ଓଲଟିଲା ବୋଲେରୋ, ଜଣେ ମୃତ 3 ଗୁରୁତର

ବଣଭୋଜି ପାଇଁ ଯାଉଥିବା ବେଳେ ଓଲଟିଲା ବୋଲେରୋ । ଜଣଙ୍କ ମୃତ୍ୟୁ ହୋଇଥିବା ବେଳେ 7 ଜଣ ଆହତ ହୋଇଛନ୍ତି । ଅଧିକ ପଢନ୍ତୁ...

ସୁନ୍ଦରଗଡ: ବଣଭୋଜି ପାଇଁ ଯାଉଥିବା ବେଳେ ଓଲଟିଲା ବୋଲେରୋ । ଜଣଙ୍କର ମୃତ୍ୟୁ ହୋଇଥିବା ବେଳେ 7 ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରୁ 3 ଜଣ ଗୁରୁତର ଅଛନ୍ତି । ଝାରସୁଗୁଡା ଜିଲ୍ଲାରୁ ସୁନ୍ଦରଗଡ଼ ଜିଲ୍ଲା ଘୋଗରକୁ ବଣଭୋଜି କରିବାକୁ ଯାଇଥିବା ବେଳେ ଭାରସାମ୍ୟ ହରାଇ ଗଛରେ ପିଟି ହୋଇଥିଲା ବୋଲେରୋ ।

ସୁନ୍ଦରଗଡ଼ ଜିଲ୍ଲା ତାଳସରା ଥାନା ଅନ୍ତର୍ଗତ ସୁବଦେଗା ନିକଟରେ ଘଟିଛି ଏହି ଦୁର୍ଘଟଣା । ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ସୁନ୍ଦରଗଡ଼ ମୁଖ୍ୟ ଡାକ୍ତରଖାନାକୁ ପଠାଇଥିବା ବେଳେ ତାଳସରା ଥାନାକୁ ଖବର ଦେଇଛନ୍ତି ।

ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ