ସୁନ୍ଦରଗଡ: ଜୁଆ ଆଡ୍ଡା ଉପରେ ହେମଗିର ପୋଲିସର ଅତର୍କିତ ଚଢାଉ । ସୁନ୍ଦରଗଡ ଜିଲ୍ଲା ହେମଗିର ପୋଲିସ ଗତକାଲି(ରବିବାର) ରାତିରେ ଏକ ନିର୍ଦ୍ଧିଷ୍ଟ ଜୁଆଆଡ୍ଡା ଉପରେ ଅତର୍କିତ ଚଢାଉ କରି 18 ଜଣ ଜୁଆଡିଙ୍କୁ ଗିରଫ କରିଛି ।
ଏହାସହ ସେମାନଙ୍କ ନିକଟରୁ ଗୋଟିଏ କାର, 7ଟି ମୋଟର ସାଇକେଲ, 2ଟି ସ୍କୁଟି, ଗୋଟିଏ ବୁଲେଟ, 19ଟି ମୋବାଇଲ ଫୋନ ଓ 4ଟି କାର୍ଡ ସହ 1 ଲକ୍ଷ 76 ହଜାର ଟଙ୍କା ଜବତ ହୋଇଛି । ରବିବାର ରାତିରେ ଏନେଇ ହେମଗିର ପୋଲିସକୁ ସୂଚନା ଆସିଥିଲା । ବିଳମ୍ବିତ ରାତିରେ ଏହି ଧରପଗଡ ହେବାରୁ ସୋମବାର ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ମିଳିଛି ।