ସୁନ୍ଦରଗଡ:ପୃଥକ ପୃଥକ ସଡକ ଦୁର୍ଘଟଣା । ଧରୁଆଡିହି ଥାନା ଗଡିଆ ଜୋର ନିକଟରେ ପିକଅପ ଭ୍ୟାନ ଓ ବାଇକ ମୁହାଁମୁହିଁ ଧକ୍କା ହେବାରୁ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ୨ ବାଇକ ଆରୋହୀ ସୁନ୍ଦରଗଡରୁ ବଡକଛାର ଯାଉଥିବା ବେଳେ ବିପରୀତ ଦିଗରୁ ଆସୁଥିବା ପିକଅପ ଭ୍ୟାନ ଧକ୍କା ଦେଇଥିଲା । ପିକଅପ ଭ୍ୟାନର ଚକା ଫାଟିଯିବାରୁ ଏହି ଦୁର୍ଘଟଣା ଘଟିଥିବା ଜଣାପଡିଛି । ଅପରପକ୍ଷେ ବାଇକ ଆରୋହୀ ମଧ୍ୟ ଦ୍ରୁତଗତିରେ ଗାଡି ଚଳାଉଥିବା ସ୍ଥାନୀୟ ଲୋକେ କହିଛନ୍ତି ।
ସୁନ୍ଦରଗଡରେ ପୃଥକ ପୃଥକ ସଡକ ଦୁର୍ଘଟଣା
ମୃତ ଯୁବକ ହେଉଛନ୍ତି ବଡ କଛାର ବାସୁଦେବ ରୋହିଦାସ । ଖବର ପାଇଁ ଘଟଣା ସ୍ଥଳରେ ମୃତକଙ୍କ ମା ପହଞ୍ଚିଥିବା ବେଳେ ଧରୁଆ ଡିହି ପୋଲିସ ପହଞ୍ଚି ମୃତ ଓ ଆହତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।