ସୁନ୍ଦରଗଡ: ରାଉକେଲା ପ୍ଳାଣ୍ଟସାଇଟ ପୋଲିସକୁ ଆଉ ଏକ ସଫଳତା । ଗୁରୁବାର ରାଉରକେଲା ପାୱାର ହାଉସ ଛକ ଏବଂ ଗାନ୍ଧୀରୋଡରୁ ଗଞ୍ଜେଇ ଓ ବ୍ରାଉନ ସୁଗାର ଚୋରା ଚାଲାଣ ଅଭିଯୋଗରେ 5 ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ସେମାନଙ୍କ ନିକଟରୁ 16 କିଲୋ 928 ଗ୍ରାମ ଗଞ୍ଜେଇ, 18.32ଗ୍ରାମର ବ୍ରାଉନସୁଗାର, 4ଟି ମୋବାଇଲ ଫୋନ ଓ ନଗଦ 14 ହଜାର 670 ଟଙ୍କା ଜବତ କରିଛନ୍ତି ।
ବ୍ରାଉନସୁଗାର ଓ ଗଞ୍ଜେଇ ଚୋରା ଚାଲାଣ ଅଭିଯୋଗରେ 5 ଗିରଫ
ଏହାସହ ଅଭିଯୁକ୍ତମାନଙ୍କୁ ଗୁରୁବାର ସଂଧ୍ୟାରେ କୋର୍ଟ ଚାଲାଣ କରାଯାଇଛି । ଗିରଫ ଅଭିଯୁକ୍ତ ମାନେ ହେଲେ ବିବିକେ ମହାନ୍ତି, ମହେଶ ମହାପାତ୍ର, ମହମ୍ମଦ ଅଲ୍ଲି ହୁସେନ ଓରଫ ରିଙ୍କୁ, ସୋନୁ ଶଙ୍କର ଓରଫ ଟିଣିଆ ଓ ମହମ୍ମଦ ଅପସର ଓରଫ ମ୍ୟାଗି । ମହମ୍ମଦ ଅଲ୍ଲି ହୁସେନର ଘର ଝାଡଖଣ୍ଡ ରାଜ୍ୟ ସିମଡେଗା ଜିଲ୍ଲା ଖରମଟୋଲି ହୋଇଥିବା ବେଳେ ସୋନୁ ଶଙ୍କରର ଘର ଉତ୍ତରପ୍ରଦେଶ ବନାରସର ଆଜମଗଡ ଓ ଅପସରର ଘର ବିହାର ଗୟା ଜିଲ୍ଲାର ଗୋଲବିଘାମୋର ବୋଲି ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି ।