ରାଉରକେଲା: ଦିନକୁ ଦିନ ମହାମାରୀ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । କୋରୋନାକୁ ନେଇ ବିଭିନ୍ନ ଗୁଜବ ମଧ୍ୟ ପ୍ରଚାର ପ୍ରସାର ହେଉଛି । ଏହାକୁ ଦୃଷ୍ଟିରେ ରଖି ରାଉରକେଲା ଅତିରିକ୍ତ ଜିଲ୍ଲାପାଳ ଗୁଜବ ଉପରେ ଗୁରୁତ୍ବ ନ ଦେବ ପାଇଁ ଅନୁରୋଧ କରି ଏକ ଭିଡିଓ କ୍ଲିପ ଜାରି କରିଛନ୍ତି ।
କୋରୋନାକୁ ନେଇ ରାଉରକେଲା ଅତିରିକ୍ତ ଜିଲ୍ଲାପାଳଙ୍କ ଭିଡିଓ କ୍ଲିପ ଜାରି
ରାଉରକେଲା ଅତିରିକ୍ତ ଜିଲ୍ଲାପାଳ ଅବନୀ ସୁନିଲ ନରୱାଣେ ଗୁଜବ ଉପରେ ଗୁରୁତ୍ବ ନ ଦେବ ପାଇଁ ଲୋକଙ୍କୁ ଅନୁରୋଧ କରିଛନ୍ତି । ସେ କହିଛନ୍ତି କୋରୋନାର ମୁକାବିଲା ପାଇଁ ଜିଲ୍ଲା ପ୍ରଶାସନ ସକ୍ଷମ ଅଛି । ସବୁ ପ୍ରକାର ସୂଚନା ପ୍ରଶାସନ ତରଫରୁ ପ୍ରଦାନ କରାଯାଉଛି । ଜନସାଧାରଣଙ୍କୁ ଗୁଜବକୁ ବିଶ୍ବାସ ନ କରିବା ଉପରେ ସେ ଗୁରୁତ୍ବ ଦେଇଛନ୍ତି ଏବଂ ସଂକ୍ରମଣ ରୋକିବା ପାଇଁ ଜିଲ୍ଲା ପ୍ରଶାସନର ନିର୍ଦ୍ଦେଶ ପାଳନ କରିବା ପାଇଁ ଅନୁରୋଧ କରିଛନ୍ତି । ମହାମାରୀ କୌଣସି ଜାତି ଧର୍ମ ଦେଖି ଆସେ ନାହିଁ ବୋଲି ଜିଲ୍ଲାପାଳ କହିଛନ୍ତି ।