ରାଉରକେଲା:ରଘୁନାଥପଲ୍ଲୀ ପୋଲିସକୁ ସଫଳତା । ଲୋକଙ୍କଠୁ ଚୋରି ହୋଇଥିବା ମୋବାଇଲ ଫେରାଇବାରେ ସଫଳ ହୋଇଛି ରଘୁନାଥପଲ୍ଲୀ ପୋଲିସ । ୫୨ଜଣଙ୍କୁ ନିଜରେ ଚୋରି ହୋଇଥିବା ଫୋନ ଫେରାଇବା ପରେ ସଫଳ ହୋଇଛି ପୋଲିସ ।
ରାଉରକେଲା ପୋଲିସ ଲୋକଙ୍କୁ ଫେରାଇଲା ଚୋରି ହୋଇଥିବା ଫୋନ । ମୋଟ ୫୨ଟି ଚୋରି ହୋଇଥିବା ମୋବାଇଲ ଫୋନ ଅଭିଯୋଗକାରୀଙ୍କୁ ଫେରାଇଲା ପୋଲିସ । ରାଉରକେଲା ରଘୁନାଥପଲ୍ଲୀ ଥାନା ପୋଲିସ ପକ୍ଷରୁ ଏଭଳି ଏକ ପଦକ୍ଷେପକୁ ସମ୍ମାନ ଜଣାଇଛନ୍ତି ସ୍ଥାନୀୟ ଲୋକେ । ରାଉରକେଲା ରଘୁନାଥପଲ୍ଲୀ ଥାନା ଅଞ୍ଚଳରେ ଲୋକଙ୍କ ଠାରୁ ଚୋରି ହୋଇଥିବା ମୋବାଇଲ ଫୋନ ଜବତ କରିଛି ପୋଲିସ । ତେବେ ରଘୁନାଥପଲ୍ଲୀ ଥାନା ଅଞ୍ଚଳରେ ଯେଉଁ ଲୋକଙ୍କ ମୋବାଇଲ ଫୋନ ବିଭିନ୍ନ ଘଟଣାରେ ଚୋର ଦ୍ୱାରା ଚୋରି ହୋଇଥିଲା ସେମାନେ ନିଜର ଫୋନ ପାଇ ବେସ ଖୁସିଥିବା କହିଛନ୍ତି ।
ଏହା ମଧ୍ୟ ପଢନ୍ତୁ: ଆଜି ଶ୍ରୀଜିଉଙ୍କ ବନକଲାଗି ନୀତି, ସନ୍ଧ୍ୟାରୁ 4 ଘଣ୍ଟା ଦର୍ଶନ ବନ୍ଦ
ଯେଉଁ ଲୋକେ ନିଜର ଫୋନ ଚୋରି ହୋଇଥିବା ପରେ ରଘୁନାଥପଲ୍ଲୀ ଥାନାରେ ଆସି ଅଭିଯୋଗ କରିଥିଲେ ସେମାନଙ୍କ ଠାରୁ ସମସ୍ତ ଫୋନର ଆଇ ଏମଇଆଇ(IMEI) ନମ୍ବର ପୋଲିସ FIR ସମୟରେ ନେଇ ଫୋନକୁ ଟ୍ରାକିଂ କରିଥିଲା । ତେବେ ଚୋରି ହୋଇଥିବା ଫୋନକୁ ଟ୍ରାକିଂ କରି ପୋଲିସ ଜାଣିବାକୁ ପାଇଥିଲା ଯେ, ଚୋର ମୋବାଇଲ ଚୋରି କରିବା ପରେ ଏହାକୁ ବିକ୍ରି କରି ଦେଇଛି ଏବଂ ସମସ୍ତ ମୋବାଇଲ ଲୋକେ ସେକେଣ୍ଡ ହ୍ୟାଣ୍ଡ ଭାବରେ କିଣି ବ୍ୟବହାର କରୁଥିଲେ ।