ରାଉରକେଲା କୋଭିଡ ଟୀକାକରଣ କେନ୍ଦ୍ର ତଦାରଖ କଲେ ଅତିରିକ୍ତ ଜିଲ୍ଲାପାଳ

ଆଜି(ମଙ୍ଗଳବାର) ଆରଜିଏଚକୁ ଯାଇ ରାଉରକେଲା ୧୮ ରୁ ୪୪ ବର୍ଷ ବୟସର ଲୋକଙ୍କୁ ଦିଆଯାଉଥିବା ଟୀକାକରଣ ବ୍ୟବସ୍ଥାକୁ ନିଜେ ତଦାରଖ କରିଛନ୍ତି ଅତିରିକ୍ତ ଜିଲ୍ଲାପାଳ ଆବୋଲି ସୁନୀଲ ନରୱାଣେ । ଅଧିକ ପଢନ୍ତୁ...

ସୁନ୍ଦରଗଡ: ରାଉରକେଲା ସହରରେ ପୂର୍ବରୁ ନିର୍ଦ୍ଧାରିତ ହୋଇଥିବା ଟିକା କେନ୍ଦ୍ରରେ ଟିକା ଦିଆଯିବାର ବ୍ୟବସ୍ଥା ହୋଇଛି । ଲୋକେ ସମୟ ପୂର୍ବରୁ ନିଜ ନିଜ ରେଜିଷ୍ଟ୍ରେସନ ମେସେଜ ଅନୁସାରେ ଚିକିତ୍ସାଳୟରେ ସାମାଜିକ ଦୂରତା ରକ୍ଷା କରି ଧାଡ଼ିରେ ଛିଡ଼ା ହୋଇ ଟିକା ନେଉଥିବା ପରିଲକ୍ଷିତ ହୋଇଛି । ସହରର ୮ଟି କେନ୍ଦ୍ରରେ ଭ୍ୟାକସିନ ଟିକା ଦିଆଯାଉଛି । ତେବେ ଏହି କାର୍ଯ୍ୟକ୍ଷମ କେନ୍ଦ୍ର ଗୁଡିକ ଆଇଜିଏଚ୍, ଆରଜିଏଚ୍, ପୋଲିସ ହସ୍ପିଟାଲ, ୟୁସିଏନସି ପାନପୋଷ, ଇଏସଆଇ ହସ୍ପିଟାଲ, ସେକ୍ଟର-୬ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର, ରେଳବାଇ ହସ୍ପିଟାଲ (ବନ୍ଧମୁଣ୍ଡା) ଓ ସେଲ ହେଲଥ ସେଣ୍ଟର ଫର୍ଟିଲାଇଜର (ଟାଉନ ସିପ)ବୋଲି ଜଣାପଡିଛି ।

ଆଜି(ମଙ୍ଗଳବାର) ଆରଜିଏଚକୁ ଯାଇ ରାଉରକେଲା ଅତିରିକ୍ତ ଜିଲ୍ଲାପାଳ ଆବୋଲି ସୁନୀଲ ନରୱାଣେ ୧୮ ରୁ ୪୪ ବର୍ଷ ବୟସର ଲୋକଙ୍କୁ ଦିଆଯାଉଥିବା ଟୀକାକରଣ ବ୍ୟବସ୍ଥାକୁ ନିଜେ ତଦାରଖ କରିଥିଲେ । ପ୍ରଶାସନର ଏହି ନୂତନ ଟୀକାକରଣ ବ୍ୟବସ୍ଥା ଯୋଗୁଁ ସହରବାସୀ ସରଳ ଭାବରେ ନିଜନିଜ ଅଞ୍ଚଳରେ ଟିକା ନେଇ ପାରୁଛନ୍ତି । ପୂର୍ବରୁ ଗୋଟିଏ ସ୍ଥାନରେ ଟିକା ଦିଆଯାଉଥିବାବେଳେ ଲମ୍ବା ଲାଇନରେ ଘଣ୍ଟା ଘଣ୍ଟା ଧରି ଛିଡା ହେବାକୁ ପଡୁଥିଲା । ତେବେ ଏହାର ସରଳୀକରଣ କରାଯାଇଛି ବୋଲି ଅତିରିକ୍ତ ଜିଲ୍ଲାପାଳ କହିଛନ୍ତି ।

ସୁନ୍ଦରଗଡରୁ ହରିହର ଦାସମହାପାତ୍ର, ଇଟିଭି ଭାରତ