ରାଉରକେଲା: ଆଜି (ରବିବାର) ରାଉରକେଲା ଆସିବେ ମହାମହିମ ରାଷ୍ଟ୍ରପତି ରାମନାଥ କୋବିନ୍ଦ । ରାଉରକେଲା ଗସ୍ତ ଅବସରରେ ଏନଆଇଟି କନଭୋକେସନରେ ଯୋଗଦେବେ ରାଷ୍ଟ୍ରପତି କୋବିନ୍ଦ । ସେହିପରି ରାଉରକେଲା ଷ୍ଟିଲ ପ୍ଲାଣ୍ଟ ଦ୍ବାରା ନିର୍ମିତ ସୁପର ସ୍ପେଶାଲିଟି ହସ୍ପିଟାଲର ଉଦଘାଟନ ମଧ୍ୟ କରିବେ ।
ରବିବାର ରାଷ୍ଟ୍ରପତିଙ୍କ ରାଉରକେଲା ଗସ୍ତ; ଏନଆଇଟି କାର୍ଯ୍ୟକ୍ରମରେ କୌଣସି ରାଷ୍ଟ୍ରପତି ପ୍ରଥମ ଥର ହେବେ ସାମିଲ
ରାଷ୍ଟ୍ରପତିଙ୍କ କାର୍ଯ୍ୟକ୍ରମ ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ବିଶେଷ କରି ଶାନ୍ତି , ଶୃଙ୍ଖଳା ଓ ନିର୍ଦ୍ଧାରିତ ସମୟରେ କାର୍ଯ୍ୟକ୍ରମ ସମାପନକୁ ଗୁରୁତ୍ବ ଦିଆଯାଇଛି । । ଏହାସହ ରାଷ୍ଟ୍ରପତିଙ୍କ କାର୍ଯ୍ୟକ୍ରମରେ ସାମିଲ ହେବାକୁ ଥିବା ଅତିଥି ଓ ଅଧିକାରୀଙ୍କ ଶନିବାର ମକଡ୍ରିଲ ଶେଷ ହୋଇଛି । ରାଷ୍ଟ୍ରପତି ରବିବାର ସକାଳ ( ପୂର୍ବାହ୍ନ )10:35ରେ ରାଉରକେଲା ଏୟାର ଷ୍ଟ୍ରିପରେ ପହଞ୍ଚିବେ । ଦିନ 11ଟାରେ ଏନଆଇଟି କନଭୋକେସନ କାର୍ଯ୍ୟକ୍ରମରେ ଯୋଗଦେବେ ।