ରାଉରକେଲା:ପୁଣି ମୁଣ୍ଡ ନେଲା କନାକୁଣ୍ଡ । ଅସାବଧାନତା ଯୋଗୁଁ ଭାସିଗଲେ ଯୁବକ । ସୁନ୍ଦରଗଡ ଜିଲ୍ଲା ବାଲିଶଙ୍କରା ବ୍ଲକ୍ ଘୋଘର ନିକଟ ଇବ୍ନଦୀର ଚର୍ଚ୍ଚିତ ଦର୍ଶନୀୟ ସ୍ଥାନ କନାକୁଣ୍ଡରେ ପୁଣି ଅଘଟଣ। ବୁଲିବାକୁ ଯାଇ ଭାସିଗଲେ ୨ ଯୁବକ। କନାକୁଣ୍ଡରେ ୨ ଜଣ ଯୁବକ ଭାସିଯାଇଥିବା ବେଳେ ଜଣେ ଉଦ୍ଧାର। ପାଣିରେ ଭାସି ଯାଉଥିବା ନାବାଳକକୁ ଉଦ୍ଧାର କରିବାକୁ ଯାଇ ବୁଡ଼ି ଯାଇଥିବା ସୂଚନା।
ସୂଚନା ଅନୁସାରେ, ଝାରସୁଗୁଡ଼ା ଜିଲ୍ଲା ବରୋମାଲ ଗାଁରୁ ୨୫ ଜଣ ଯୁବକ କନାକୁଣ୍ଡ ବଣଭୋଜି କରିବାକୁ ଆସିଥିଲେ। ପଥର ଉପରେ ରୋଷେଇ ଚାଲିଥିବା ବେଳେ ୧୭ ବର୍ଷର ମୁକେଶ ମେହେର ଏକ ପଥର ଉପରୁ ଅନ୍ୟପଟକୁ ଯାଉଥିବା ବେଳେ ପାଣି ଭିତରେ ଖସି ପଡ଼ିଥିଲେ। ପହଁରା ଜାଣି ନ ଥିବାରୁ ସେ ଉବୁଟୁବୁ ହୋଇ ଭାସି ଯାଉଥିବା ଦେଖି ତାଙ୍କୁ ଉଦ୍ଧାର କରିବାକୁ ତାଙ୍କ ସହ ଯାଇଥିବା ଚୂଡ଼ାମଣି ମେହେର(୨୬) ଓ ସତୀଶ କୁମାର ଗୁପ୍ତା (୨୬) ପାଣିକୁ ଡେଇଁ ପଡ଼ିଥିଲେ। କିନ୍ତୁ ମୁକେଶକୁ ଉଦ୍ଧାର କରିବା ସମ୍ଭବ ହୋଇ ନ ଥିଲା। ବରଂ ଚୂଡ଼ାମଣି ଓ ସତୀଶ ବି ଭଉଁରୀରେ ଫସି ଯାଇଥିଲେ ।