ୍ତୁଳନ ରକ୍ଷା କରିବା ମଧ୍ୟ ସମାନ ଗୁରୁତ୍ୱପୂର୍ଣ୍ଣ । ସ୍ୱାସ୍ଥ୍ୟସେବା ପ୍ରଫେସନାଲ ଏବଂ ଟେକ୍ନୋଲୋଜି ମଧ୍ୟରେ ଏକ ସହଭାଗୀତା ଏହି ବିପ୍ଳବର ମୂଳଦୁଆ ହୋଇ ରହିଆସିଛି, ଯେଉଁଠାରେ ଏଆଇ ସଠିକତା ପୂରଣ କରେ । ଆଶା କରାଯାଏ ଯେ ସ୍ୱାସ୍ଥ୍ୟସେବା କର୍ମଚାରୀଙ୍କ ଚାକିରି ଛଡ଼ାଇବା ପରିବର୍ତ୍ତେ ଏଆଇ ଏବଂ ରୋବଟ୍ ସେମାନଙ୍କ କାର୍ଯ୍ୟକୁ ସହଜ କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
