ରାଉରକେଲା: ଆରମ୍ଭ ହୋଇଛି ପାର୍ବଣ ଋତୁ । ଧରାପୃଷ୍ଠରେ ଅବତରଣ କରିଛନ୍ତି ଜଗତଜନନୀ ମାଆ ଦୁର୍ଗା । ଏହିକ୍ରମରେ ବିଭିନ୍ନ ପୂଜା ମଣ୍ଡପରେ ଶୁକ୍ରବାର ଠାରୁ ଚାଲିବ ମାଆଙ୍କ ଷଷ୍ଠୀ ପୂଜା । ଜଗତଜନନୀଙ୍କ ଆଗମନରେ ଗାଁଠୁ ସହର ହୋଇ ଉଠିଛି ଉତ୍ସବମୁଖର । ସୁଉଚ୍ଚ ତୋରଣ ସାଙ୍ଗକୁ ରଙ୍ଗବେରଙ୍ଗ ଆଲୋକମାଳାରେ ସଜେଇ ହୋଇଛି ପୂଜା ମଣ୍ଡପ ।
ଶାରଦୀୟ ଦୁର୍ଗାପୂଜା ଉପଲକ୍ଷେ ରାଉରକେଲା ସହରରେ ପ୍ରସ୍ତୁତ ହେଉଥିବା ବିଭିନ୍ନ ପୂଜା ପେଣ୍ଡାଲ ମଧ୍ୟରେ ଏକ ପ୍ରକାରର ପ୍ରତିଯୋଗିତା ଦେଖିବାକୁ ମିଳିଛି । ନିର୍ଦ୍ଧାରିତ ସମୟ ମଧ୍ୟରେ କାମ ସାରିବାକୁ କାରିଗର ଓ ପୂଜା କମିଟି ଉଦ୍ୟମ ଚଳାଇଛନ୍ତି । ଚଳିତବର୍ଷ ରାଉରକେଲା ସେକ୍ଟର-16ର ପୂଜା ପେଣ୍ଡାଲକୁ କାରିଗର ବାହୁବଳୀ ସିନେମାର ଦୁର୍ଗ ଭଳି ପ୍ରସ୍ତୁତ କରିଛନ୍ତି ।
ଭିଡିଓ ସୌଜନ୍ୟ :ସମ୍ବାଦଦାତା, ରାଉରକେଲା