ସୁନ୍ଦରଗଡ: ଜିଲ୍ଲା ସ୍ଥିତ କୁତ୍ରା ଥାନା ସିମେଣ୍ଟ କାରାଖାନା ନିକଟରେ ଅଘଟଣ । କାରଖାନା ନିକଟରେ ଥିବା ଏକ ଟ୍ରକରେ ନିଆଁଲାଗି ଟ୍ରକଟି ସମ୍ପୂର୍ଣ୍ଣ ଜଳିଯାଇଛି । ତେବେ ସୌଭାଗ୍ୟବଶତଃ ଟ୍ରକ ଡ୍ରାଇଭର ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି ।
ସୂଚନା ଅନୁଯାୟୀ ଆଜି(ମଙ୍ଗଳବାର) ସୁନ୍ଦରଗଡ ଜିଲ୍ଲା କୁତ୍ରା ତେଲିଘନା ନିକଟ ଜିନ୍ଦଲ ସିମେଣ୍ଟ କାରଖାନା ନିକଟରେ ଥିବା ଏକ 18 ଚକିଆ ଟ୍ରକରେ ନିଆଁ ଲାଗି ଯାଇଥିଲା । 33 କେଭି ତାର ସଂସ୍ପର୍ଶରେ ଆସି ଟ୍ରକରେ ନିଆଁ ଲାଗିଯିବାରୁ ଟ୍ରକଟି ସମ୍ପୂର୍ଣ୍ଣ ଜଳିଯାଇଛି । କୁତ୍ରା ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ଅନ୍ୟପଟେ ଟ୍ରକ ଡ୍ରାଇଭରଙ୍କୁ ସୁରକ୍ଷିତ ଉଦ୍ଧାର କରାଯାଇଥିବା ଜଣାପଡିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ