ସୁନ୍ଦରଗଡ: ସୁନ୍ଦରଗଡ ଯୁବ କଂଗ୍ରେସ ଆଜି(ସୋମବାର) ନିଆରା ଢଙ୍ଗରେ କେନ୍ଦ୍ର ସରକାର ଓ ରାଜ୍ୟ ସରକାରଙ୍କୁ ପ୍ରତିବାଦ କରିଛି । ପେଟ୍ରୋଲ ଓ ଡିଜେଲର ଅହେତୁକ ଦର ବୃଦ୍ଧିକୁ କେନ୍ଦ୍ର କରି କଂଗ୍ରେସ କର୍ମୀମାନେ ଆଜି ସୁନ୍ଦରଗଡ ଟିଡିସିସି ପେଟ୍ରୋଲ ପମ୍ପରେ ଏହି ଗାଡିରେ ପେଟ୍ରୋଲ ଭରିବାକୁ ଆସିଥିବା ସମସ୍ତ ଗ୍ରାହକଙ୍କୁ ମିଠା ଓ ଚକୋଲେଟ ଦେଇ ବିକ୍ଷୋଭ ପ୍ରଦର୍ଶନ କରିଛି ।
ତୈଳ ଦର ବୃଦ୍ଧିକୁ କଂଗ୍ରେସର ନିଆରା ବିରୋଧ: ଗ୍ରାହକଙ୍କୁ ମିଠା ବାଣ୍ଟି ସରକାରଙ୍କୁ ଆକ୍ଷେପ
କ୍ରିକେଟ ଖେଳରେ ଶତକ ହେଲେ ଯେପରି ଲୋକେ ଖୁସିରେ ନାଚନ୍ତି କିମ୍ବା ମଉଜ ମଜଲିସ କରନ୍ତି ଠିକ ସେହିପରି ଆଜି ଦୁଃଖରେ କଂଗ୍ରେସ କର୍ମୀ ମାନେ କେନ୍ଦ୍ର ଓ ରାଜ୍ୟ ସରକାରଙ୍କ ପେଟ୍ରୋଲ ଦର ଲିଟର ପିଛା ଶହେ ଟଙ୍କା ହେବାକୁ ନେଇ କ୍ଷୋଭରେ ମିଠା ବାଣ୍ଟି କେନ୍ଦ୍ର ସରକାର ତଥା ପ୍ରତ୍ୟକ୍ଷ ଭାବେ ମୋଦିଙ୍କୁ ଓ ଧର୍ମେନ୍ଦ୍ର ପ୍ରଧାନଙ୍କୁ ଆକ୍ଷେପ କରିଛନ୍ତି ।