ରାଉରକେଲା: ଷ୍ଟିଲ୍ସିଟିକୁ ଅଣଦେଖା କରୁଛନ୍ତି ରାଜ୍ୟ ସରକାର । କେବଳ ରାଉରକେଲା ସହର ନୁହେଁ ବରଂ ସମ୍ପୂର୍ଣ୍ଣ ସୁନ୍ଦରଗଡ଼ ଜିଲ୍ଲାର ଉନ୍ନତି କଥା କେବଳ କାଗଜପତ୍ରରେ କହୁଛନ୍ତି । କିନ୍ତୁ ଏହାର ବାସ୍ତବ ଚିତ୍ର କିଛି ଅଲଗା। ଏଭଳି ଅଭିଯୋଗ ଆଣିଛି ବିଜେପି । ବିଜେପି ରାଜ୍ୟ ସଭାପତି ଏକ ସାମ୍ବାଦିକ ସମ୍ମିଳନୀ କରି ଏଭଳି ଅଭିଯୋଗ କରିଛନ୍ତି ।
ତେବେ ରାଉରକେଲା ସହରର ବହୁ ଦିନରୁ ଜନସାଧାରଣଙ୍କ ଦାବିଗୁଡିକ ଆଜିବି ଅସମ୍ପୂର୍ଣ୍ଣ ହୋଇ ରହିଛି । ଲୋକଙ୍କ ମୌଳିକ ଅଧିକାରକୁ ରାଜ୍ୟ ସରକାର ପୁରା କରିବାକୁ ଚାହୁଁ ନାହାନ୍ତି । ରାଉରକେଲା ମହାନଗର ନିଗମ ନିର୍ବାଚନ, ବହୁ ପ୍ରତୀକ୍ଷିତ ତାଳଚେର ବିମଲାଗଡ଼ ରେଳପଥ ଏବଂ ମିଟକୁନ୍ଦୁରୀଠାରୁ ରିଉଁକୁ ବ୍ରିଜ୍ ନିର୍ମାଣ ଏବଂ ସୁନ୍ଦରଗଡ଼ ଜିଲ୍ଲାରେ ସରକାରୀ ମେଡ଼ିକାଲ କଲେଜ୍ ଏବଂ ହସ୍ପିଟାଲକୁ ଏଠାରେ ସ୍ଥାପନ କରାଯାଉ । ସେହିପରି ରାଉରକେଲାବାସୀଙ୍କ ବହୁ ଦିନର ସ୍ୱପ୍ନ ରାଉରକେଲା ବିମାନ ବନ୍ଦରକୁ କେନ୍ଦ୍ର ସରକାରଙ୍କୁ ହସ୍ତାନ୍ତର କରନ୍ତୁ । ତେବେ ଏଭଳି ବିଭିନ୍ନ ପ୍ରସଙ୍ଗକୁ ନେଇ ସରକାରଙ୍କ ନିକଟରେ ଦାବି ରଖିଛି ବିଜେପି । 2014ରୁ ଆଜି ପର୍ଯ୍ୟନ୍ତ ରାଉରକେଲା ମହାନଗର ନିଗମ ନିର୍ବାଚନ ହୋଇ ପାରିନାହିଁ । ଏତେ ବର୍ଷ ଧରି ରାଜ୍ୟ ସରକାର ଏହାକୁ କେଉଁଥିପାଇ ଅଟକାଇ ରଖିଛନ୍ତି । ଯେତେବେଳେ ନିର୍ବାଚନ କରି ଲୋକଙ୍କୁ ସୁବିଧା ସୁଯୋଗ ଦେବା କଥା ସେତେବେଳେ ଏହି ମହାନଗର ନିଗମ ନିର୍ବାଚନ ନକରି ସମ୍ପୂର୍ଣ୍ଣ ରାଉରକେଲାବାସୀଙ୍କ ମୌଳିକ ଅଧିକାରକୁ କ୍ଷୁର୍ଣ୍ଣ କରାଯାଇଛି ।