ସୁନ୍ଦରଗଡ: ଗଞ୍ଜେଇ ଚୋରା ଚାଲାଣ ବେଳେ ସୁନ୍ଦରଗଡ ଟାଉନଥାନା ପୋଲିସ 4 ବ୍ୟାଗ ଗଞ୍ଜେଇ ସହ 4 ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତଙ୍କ ମଧ୍ୟରେ ଜଣେ ମହିଳା ସାମିଲ ଥିବା ଜଣାପଡିଛି । ଏମାନେ ଗଞ୍ଜେଇ ଚାଲାଣ କରୁଥିବାବେଳେ ଗତକାଲି(ଗୁରୁବାର) ରାଣୀବଗିଚା ବାଇପାସ ରାଜ୍ୟ ରାଜପଥ-10ରୁ ଗିରଫ କରାଯାଇଛି ।
ଗଞ୍ଜେଇ ଭର୍ତ୍ତି ବ୍ୟାଗ ସହ 4 ଅଭିଯୁକ୍ତ ଗିରଫ
ଏହାସହ ସେମାନଙ୍କ ନିକଟରୁ 67 କିଲୋ 100 ଗ୍ରାମ ଓଜନର ଗଞ୍ଜେଇ , ଗୋଟିଏ ମାରୁତି ସୁଜୁକି ଡିଜାୟାର କାର, 4 ଟି ସେଲଫୋନ ଓ ନଗଦ 15,830 ଟଙ୍କା ଜବତ କରିଛି । ଜବତ ଗଞ୍ଜେଇର ଆନୁମାନିକ ବଜାର ମୂଲ୍ୟ 3 ଲକ୍ଷ 85 ହଜାର ଟଙ୍କା ହେବ ବୋଲି ପୋଲିସ କହିଛି ।
ଗିରଫ ଅଭିଯୁକ୍ତ ମାନେ ହେଲେ – କିଶନୁ ଓରଫ କିଶାନୁ ଶର୍ମା , ମହେଶ କୁମାର , କେଦାର ସିଂ ଓ ରେଖା ଶର୍ମା। ଏମାନେ ଝାରସୁଗୁଡାରୁ ଉତ୍ତରପ୍ରଦେଶର ମଥୁରା ଜିଲ୍ଲାକୁ ଗଞ୍ଜେଇ ଚାଲାଣ କରୁଥିବା ପୋଲିସ କହିଛି । ତେବେ ଏହି ଗଞ୍ଜେଇ ଚାଲାଣ ସଂପର୍କରେ ଟାଉନ ପୋଲିସରେ କାର୍ଯ୍ୟରତ ଥିବା ଏସଆଇ ଲକ୍ଷ୍ମିକାନ୍ତ ପ୍ରଧାନଙ୍କୁ କୌଣସି ବିଶେଷ ସୂତ୍ରରୁ ସୂଚନା ମିଳିଥିଲା ।