ସୁନ୍ଦରଗଡ: ରାଉରକେଲା ଝିରପାଣି ଥାନା ଅନ୍ତର୍ଗତ କୋଏଲ ନଦୀର ବୈକୁଣ୍ଠନାଥ ଘାଟରେ ଘଟିଛି ଅଭାବନୀୟ ଘଟଣା । ତିନି ଜଣ ନାବାଳକଙ୍କ ନଦୀରେ ବୁଡି ମୃତ୍ୟୁ ହୋଇଛି । ପୋଲିସ ଓ ଫାୟାର ବ୍ରିଗେଡ ଦଳ 3 ମୃତଦେହକୁ ନଦୀରୁ ଉଦ୍ଧାର କରିଛନ୍ତି ମାତ୍ର କାହାରି ପରିଚୟ ମିଳି ପାରିନାହିଁ । ଘଟଣା ଅପରାହ୍ନର ହୋଇଥାଇ ପାରେ ବୋଲି ଝିରପାଣି ପୋଲିସ ସନ୍ଦେହ କରୁଛି ।
କୋଏଲ ନଦୀରେ ଅଘଟଣ, ନଦୀରେ ବୁଡି 3 ନାବାଳକ ମୃତ - କୋଏଲ ନଦୀରେ ଅଘଟଣ
କୋଏଲ ନଦୀରେ ଅଘଟଣ, ନଦୀରେ ବୁଡି 3 ନାବାଳକ ମୃତ
18:10 February 10
କୋଏଲ ନଦୀରେ ଅଘଟଣ, ନଦୀରେ ବୁଡି 3 ନାବାଳକ ମୃତ
ସ୍ଥାନୀୟ କୌଣସି ବସ୍ତିର ଏହି ପିଲାମାନେ ହୋଇ ଥାଇପାରନ୍ତି ବୋଲି ପୋଲିସ ସନ୍ଦେହ କରିବା ସହ କେତେକ ବସ୍ତିକୁ ପୋଲିସ ପଠାଇ ତଦନ୍ତ ଆରମ୍ଭ କରିଛି । ତେବେ ମୃତକଙ୍କ ଦେହ ଉଦ୍ଧାର ହୋଇଥିଲେ ମଧ୍ୟ ଏ ଯାଏଁ କେହି ଥାନାରେ ଅଭିଯୋଗ କରି ନାହାଁନ୍ତି କିମ୍ବା କାହାର ପିଲା ବୋଲି କେହି ଦାବି କରିବାକୁ ଘଟଣାସ୍ଥଳରେ ପହଞ୍ଚି ନାହାଁନ୍ତି ବୋଲି ପୋଲିସ କହିଛି । ସ୍ଥାନୀୟ ଲୋକେ ମୃତଦେହ ନଦୀରେ ଭାସୁଥିବା ଦେଖି ଝିରପାଣି ପୋଲିସକୁ ଖବର ଦେଇଥିଲେ ।
ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ଦ୍ବାରା ଦୁଇଟି ମୃତଦେହକୁ ବାହାର କରିବା ସହ ସନ୍ଦେହ ହେବାରୁ ଫାୟାର ବ୍ରିଗେଡ ଟିମ୍ ସାହାଯ୍ୟରେ ଅଧିକ ଖୋଜା ଖୋଜି କରି ଆଉ ଜଣଙ୍କ ମୃତଦେହକୁ ଉଦ୍ଧାର କରିଛି । ତେବେ ବୈକୁଣ୍ଠ ନାଥ ଘାଟରେ ଦୁଇ ଯୋଡା ଚପଲ ପଡିଥିବା ଦେଖି ପୋଲିସ ଏହି ପିଲାଙ୍କ ଘର ସ୍ଥାନୀୟ ଅଞ୍ଚଳରେ ହୋଇଥାଇ ପାରେ ବୋଲି ସନ୍ଦେହ କରିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
Last Updated : Feb 10, 2021, 7:47 PM IST