ହାଇଦ୍ରାବାଦ: ଶରୀରରେ ଲୋହିତ ରକ୍ତ କଣିକା(Red Blood Cell) କମ୍ ହେଲେ ରକ୍ତହୀନତା ଦେଖାଦିଏ, ଏହି ରକ୍ତହୀନତା ନାନା ରୋଗର କାରକ ସାଜେ । ଏହାକୁ ହିମୋଗ୍ଲୋବିନର ଅଭାବ ବା ଆନେମିଆ(Anemia)ମଧ୍ୟ କୁହାଯାଏ । ପ୍ରଥମେ, ରକ୍ତହୀନତା ଏତେ ମୃଦୁ ହୋଇପାରେ ଯେ, ଏଥିପ୍ରତି ଦୃଷ୍ଟି ପଡେ ନାହିଁ । କିନ୍ତୁ ଏହା ବେଳେବେଳେ ଜଟିଳ ସମସ୍ୟା ସୃଷ୍ଟି କରିପାରେ । ଏଥିପାଇଁ ଡାକ୍ତରୀ ଚିକିତ୍ସା ଥିଲେ ମଧ୍ୟ ଖାଦ୍ୟପେୟ ମାଧ୍ୟମରେ ଏହାକୁ ରୋକାଯାଇପାରେ । ବିଶେଷ କରି ଯୋଉଁସବୁ ଖାଦ୍ୟରୁ ଆଇରନ୍ ଓ ଭିଟାମିନ୍ ମିଳିଥାଏ ସେହିସବୁ ଖାଦ୍ୟ ଖାଇବା ଉଚିତ୍ ।
ତେବେ କେଉଁ ଖାଦ୍ୟ ଶରୀରକୁ ଆଇରନ୍ ଓ ଭିଟାମିନ୍ ଯୋଗାଇ ରକ୍ତହୀନତା ସମସ୍ୟାକୁ ଦୂର କରେ ଜାଣନ୍ତୁ...
ବିଟ୍:-ଶରୀରରେ ରକ୍ତ ବଢାଇବା ପାଇଁ ବିଟ୍ ବିଶେଷ ଭୂମିକା ଗ୍ରହଣ କରିଥାଏ । ବିଟ୍ରେ ଆଇରନ୍ ଭରପୂର ମାତ୍ରାରେ ମିଳିଥାଏ । ପ୍ରତିଦିନ ବିଟ୍ ଜୁସ୍ ପିଇବା ଦ୍ୱାରା ରକ୍ତ ମଧ୍ୟ ଶୁଦ୍ଧ ହୋଇଥାଏ । ବିଟ୍ରେ ଅନେକ ପ୍ରକାରର ଭିଟାମିନ୍, ମିନେରାଲ୍ସ ଏବଂ ଆଣ୍ଟି-ଅକ୍ସିଡାଣ୍ଟ ମିଳିଥାଏ, ଯାହା ହଜମ ପ୍ରକ୍ରିୟାରେ ମଧ୍ୟ ଉନ୍ନତି ଆଣିଥାଏ ।
ଡାଳିମ୍ବ:-ଶରୀରରେ ରକ୍ତହୀନତା ଅଭାବ ଦୂର କରିବାରେ ଡାଳିମ୍ବ ଏକ ଗୁରୁତ୍ବପୂର୍ଣ୍ଣ ଭୂମିକା ନିଭାଇଥାଏ । ଲୌହ ବା ଆଇରନ୍ ଅଭାବକୁ ଦୂର କରିବାରେ ସହାୟକ ହୋଇଥାଏ ଡାଳିମ୍ବ । ଏହାକୁ ଖାଇବା ଦ୍ବାରା ରକ୍ତହୀନତାର ସମସ୍ୟା ଦୂର ହୋଇଥାଏ । ଡାଳିମ୍ବ ଜୁସ୍ ଅନ୍ତନଳୀ ପ୍ରଦାହକୁ ହ୍ରାସ କରିଥାଏ ଏବଂ ହଜମ ପ୍ରକ୍ରିୟାରେ ଉନ୍ନତି ଆଣେ । ଏହା ହୃତପିଣ୍ଡ ପାଇଁ ମଧ୍ୟ ବହୁତ ଭଲ ।
ପାଳଙ୍ଗ ଶାଗ:-ଏହା ଆଇରନ୍, ଭିଟାମିନ୍, ଓମେଗା-3 ଫ୍ୟାଟି ଏସିଡ୍ର ଏକ ଭଣ୍ଡାର, ଯାହା ଶରୀରରେ ରକ୍ତ ବୃଦ୍ଧି କରିବା ସହ ପ୍ରତିରକ୍ଷା ପ୍ରଣାଳୀକୁ ମଜବୁତ କରିବା ପାଇଁ ମଧ୍ୟ କାର୍ଯ୍ୟ କରିଥାଏ । ଏହା ମାଂସପେଶୀକୁ ମଜଭୁତ କରିଥାଏ ଏବଂ ହାଡକୁ ଶକ୍ତିଶାଳୀ କରିବାରେ ସହାୟକ ହୋଇଥାଏ ।
ଡ୍ରାଏ ଫ୍ରୁଟ୍ସ:-ବାଦାମ, ଆଲମଣ୍ଡ, ୱାଲନଟ୍ ଏବଂ କାଜୁ ଭଳି ଡ୍ରାଏ ଫ୍ରୁଟ୍ସ ବା ଶୁଖିଳା ଫଳରେ ଆଇରନ୍ ପରିମାଣ ଭରପୁର ଥାଏ । ଏଗୁଡିକ ତୁରନ୍ତ ରକ୍ତରେ ଲୋହିତ ରକ୍ତ କଣିକା ତିଆରି କରନ୍ତି ଏବଂ ଶରୀରରେ ରକ୍ତ ଅଭାବକୁ ଦୂର କରନ୍ତି । ରକ୍ତହୀନତାରେ ପୀଡିତ ଲୋକମାନେ ପ୍ରତିଦିନ ମୁଠାଏ ଶୁଖିଲା ଆଲମଣ୍ଡ ଖାଇବା ଆବଶ୍ୟକ ।
ଡାଲି ଜାତୀୟ ଖାଦ୍ୟ:-ଡାଲି ଏବଂ ଶସ୍ୟ ଜାତୀୟ ଖାଦ୍ୟରେ ପ୍ରୋଟିନ୍, ଭିଟାମିନ୍, ଫାଇବର ଭରପୂର ଥାଏ । ଶରୀରରେ ଲୌହ ଅଭାବକୁ ଦୂର କରି ଏଗୁଡିକ ରକ୍ତ ବୃଦ୍ଧି କରନ୍ତି ଏବଂ ହଜମ ପ୍ରକ୍ରିୟାରେ ମଧ୍ୟ ସାହାଯ୍ୟ କରନ୍ତି । ପ୍ରତିଦିନ ଭିଜା ଯାଇଇଥିବା ସ୍ପ୍ରାଉଟ୍ସ ଖାଇବା ଦ୍ବାରା ଶରୀରରେ ରକ୍ତ ତିଆରି ହେବା ସହ ଅନେକ ପୁଷ୍ଟିକର ଖାଦ୍ୟ ମଧ୍ୟ ମିଳିଥାଏ ।
