ସୁନ୍ଦରଗଡ: ଯୁବକଙ୍କୁ ବିଭତ୍ସ ହତ୍ୟା ସନ୍ଦେହ। ଏକ ହୋଟେଲ ପଛପଟୁ ମିଳିଲା ଯୁବକଙ୍କ କଟା ହାତ । ଟାଉନ ଥାନା ଅନ୍ତର୍ଗତ ପୁରୁଣା ଟୋଲଗେଟ ନିକଟରେ ଥିବା ଏକ ହୋଟେଲ ପଛପଟୁ ଉକ୍ତ ଯୁବକଙ୍କ କଟା ହାତଟିକୁ ଠାବ କରାଯାଇଛି । ତେବେ ଯୁବକ ଜଣଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି ।
ମୃତଦେହର ଅବଶିଷ୍ଟ ଅଂଶ ମିଳିନଥିବା ବେଳେ ମୃତ ଯୁବକଙ୍କୁ ଚିହ୍ନଟ କରାଯାଇଛି । ମୃତକ ଜଣଙ୍କ ରମେଶ ସିଂ ବୋଲି ଜଣା ପଡିଛି । ତାଙ୍କ ଘର ସଦର ଥାନା, ଭବାନୀପୁର ଅଞ୍ଚଲରେ ବୋଲି ପ୍ରଥମିକ ଭାବେ ଜଣା ପଡିଛି । ପରକୀୟା ପ୍ରୀତିରୁ ଏହି ହତ୍ୟାକାଣ୍ଡ ଘଟିଥିବା ସନ୍ଦେହ କରୁଛି ପୋଲିସ । ଉକ୍ତ କଟାହାତକୁ ଜବତ କରିବା ସହ ଅନ୍ୟ ଅଂଶକୁ ଖୋଜୁଛି ପୋଲିସ । ହାତ ମିଳିଥିବା ସ୍ଥନରେ 2 ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି । ଟାଉନ ଓ ସଦର ଥାନା ମିଳିତ ଭାବେ ତଦନ୍ତ ଆରମ୍ଭ କରିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର , ଇଟିଭି ଭାରତ