ସୁନ୍ଦରଗଡ଼: ରାଜଗାଙ୍ଗପୁର ଥାନା ଅଧିକାରୀଙ୍କୁ ମିଳିଲା ଆଉ ଏକ ସଫଳତା । ଡକାୟତି ଯୋଜନା କରୁଥିବା ବେଳେ 5 ଅଭିଯୁକ୍ତ ଗିରଫ କଲା ରାଜଗାଙ୍ଗପୁର ପୋଲିସ ।
ତେବେ ରାଜଗାଙ୍ଗପୁର ଥାନା ଅନ୍ତର୍ଗତ କାଂଶବାହାଲ ନିକଟ ରାଜ୍ୟ ରାଜପଥ–10 କଡରେ ଥିବା କେ.କେ. ଢାବା ନିକଟରେ ବସି କେତେକ ଦୁର୍ବୃତ୍ତ ଡକାୟତି ଯୋଜନା ପାଇଁ ପ୍ରସ୍ତୁତ ହେଉଥିବା ବେଳେ ରାଜଗାଙ୍ଗପୁର ଥାନା ଅଧିକାରୀଙ୍କ ନଜରକୁ ଆସିଥିଲେ । ରାଜଗାଙ୍ଗପରୁ ପୋଲିସ କୌଶଳକ୍ରମେ ସେମାନଙ୍କ ମଧ୍ୟରୁ ପାଞ୍ଚ ଜଣ ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ନଗଦ 2000 ଟଙ୍କା , ଗୋଟିଏ ମାବାଇଲ ଫୋନ, ଦୁଇଟା ଭୁଜାଲି, ଗୋଟିଏ ନକଲି ପିସ୍ତଲ, ଦୁଇଟା ଲୁହା ଛଡ ଓ କିଛି ଲଙ୍କା ଗୁଣ୍ଡ ଜବତ କରିଛି ।