ସୁନ୍ଦରଗଡ: ବୁଧବାର ରଙ୍ଗାଢିପା ନିର୍ମାଣାଧିନ ଦୁର୍ଗା ମନ୍ଦିରର ରତ୍ନମୁଦ ଉତ୍ସବ ଅନୁଷ୍ଠିତ ହୋଇଛି । ପୂର୍ବରୁ ରଙ୍ଗାଢିପାରେ ଏକ ଛୋଟ ମନ୍ଦିର ନିର୍ମିତ କରାଯାଇ ସେଠାରେ ପ୍ରତିବର୍ଷ ମା’ ଦୁର୍ଗାଙ୍କର ମୃଣ୍ମୟୀ ମୂର୍ତ୍ତି (ମା’ ଦୁର୍ଗାଙ୍କର) ପୂଜା ହେଉଥିଲା ।
ତେବେ ଗତ ବର୍ଷ ରଙ୍ଗାଢିପା ପୂଜା କମିଟି ମା'ଙ୍କର ଏକ ପିତ୍ତଳ ଧାତୁ ନିର୍ମିତ ମୂର୍ତ୍ତି ସ୍ଥାପନ କରିବାନେଇ ନିଷ୍ପତ୍ତି ନେବା ସହ ମା'ଙ୍କର ମନ୍ଦିରର କଳେବରକୁ ପରିବର୍ତ୍ତନ କରିବା ନେଇ ଅଣ୍ଟା ଭିଡିଥିଲା । ଗତକାଲି ମା’ଙ୍କ ନବ ନିର୍ମାଣାଧିନ ମନ୍ଦିରର ରତ୍ନମୁଦ ଦିଆଯାଇଛି । ଏହି ମନ୍ଦିରରେ ମା’ଙ୍କର 22 ଟନ ଓଜନର ଏକ ପିତ୍ତଳ ମୂର୍ତ୍ତି ସ୍ଥାପନ କରାଯାଇ ପ୍ରତିଦିନ ମା’ଙ୍କର ପୂଜାର୍ଚ୍ଚନା ନେଇ ବ୍ୟବସ୍ଥା କରାଯାଉଥିବା କଥା ମନ୍ଦିର କମିଟି କହିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ