ହକି ବିଶ୍ୱକପ ପୂର୍ବରୁ ରାଉରକେଲାରେ ରନ ଫର ହକି ଗଣଦୌଡ଼

ହକି ବିଶ୍ୱକପ୍‌ ପାଇଁ ଉତ୍ସାହିତ ରାଉରକେଲା । ବିଶ୍ବକପ୍ ପୂର୍ବରୁ ସହରରେ ଆୟୋଜନ ହେଲା ରନ ଫର ହକି ଗଣଦୌଡ଼ । ଅଧିକ ପଢନ୍ତୁ

ରାଉରକେଲା:ହକି ବିଶ୍ବକପ୍ ପାଇଁ ଚଳଚଞ୍ଚଳ ରହିଛି ରାଉରକେଲା । ବିଶ୍ୱକପକୁ ସ୍ମରଣୀୟ କରିବା ପାଇଁ ରାଉରକେଲା ପ୍ରଶାସନ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଉଛି(Rourkela Gears Up For Hockey World Cup) । ଏହି ପରିପ୍ରେକ୍ଷୀରେ ଆଜି ଷ୍ଟିଲସିଟିରେ ରନ ଫର ହକି ସ୍ଲୋଗାନ ନେଇ ଆୟୋଜିତ ହୋଇଛି ଗଣଦୌଡ଼ । ରାଉରକେଲା ମହାନଗର ନିଗମ ପକ୍ଷରୁ ଏହାର ଆୟୋଜନ କରାଯାଇଛି । ଏହି ଗଣଦୌଡରେ ୧୦୦୦ରୁ ଅଧିକ ସଂଖ୍ୟକ ଛାତ୍ରଛାତ୍ରୀ ଓ ଲୋକେ ଭାଗ ନେଇଛନ୍ତି ।

ରାଉରକେଲା ସହରର ହନୁମାନ ବାଟିକା ଛକରୁ ସେକ୍ଟର ୨ ଦୂର୍ଗାପୂଜା ପଡିଆ ପର୍ଯ୍ୟନ୍ତ ଏହି ଫର୍ ରନ ହକି କାର୍ଯ୍ୟକ୍ରମ(Run For Hockey Marathon) ଆୟୋଜିତ ହୋଇଛି । ରାଉରକେଲା ମହାନଗର ନିଗମ ପକ୍ଷରୁ ପ୍ରାୟ ୧୦ କିଲୋମିଟର ଯାଏଁ ଏହି ଗଣଦୌଡ ଆୟୋଜନ କରାଯାଇଛି । ଏଥିରେ ରାଉରକେଲା ସହର ସମେତ ପଡୋଶୀ ଜିଲ୍ଲା ଏବଂ ପଡୋଶୀ ରାଜ୍ୟରୁ ପିଲାମାନେ ଆସି ଏଥିରେ ସାମିଲ ହୋଇଛନ୍ତି । ଏହିପରି ଭାବେ ରାଉରକେଲା ସହରବାସୀ ଏବଂ ସୁନ୍ଦରଗଡ଼ ଜିଲ୍ଲାବାସୀଙ୍କ ମନରେ ହକି ବିଶ୍ୱକପର ଏକ ଛାପ ଛାଡିବାକୁ ରାଉରକେଲା ପ୍ରଶାସନ ପ୍ରଚେଷ୍ଟା ଚଳାଇଛି ।

ଷ୍ଟିଲସିଟି ରାଉରକେଲାରେ ଜାନୁଆରୀ ୧୩ ତାରିଖ ଠାରୁ ୨୯ ତାରିଖ ପର୍ଯ୍ୟନ୍ତ ପୁରୁଷ ହକି ବିଶ୍ବକପ ଅନୁଷ୍ଠିତ ହେଉଥିବାରୁ, ମହାନଗର ନିଗମ ପକ୍ଷରୁ ହକି ଫର୍ ରନ ଗଣଦୌଡର ଆୟୋଜନ କରାଯାଇଛି । ଓଡ଼ିଶା ଦ୍ବିତୀୟ ଥର ପାଇଁ ହକି ବିଶ୍ବକପ୍ ଆୟୋଜନ କରିବାକୁ ଯାଉଥିବା ବେଳେ ରାଉରକେଲାରେ ପ୍ରଥମ ଥର ଖେଳାଯିବ । ଏଥିପାଇଁ ସୁନ୍ଦରଗଡ଼ ଜିଲ୍ଲା ସମେତ ରାଉରକେଲା ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଛି ।

ବିଶ୍ବକପକୁ ଦୃଷ୍ଟିରେ ରଖି ରାଉରକେଲାରେ ତିଆରି ହୋଇଛି ବିଶ୍ବର ସବର୍ ବୃହତ ହକି ଷ୍ଟାଡିୟମ । ଏହାସହ ପୁରା ଜିଲ୍ଲାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଓ କ୍ରୀଡ଼ା ପ୍ରତିଯୋଗିତା ଅନୁଷ୍ଠିତ ହେଉଛି । ଆଜିର ଗଣଦୌଡ଼ ୧୦ କିଲୋମିଟର ଯାଏ ହୋଇଥିଲା । ଏଥିରେ ପ୍ରଥମ, ଦ୍ୱିତୀୟ, ତୃତୀୟ ସ୍ଥାନ ଅଧିକାର କରିଥିବା ପ୍ରତିଯୋଗୀଙ୍କୁ ପୁରସ୍କୃତ କରାଯାଇଛି ।

ଇଟିଭି ଭାରତ, ରାଉରକେଲା