ପ୍ୟାରିସ: ମଙ୍କିପକ୍ସ ସଂକ୍ରମଣକୁ ନେଇ ଆସିଲା ରୋଚକ ତଥ୍ୟ । ଯେଉଁ ପୁରଷ, ପୁରୁଷଙ୍କ ସହ ଶାରୀରିକ ସମ୍ପର୍କ ରଖୁଛନ୍ତି ସେମାନଙ୍କୁ ଅଧିକ ମଙ୍କିପକ୍ସ ଆକ୍ରାନ୍ତ କରୁଛି । ବର୍ତ୍ତମାନ ସମୟରେ ମଙ୍କିପକ୍ସ ସଂକ୍ରମିତଙ୍କ ମଧ୍ୟରେ ଏହି କାରଣ ଅଧିକ ଥିବାରୁ ମୁଣ୍ଡବିନ୍ଧାର କାରଣ ପାଲଟିଛି । ମେ' ମାସରେ ସର୍ବାଧିକ ମଙ୍କିପକ୍ସ ଭୂତାଣୁରେ ସଂକ୍ରମିତ ହୋଇଥିବା ବ୍ୟକ୍ତି ପୁରୁଷ ଏବଂ ସେମାନେ ପୁରୁଷମାନଙ୍କ ସହ ହିଁ ଶାରୀରିକ ସମ୍ପର୍କ ରଖିଥିବା, ଫ୍ରେଞ୍ଚର ଏକ ଅନୁସନ୍ଧାନକାରୀ ଟିମ୍ ସ୍ପଷ୍ଟ କରିଛି ।
ତେବେ ଅଧିକାଂଶ ସଂକ୍ରମଣ ଘା' ବା କ୍ଷତ ଦ୍ୱାରା ସଂକ୍ରମିତ ହେଉଥିବା ଜଣାପଡିଛି । ଆନ୍ନାଲ୍ସ ଅଫ୍ ଇଣ୍ଟର୍ନାଲ୍ ମେଡିସିନର ପ୍ରକାଶିତ ଏକ ରିପୋର୍ଟରେ, ତିନି ଜଣ ଲକ୍ଷଣବିହୀନ ପୁରୁଷଙ୍କ କ୍ଷତ ଚିହ୍ନ ନାହିଁ କିନ୍ତୁ ସେମାନେ ମଙ୍କିପକ୍ସରେ ଆକ୍ରାନ୍ତ ହୋଇଛନ୍ତି । ରିପୋର୍ଟରେ ଦର୍ଶାଯାଇଛି ଯେ, ମଙ୍କିପକ୍ସରେ ସଂକ୍ରମିତ ହୋଇଥିବା ଏହି ବ୍ୟକ୍ତିଙ୍କର ଟୀକାକରଣ ହୋଇଥିଲେ ମଧ୍ୟ ଟିକା କୌଣସି ପ୍ରଭାବଶାଳୀ ହେବ ନାହିଁ । କିନ୍ତୁ ବର୍ତ୍ତମାନର ବିଶ୍ବବ୍ୟାପୀ ମଙ୍କିପକ୍ସ ମହାମାରୀ ଏବଂ ମାନବ-ରୁ-ମାନବ ସଂକ୍ରମଣ ତଥ୍ୟ ଏହା ଦର୍ଶାଉଛି ଯେ, ଲକ୍ଷଣବିହୀନ କିମ୍ବା ପ୍ରିକ୍ଲିନିକାଲ୍ ସ୍ପ୍ରେଡ୍ ହୋଇପାରେ ବୋଲି ଫ୍ରାନ୍ସର ବିଚାଟ-କ୍ଲୋଡ୍ ବର୍ନାର୍ଡ ହସ୍ପିଟାଲର ଅନୁସନ୍ଧାନକାରୀମାନେ କହିଛନ୍ତି ।