ଟ୍ରକ-ଇନୋଭା ଧକ୍କାରେ ସ୍କୁଟି ଚାଳକ ମୃତ

ସୁନ୍ଦରଗଡର ଶିଉଡ଼ି ନିକଟସ୍ଥ 143 ନମ୍ବର ଜାତୀୟ ରାଜପଥରେ ସଡକ ଦୁର୍ଘଟଣା । ଟ୍ରକ-ଇନୋଭା ମଧ୍ୟରେ ଧକ୍କା ହେବା ଫଳରେ ଜଣେ ସ୍କୁଟି ଚାଳକଙ୍କ ମୃତ୍ୟୁ ହୋଇଛି । ବନ୍ଧୁ ଘରକୁ ଯାଉଥିବାବେଳେ ଏହି ଦୁର୍ଘଟଣା ଘଟିଥିଲା ।

ରାଉରକେଲା: ସୁନ୍ଦରଗଡର ଲାଠିକଟା ବ୍ଲକ ଶିଉଡ଼ି ନିକଟସ୍ଥ 143 ନମ୍ବର ଜାତୀୟ ରାଜପଥରେ ସଡକ ଦୁର୍ଘଟଣା । ଟ୍ରକ-ଇନୋଭା ମଧ୍ୟରେ ଧକ୍କା ହେବା ଫଳରେ ଜଣେ ସ୍କୁଟି ଚାଳକଙ୍କ ମୃତ୍ୟୁ ହୋଇଛି । ମୃତକଙ୍କ ପରିଚୟ ଅସ୍ପଷ୍ଟ ରହିଛି।

ଶୁକ୍ରବାର ସକାଳେ ମୃତ ବ୍ୟକ୍ତି ଜଣକ ଅନୁଗୋଳରୁ ରାଉରକେଲାରେ ଥିବା ନିଜ ବନ୍ଧୁ ଘରକୁ ଯାଉଥିଲେ । ଏହି ସମୟରେ ଏକ ଟ୍ରକ ଓ ଇନୋଭା ଗାଡି ପରସ୍ପର ମଧ୍ୟରେ ଧକ୍କା ହେବା ପରେ ସ୍କୁଟି ଚାଳକ ଉଭୟ ଗାଡି ମଧ୍ୟରେ ଚାପି ହୋଇଯାଇଥିଲେ । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଦୁର୍ଘଟଣାକୁ ନେଇ ଜାତୀୟ ରାଜପଥରେ ଯାତାୟତ ପ୍ରଭାବିତ ହୋଇଥିବା ବେଳେ ଘଟଣାସ୍ଥଳରେ ପୋଲିସ ପହଞ୍ଚି ପରିସ୍ଥିତିକୁ ଆୟତ୍ତ କରିଛି।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ