ହାଇଦ୍ରାବାଦ: ଆଜି ବିଶ୍ବ କୁଷ୍ଠ ରୋଗ ଦିବସ । ପ୍ରତିବର୍ଷ ଜାନୁଆରୀ ମାସର ଶେଷ ରବିବାରକୁ କୁଷ୍ଠ ଦିବସ ଭାବେ ପାଳନ କରାଯାଇଥାଏ । ମାଇକୋବ୍ୟାକ୍ଟେରିଅମ ଲେପ୍ରି ଓ ମାଇକୋବ୍ୟାକ୍ଟେରିଅମ ଲେପ୍ରୋମାଟୋସିସ ନାମକ ଦୁଇ ବ୍ୟାକ୍ଟେରିଆ ଦ୍ବାରା ଏହି ରୋଗ ବ୍ୟାପିଥାଏ ।
କୁଷ୍ଠ ରୋଗ ଏକ ସ୍ଥାୟୀ ରୋଗ । ପ୍ରତିବର୍ଷ ଏହି ତାରିଖରେ ତଥା ଜାତିର ପିତା ମହାତ୍ମା ଗାନ୍ଧୀଙ୍କ ତିରୋଧାନ ଦିବସରେ ସାରା ବିଶ୍ବରେ ଏହି ଦିବସକୁ ପାଳନ କରାଯାଏ । ଦିନକୁ ଦିନ ବିଶ୍ବରେ ଏହି ରୋଗୀଙ୍କ ସଂଖ୍ୟା ବଢିବାରେ ଲାଗିଛି । ସଚେତନତାର ଅଭାବ ଯୋଗୁଁ ବଢିବାରେ ଲାଗିଛି ଏହି ରୋଗ । କୁଷ୍ଠରୋଗୀଙ୍କ ପାଇଁ ଭେଦଭାବ ସୃଷ୍ଟି ନକରିବା, ସଚେତନତା ସୃଷ୍ଟି କରିବା ଏବଂ ଚିକିତ୍ସା ପାଇଁ ଉତ୍ସାହିତ କରିବା ପାଇଁ ଆଜିର ଦିନକୁ ବିଶ୍ବ କୁଷ୍ଠ ଦିବସ ଭାବେ ପାଳନ କରାଯାଉଛି ।
ମହାତ୍ମା ଗାନ୍ଧି କୁଷ୍ଠ ରୋଗୀଙ୍କ ପ୍ରତି ସର୍ବଦା ଦୟାବାନ ରହିଥିଲେ ଏବଂ ଲୋକମାନଙ୍କ ମଧ୍ୟର ସଚେତନାତା ସୃଷ୍ଟି କରିବା ପାଇଁ ଉଦ୍ୟମ କରୁଥିଲେ । ତେଣୁ ପ୍ରତିବର୍ଷ ତାଙ୍କ ତିରୋଧନ ଦିବସରେ ଏହି ଦିବସକୁ ପାଳନ କରାଯାଉଛି । ବର୍ତ୍ତମାନ ସମୟରେ ମଧ୍ୟ ଆମ ଦେଶରେ ଏହି ରୋଗ ବିଷୟରେ ନିରନ୍ତର ସଚେତନତା ସୃଷ୍ଟି କରିବା ପାଇଁ ସରକାରୀ ଏବଂ ବେସରକାରୀ ସ୍ତରରେ ମଧ୍ୟ ଅନେକ ପ୍ରୟାସ କରାଯାଉଛି । ତେବେ ଚଳିତ ବର୍ଷର ଥିମ ରହିଛି ଆକ୍ଟ ନାଓ, ଏଣ୍ଡ ଲେପ୍ରୋସି(କାମରେ କର, କୁଷ୍ଠ ରୋଗ ହଟାଓ) । ଜନସାଧାରଣଙ୍କ ନିକଟରେ ବାର୍ତ୍ତା ପହଞ୍ଚାଇବା ଲକ୍ଷରେ ଏହି ଥିମ ରଖାଯାଇଛି ।
କୁଷ୍ଠ ରୋଗ କଣ ?